Zaben sunan littafi yana da muhimmancin da ya fi gaban a ce suna ne kawai. Sunan littafi shi ne abu na farko da ke jawo hankalin masu karatu, kuma shi ne abu na farko da ke haska masa irin abin da labarin ya \u0199unsa. Sunan littafi mai kyau na iya zama raba-gardama tsakanin mai karatu zai \u0257auki littafinka ya karanta ko ba zai \u0257auka ba. A rayuwar da muke ciki yanzu da kuma irin yadda marubuta suka yawaita, ga kuma tarin litattafai nan birjik a kasuwa, wasu marubutan kan kasa za\u0253en sunan littafin da ya dace da labarin da suke rubutawa har ta kai su ga saka sunan da wani ya ta\u0253a amfani da irin wannan suna wanda hakan na iya jawo ru\u0257ani a wasu lokutan ko kuma ya rage wa littafin tasiri. To amma ta yaya za ka za\u0253i sunan da zai jawo hankali ko ya motsa zuciya da tunanin masu karatu har su ji cewa suna son karanta littafin naka?<\/p>\n\n\n\n
Za\u0253in sunan littafin da ya dace wa littafinka na bu\u0199atar nazari, bincike tare da fahimtar sa\u0199on da littafin ya \u0199unsa da kuma wa\u0257anda ka ke son ka isar wa da sa\u0199on. A cikin wannan mu\u0199ala, za mu kawo hanyoyin da za ka bi har ka kai ga za\u0253en sunan da ya dace wa littafinka ta yadda zai fita daban da sauran litattafai.\u00a0<\/p>\n\n\n\n
Sunan littafi shi ne sunan da marubuci ya ra\u0257a wa wani aiki da ya yi a matsayin matakin farko na iya tantance wannan aikin. Sunan littafi na da matu\u0199ar muhimmanci ta yadda yana iya taka muhimmiyar rawa wajen samun nasarar wannan littafi.<\/p>\n\n\n\n
Ga wasu abubuwan da suka sa sunan Littafi yake da muhimmanci ga marubuci:<\/p>\n\n\n\n
1. Abu na farko da mai karatu ke fara dubawa shi ne sunan littafin da zai \u0257auka ya karanta. Wannan dalili ne ya sa litattafan da ke da sunaye masu da\u0257i tare da jan hankali ke samun kasuwa nan da nan fiye da kishiyoyinsu.<\/p>\n\n\n\n
2. Sau da dama sunan Littafi na bayyana irin abin da littafin ya \u0199unsa. Alal misali: ‘Ruwan Bagaja’ na Alhaji Abubakar Imam, da jin wannan suna mai karatu zai iya fahimtar labarin zai yi magana ne akan wani ruwa da ake kira da Bagaja, kuma da ya karanta littafin zai taras da hakan ne har ma da \u0199ari.<\/p>\n\n\n\n
3. Gajerun Sunaye masu jan hankali na sa masu karatu su iya ri\u0199e sunan Littafi fiye da dogaye masu wuya. Littafin ‘Akan So’ na Lubna Sufyan da ‘Tambaya’ na Haiman Raees na iya zama misali a wannan bigiren. To ri\u0199e sunan Littafi ka\u0257ai ba \u0199aramin abin alfahari bane ga marubuci, domin alama ce ta samun nasarar zama a zukatan masu karatu.<\/p>\n\n\n\n
4. Saka wa littafi sunan da ya dace na taimaka masa wajen tallata ta shi a wurin masu karatu. Baya ga haka kuma yana taimakawa wajen samuwarsa ga masu karatun cikin sau\u0199i yayin da suka fara bincike game da shi.<\/p>\n\n\n\n
5. Sunan littafi na iya \u0257aukar ma’anoni biyu ko sama da haka. Misali: a cikin littafin ‘Kul\u0253a Na \u0181arna’ kai tsaye littafin ba akan kul\u0253a yake magana ba face karin magana ce wacce ke fayyace irin abin da labarin ya \u0199unsa. Irin wannan sunan na sa littafi ya \u0199ara shiga cikin adabi da zuciyar masu karatu fiye da wasu wa\u0257anda ba irinsa ba.<\/p>\n\n\n\n
6. Littafin da ya ci sunansa \u0199warai da gaske yana sa masu karatu su yi tsammanin irin abin da za su tarar a cikin littafin. Saka wa littafi sunan da bai dace ba yana \u0253ata wