{"id":4250,"date":"2024-06-05T23:14:24","date_gmt":"2024-06-05T23:14:24","guid":{"rendered":"https:\/\/hikaya.bakandamiya.com\/blog\/?p=4250"},"modified":"2024-08-10T11:48:06","modified_gmt":"2024-08-10T11:48:06","slug":"bita-akan-rubutun-gajeren-labari-2","status":"publish","type":"post","link":"https:\/\/hikaya.bakandamiya.com\/blog\/bita-akan-rubutun-gajeren-labari-2\/","title":{"rendered":"Bita akan rubutun gajeren labari 2"},"content":{"rendered":"\n

Kuna iya karanta darasin ranar farko<\/a> kafin ku ci gaba da wannan.<\/p>\n\n\n\n

RANA TA BIYU<\/h1>\n\n\n\n

Darasi na 1<\/h2>\n\n\n\n

Abubuwan lura a rubutun gajeren labari<\/h3>\n\n\n\n

A jiya mun bayyana siffar gajeren labari ta fuskar adadin kalmomi. Mun riga mun san cewar shi Rubutu baiwa ne. Ba kowa ke da baiwar rubutu ba. Duk da haka akwai hanyoyin da ake bi domin karawa rubutun armashi da inganci.

Mun fahimci cewar shi gajeren labari ya fiye tsarabobi, wajibi ne a bi matakan da aka shardanta musamman idan kana yin rubutun ne domin shiga gasa.

Yau za mu tattauna ne akan wasu ka\u2019idoji da mai rubuta gajeran labari zai lura da su. Za mu kawo misali idan ta kama. Wadannan kaidoji ba sharadi ba ne, amma suna daga cikin manyan abubuwan da suke karawa gajeren labari armashi har ya zama ya karbu. Bari mu soma jero su kamar haka:

1. Amfani da zababbun kalmomi
2. Zaben waje da muhalli da lokaci
3. Bai wa manufa muhimmanci
4. Fayyace tauraro da irin burinsa
5. Maida hankali kan jigo
6. Takaitawa \u2013 Siffantawa, Yawan Taurari, Yawan
7. Bayyana aikatau

Za mu dauki kowanne mu yi bayani tare da misali a darussa masu zuwa.<\/em><\/p>\n\n\n\n

Darasi na 2<\/h2>\n\n\n\n

1. Amfani da zababbun kalmomi<\/h3>\n\n\n\n

Rubutun gajeren labari na bukatar yin nazari bisa kalmomin da za a saka masu ma\u2019ana. Duk kalmar da za ka saka sai ka yi tunanin irin tasirin ta a labarin da kuma yadda mutane za su gane abin da kake nufi da hanzari.

\u0181arna ce kwarai ka tsaya \u0199a\u0199aro kalmomi masu sarkakiya matukar akwai masu sauki a kusa. Akwai wasu kalmomi da asalinsu ba Hausa ba ne, amma an mayar da su cikin Hausar har sun zama sabagiji, ya fi ka yi aiki da su maimakon bata lokaci wajen fassara.

Misali:

Talabijin Maimakon Rediyo mai hoto

Kurkuku\/Yari\/Fursun
Maimakon
Gidan bada horo\/Gidan gyaran hali\/Gidan maza<\/p>\n\n\n\n

2. Zaben waje da muhalli<\/h3>\n\n\n\n

Ana so a dan takaitaccen bayani ka nunawa mai karatu wuri ko yanayi ko muhallin da labarinka yake. Ba a so ka tsawaita wajen kawo tarihin wajen ko siffanta yadda yake ko abin da ake aiwatarwa. Koda ya zama wajibi ka kawo abubuwan, sai ka rubuta su a takaice.

Bari mu yi misali da wani muhalli a dogo da gajeren labari domin fahimtar manufa.

Dogon labari<\/strong><\/p>\n\n\n\n

Faffadan wajen mai girman kimanin kafa dari biyu kusurwa hu\u0257u. Kananan kujeru ne a jere kowanne an makala ‘yar takarda mai dauke da sunan wanda aka tanadarwa. Daga can gaba kuma, wasu manyan kujeru ne na alfarma cikin sahu biyu. Da alama na manyan mutane ne. Babba ma ashe da babbansa, cikin wadannan kujerun akwai wata a tsakiya wadda ta fi su girma da ado da kyau. An yi mata wani irin zane da ruwan zinariya sai daukar ido take, ga wasu irin matasai na gashin jimina an dora hagu da damanta. Kai da gani ba sai an fada maka ba, wannan ita ce kujerar da aka tanada ta musamman domin mai martaba Sarki, yana da matsayi biyu a wannan muhimmin taro. Na farko shi ne shugaban makarantar domin shi ne ya fara karfafawa iyayen yara gwiwa suka bude makarantar kuma da kansa ya jagoranci taron ta na farko. Na biyu kuma, a yau shi ne uban taro sai abin da yake so za a aiwatar.<\/em>

Bari mu takaita wannan wajen zuwa gajeren labari

Gajeren labari<\/strong>

An cika babban dakin da kujeru, kuma kowacce kujera an rubuta sunan wanda zai zauna akai. Can gaba kuma manyan kujeru ne na alfarma domin manyan baki. Babbar kujera mafi kayatuwa ita aka ware musamman domin mai martaba sarki wanda yake uban taro kuma shugaban makaranta.<\/em>

Kun ga mun bayyana wancan dogon labarin a takaice kuma an fahimta kamar yadda yake a dogon labarin<\/p>\n\n\n\n

Darasi na 3<\/h2>\n\n\n\n

3. Bai wa manufa muhimmanci<\/h3>\n\n\n\n

Yana da kyau tun a sadarar farko mai karatu ya gane manufar rubutunka. Ana so ka zamana ka ambaci wani abu da zai sa a gane cewar labarin nan akan abu kaza yake magana. Anan ba ina nufin bude hanjin labarin ta yadda mai karatu zai yi hasashen karshensa ba watau ‘pre-emptive’.

Misali. Dubi farkon bude wannan labarin:

\u201cBan san talaka sarki ba ne, sai da na shiga siyasa. A da na dauki talaka ba a bakin komai ba, sai ga ni ina yawo kwararo-kwararo ina durkusawa ina gaishe su. Duk inda na ji labarin biki ko suna ko mutuwa sai na yi maza ni da yarana mu riga kowa zuwa. Idan mun ga ana dariya mu ma mu fashe da dariya, idan kuka ake yi mu fi kowa kururuwa.\u201d
– MM Karami

Daga karanta wannan sadara ta sama za mu fahimci cewar labari ake akan wani dan siyasa mai neman kuri\u2019a. Mai karatu zai so jin karshen labarin yadda ta kaya.

Ana so kowanne sakin layi ya zama akan manufar labarin ne bai karkace zuwa wani abu ba kamar yadda ake yi a dogon labari.<\/p>\n\n\n\n

4. Fayyace tauraro da irin burinsa<\/h3>\n\n\n\n

A gajeren labari, wajibi ne a nuna babban tauraro da irin abin da yake burin samu. Mun san cewa tauraron labari shi ne wanda yake da bukatar samun cimma wani buri amma wasu abubuwa suna kawo masa cikas. A gajeren labari ana so mai karatu ya fahimci irin burin tauraro cikin hanzari. Ga misalin wani gajeren labarin:

\u201c Tun ina ‘yar karama bana kaunar wannan aba wai ita tururuwa,idan daya ta cije ni to duk inda na ga danginta a ranar to sunanta gawa.<\/p>\n\n\n\n

Abu har yakai ga girmana bana tausayin Tururuwa, su kuma iyayena basu damu dasu tsawatar dani hakan ba dan basa kaunar bacin raina.\u201d

Mai labarin ya nuna yadda tauraruwa ke tsanar tururuwa da irin azabar da take gana musu.

Kenan ba a bukatar a gajeren labari a tsawaita wajen nuna burin tauraro kamar yadda ake yi a dogon labari.<\/p>\n\n\n\n

5. Mai da hankali kan jigo<\/h3>\n\n\n\n

Manufar tauraro ita za ta bayyana jigon labarin. Ana so marubuci ya fito da jigon sosai yadda mai karatu zai gane. Ba kamar a dogon labari ba inda marubuci zai boye jigonsa cikin kananan jigogi, an fi so a bayyana a zahiri ko a aikace yadda kowa zai gane. Kana iya fito da manufarka ta hanyar da ka so watau, ko dai ta hanyar bayani ko aiki ko kuwa maganar tauraro. Haka kuma ana iya nuna jigon labarin tun daga takensa.

Bari mu buga misali a Sabon Post na wani gajeren da na ciro da Littafin Tekun Labarai.<\/em><\/p>\n\n\n\n

Darasi na 4<\/strong><\/h2>\n\n\n\n

Karanta wannan labari ka yi nazari kan jigonsa

SHARI\u2019A SAB\u2019ANIN HANKALI KUMA DAIDAI HANKALI

Wani buzu ya yi laftun kayan kanwa ya nufo k’asar hausa domin ya sayar. Duk kasuwar da ya je, yadda ya baza kanwar haka yake nad\u2019ewa babu mai saya. Dalilin haka kuwa saboda furucin tallan da yake yi ya sa mutane k’auracewa kanwar. Abin da yake cewa kuwa shi ne, “a zo a yi magana a sha dukan kanwa.” Duk wanda ya ji haka sai ya kauce musamman da jama’a suka ga yana rataye da zabgegen takobi. Shi nufin wai a zo a taya a saye kanwar duka a sari.  

Ya yi ta yawo tsakanin manya da k’ananan garuruwa tun daga Sabon birni ya keta har ya isa wani k’auye da ke cikin k’asar Kano ana kiransa Tarau.  Ya baje hajarsa a kasuwa yana  mai addu\u2019ar Allah ya kawo wanda zai saye kayan ya huta da d\u2019awainiya.

Ya zauna tun safe har yamma babu wanda ya ce da shi \u2018ci kanka\u2019, har ya soma  shirin nad\u2019e kaya sai ga wani mutumin Zazzau ya je wajensa ya ce, \u201cNawa za ka sayar min da laftun nan duka?\u201dYa ce, \u201cfad\u2019i da kanka mu ji.\u201d

\u201cna saya fam biyar.\u201d

\u201cAlbarka.\u201d
\u201cNa k\u2019ara fam biyu.\u201d
\u201cAlbarka.\u201d

Mai sayen kaya ya ce, \u201cna saya fam goma, amma daga haka ba zan k’ara maka komai ba  sai babu.\u201d Mai kaya da ya ji haka sai ya ce, \u201cna sayar maka akan fam goma da babu.” Mai saye ya ce, \u201czan tafi da kaya rana wa ta yau zan kawo maka kud\u2019in.\u201d

Bayan kwana bakwai ya kawo masa kud\u2019insa. Buzu ya k’irga ya ga sun cika fam goma cif. Sai ya ce, \u201ckud\u2019i sun cika, saura ka bani babu kamar yadda ka yi alk\u2019awari.\u201d

Mai sayen kaya ya yi dariya ya ce, \u201cdama babu na ce zan baka, kuma babu tana nufin babu komai kenan.\u201d Buzu ya b\u2019ata rai ya ce, \u201cka bar yi mini maganar banza, na sayar maka da kayana bisa sharad\u2019in za ka k\u2019ara min da babu. Idan ko ba haka ba ka dawo min da kayana ga kud\u2019inka nan.\u201d 

Wasa wasa dai magana ta zafafa, suka rik\u2019a musayar maganganu suna d\u2019aga murya kamar za su yi fad\u2019a. Mutane suka taru suna k’ok’arin sasanta su. Da abin ya faskara sai aka d’unguma da su wurin sarkin kasuwa. Sarkin kasuwa ya rasa yadda zai b’ullowa shari’ar musamman da buzu ke ta hak’ik’icewar sai an ba shi hak’k’insa. Sai cewa yake, “don kurum kun ga ni bak’o ne za ku zalunce ni?”

Da ya ga cewar ba zai iya sulhunta su ba sai ya kwashe su zuwa wurin Hakimi mai kula da yankin k’asar Tarau ana yi masa lakabi da Sarki. Lokacin kuwa fada ta cika da makad\u2019a da mawak\u2019a da masu algaita suna  zarya suna zuga Sarki.

Da Sarki ya ji wannan zance, sai ya yi shiru yana tunani, ya dubi mai kaya ya ce, \u201cshin ya ba ka kud\u2019in da kuka yi ciniki?\u201d Ya ce, \u201cna\u2019am ya ba ni, amma a cinikin ya ce, zai k\u2019ara min da babu kuma a haka muka k\u2019ulla yarjejeniya.\u201d

Sarki ya fusata ya ce, \u201ckai wanne irin mutum ne? Wa ka ga an ba shi babu kamar yadda kake wassafawa?\u201d Mai kaya ya ce, \u201cAllah ya baka sa\u2019a kan mak\u2019iya, ni fa wayayye ne d\u2019an wayayyu. Kuma na fi shekara talatin ina saye da sayarwa. Don haka a ba ni hak\u2019k\u2019ina kamar yadda shari\u2019a take bisa adalci.\u201d

Sarki ya rasa yadda zai b\u2019ullowa al\u2019amarin. Ya yi shiru yana tunanin yadda sai yi da hak’ik’icewar da buzu ke yi. Gaisuwar da wani makad’I ya yi gare shi ne ya dawo da shi daga duniyar tunani.  

Shi wannan makad’in ganga mai suna Abul K’asimu, yana cikin cashewa da kalangu aka zo da wannan shari’ar. Don haka sai ya bar abin da yake yi ya shiga cikin ‘yan kallo.

Da ya ga al\u2019amarin ya cukurkud\u2019e sai ya tafi ta gangarsa a kafad\u2019a ya durk\u2019usa gaban Sarki ya ce da murya k\u2019asa k\u2019asa yadda babu wanda ya ji shi sai Sarki, \u201cAllah ya ja kwananka, a ba ni izni na yi wannan hukuncin, domin na lura da\u2019awarsu ba ta biyo cikin littatafan shari\u2019a ba, sai irin namu littatafan na \u2018yan duniya.\u201d

Sarki ya ce, \u201cna ba ka izni, amma idan ka kasa yin hukuncin adalci, za ka d’and’ana kud’arka.\u201d<\/em>

Makad\u2019i Abul K\u2019asimu ya zauna kujera ya ce, \u201ca kawo min daro cike da ruwa.\u201d Aka kawo masa. Ya dubi wanda ya sayi kaya ya ce, \u201ca cinikinku ka yi masa alk\u2019awarin za ka ba shi babu. Haka ne?\u201d Ya ce, \u201chaka ne.\u201d Ya waiwaya ga mai kaya ya ce, \u201cShin ya baka kud\u2019inka amma bai baka babu ba?\u201d Ya ce, \u201cna\u2019am, kuma mun yi yarjejeniya ne kan fam goma kuma ya amince zai k\u2019ara min da babu. Daga baya sai ya hana ni. Wannan wanne irin zalunci ne haka?\u201d Ya ce, \u201ctunda haka ne mu za mu karb’ar maka hak’k’inka  yanzun nan kamar yadda kuka yi alk\u2019awari.\u201d Ya dubi mai sayen kaya ya ce,  \u201cDank\u2019e hannayenka da kyau.\u201d Mai sayen kaya ya dank\u2019e hannaye.

Ya ce, \u201csake dank\u2019ewa dai.\u201d Ya dank\u2019e. Ya ce, \u201cdandank\u2019e da kyau sosai.\u201d Yayin da ya tabbatar ya dank\u2019e hannunsa sosai, sai ya ce, \u201cto tsunduma hannayenka duka suna dank\u2019e cikin wannan ruwan.\u201d Mai sayen kaya ya aikata kamar yadda aka umarce shi. Bayan wani lokaci mai shari\u2019a ya ce, \u201cto fito da hannayenka.\u201d Ya fito da su alhali suna dank\u2019e. Ya ce, \u201cto mik\u2019a duk abin da ka dank\u2019o ga abokin cinikinka.\u201d Ya mik\u2019awa bak\u2019auye hannunsa a dank\u2019e har suka yi musabaha sannan ya bu\u2019de.<\/em><\/p>\n\n\n\n

Alk\u2019ali makad\u2019i ya dubi bak\u2019auye ya ce, \u201cshin ya ba ka wani abu da kuka gaisa?\u201d Ya ce, \u201ceh na ji danshin ruwa a hannunsa amma babu komai.\u201d Alk\u2019ali ya ce, \u201cwannan ita ce babun da kake buk\u2019ata, don haka d\u2019auki babunka ka kama gabanka.\u201d Ya juya zai tafi kenan sai Sarki ya ce da shi, \u201cshin ka gamsu da wannan hukuncin?\u201d Ya ce, \u201cna gamsu, tun da an bani hak\u2019k\u2019ina.\u201d 

Jama\u2019ar da ke wurin gaba d\u2019aya suka fashe da dariya har da Sarki. Ya sa aka yi wa makad\u2019i kyautar kud’I da tufafi ya sallame shi. Don haka masu iya magana ke cewa, shari\u2019a ta sab\u2019awa hankali, amma wasu kuma suna cewa shari\u2019a ta yi daidai da hankali. Duk ma\u2019anar da ka d\u2019auka, haka shari\u2019ar take.
<\/em>
Wannan labari ya nuna mana jigonsa tun daga takensa, kuma aka sake jadadda haka a karshen labarin.<\/p>\n\n\n\n

Darasi na 5<\/strong><\/h2>\n\n\n\n

6. Takaitawa \u2013 Siffantawa, Yawan Taurari, Yawan Zance<\/h3>\n\n\n\n

Duk sharadan nan da na ambata suna karkata ne ga takaitawa. Daya daga manyan abubuwan da ake so a takaita su ne siffanta kamannin tauraro.

A dogon labari ana so kowanne tauraron da zai taka rawa a labarin ya zamana an san kamanninsa da irin dabiunsa. Amma a gajeren labari idan aka nuna tauraro da irin abin da ya sa gaba kadai ya wadatar. Kana iya ambata kamannin tauraro ta yin nuni da halayyarsa ko sunansa. Misali a ce sunan tauraro, Malam Kazallaha. Daga jin sunan za a fahimci mutum ne mai karambani. Ko kuwa a ce, Alhaji Mai Dariya, mai karatu zai gane cewa tauraron yana da fara’a ne. Haka kuma kana iya kawo siffar tauraronka a takaice yadda mai karatu zai gane irin yanayin da tauraron ke ciki.

Bari mu dauko misali daga wani gajeren labari;

Motocin na tsayawa sai wani mutum gajere tutturna, mai siffar \u2018yan dambe sauko tare da yaransa su biyu. Maigari da mukarrabansa suka yi musu maraba. Bayan tattaunawar kankanin lokaci, Maigari ya yi wa mutanensa fatan alheri tare da shaida musu irin aikin da za su yi a birni da kuma alkawarin da kamfani ya yi musu.
\u201cKu sani aikin nan mun jima muna neman muku, sai yanzu ya samu alhali kuma an soma samun ruwan sama, to haka Allah ya tsara. Muna fatan ku dawo mana da arzikin da zai magance matsalar da kauyenmu ke ciki sakamakon karancin ruwan sama da aka yi bara.\u201d Yana gama bayanin sai sai aka soma kiran suna. Duk wanda ya ji sunansa sai ya shiga mota ya zauna.<\/p>\n\n\n\n

7. Bayyana aikatau<\/h3>\n\n\n\n

Bayyana aiki ba tare da magana ba yana rike makaranci. A gajeren labari yana da matukar amfani a nuna yadda aiki ke gudana ba tare da tsoma bakin tauraro ba.

Bari mu yi misali da wani gajeren labari:

Ba mu yi nisa sosai ba motar ta fara tangadi saboda rashin kyan hanya. Ga kwazazzabai ga kura duk ta cika mana ido. muka rinka hantsilawa daga wannan gefe zuwa wancan. Kowa daga cikinmu ya shiga\u00a0 kokarin samun madafa, wasu naga har sunyi tsalle sun dira waje. Nima nayi yunkurin haka, amma da naga wani yaro ya dira ya kwanta shiru na saddakar babbar kasada ce.

Cikin sa\u2019a na kama wani guntun katako dake jikin bodin gam.\u00a0 Naga wata mata ta zama kamar wani kuli – kuli, idan motar ta jirga gefe guda ita ma sai ta fada nan. Wata hantsilowa da motar tayi kamar zata kifa, matar ta samu sa\u2019ar kamo kafafu na ta rike, yayin da ni kuma nake reto kamar jemage. Naji karfina ya dada raguwa, hannuna ya kama rawa saboda fisga ta da ake ta baya musamman idan motar ta jirkita bari daya. Hannuna daya ya kufce daga inda na makalkale.

A cikin haka wani daga cikin daurin kayan dake sama ya kwance, ya fado min a hannun da nake rike da bodin motar. Nayi kasa tim na fadi, kayan suka zubo kaina, suka danne ni. Nan da nan naji numfashina na barazanar daukewa. Har na soma ganin wasu taurari na zagaya ni. Ban san yadda aka yi ba naji motar ta tsaya cik, naji wasu na magana suna dariya\u2026.

Ku ci gaba da karatun darasin rana ta uku<\/a>.<\/p>\n","protected":false},"excerpt":{"rendered":"

Kuna iya karanta darasin ranar farko kafin ku ci gaba da wannan. RANA TA BIYU Darasi na 1 Abubuwan lura a rubutun gajeren labari A jiya mun bayyana siffar gajeren labari ta fuskar adadin kalmomi. Mun riga mun san cewar shi Rubutu baiwa ne. Ba kowa ke da baiwar rubutu ba. Duk da haka akwai… <\/p>\n

Read More »Bita akan rubutun gajeren labari 2<\/span><\/a><\/div>\n","protected":false},"author":5,"featured_media":4252,"comment_status":"open","ping_status":"open","sticky":false,"template":"","format":"standard","meta":{"neve_meta_sidebar":"","neve_meta_container":"","neve_meta_enable_content_width":"","neve_meta_content_width":0,"neve_meta_title_alignment":"","neve_meta_author_avatar":"","neve_post_elements_order":"","neve_meta_disable_header":"","neve_meta_disable_footer":"","neve_meta_disable_title":"","neve_meta_reading_time":"","_jetpack_memberships_contains_paid_content":false,"footnotes":""},"categories":[58,2],"tags":[3,19],"class_list":["post-4250","post","type-post","status-publish","format-standard","has-post-thumbnail","hentry","category-hausa","category-writing-tips","tag-dabarun-rubutu","tag-writing-tips"],"jetpack_featured_media_url":"https:\/\/efd8kbkoisy.exactdn.com\/blog\/wp-content\/uploads\/2024\/06\/Bita-akan-rubutun-gajeren-labari-2.jpeg?strip=all","jetpack_sharing_enabled":true,"_links":{"self":[{"href":"https:\/\/hikaya.bakandamiya.com\/blog\/wp-json\/wp\/v2\/posts\/4250","targetHints":{"allow":["GET"]}}],"collection":[{"href":"https:\/\/hikaya.bakandamiya.com\/blog\/wp-json\/wp\/v2\/posts"}],"about":[{"href":"https:\/\/hikaya.bakandamiya.com\/blog\/wp-json\/wp\/v2\/types\/post"}],"author":[{"embeddable":true,"href":"https:\/\/hikaya.bakandamiya.com\/blog\/wp-json\/wp\/v2\/users\/5"}],"replies":[{"embeddable":true,"href":"https:\/\/hikaya.bakandamiya.com\/blog\/wp-json\/wp\/v2\/comments?post=4250"}],"version-history":[{"count":0,"href":"https:\/\/hikaya.bakandamiya.com\/blog\/wp-json\/wp\/v2\/posts\/4250\/revisions"}],"wp:featuredmedia":[{"embeddable":true,"href":"https:\/\/hikaya.bakandamiya.com\/blog\/wp-json\/wp\/v2\/media\/4252"}],"wp:attachment":[{"href":"https:\/\/hikaya.bakandamiya.com\/blog\/wp-json\/wp\/v2\/media?parent=4250"}],"wp:term":[{"taxonomy":"category","embeddable":true,"href":"https:\/\/hikaya.bakandamiya.com\/blog\/wp-json\/wp\/v2\/categories?post=4250"},{"taxonomy":"post_tag","embeddable":true,"href":"https:\/\/hikaya.bakandamiya.com\/blog\/wp-json\/wp\/v2\/tags?post=4250"}],"curies":[{"name":"wp","href":"https:\/\/api.w.org\/{rel}","templated":true}]}}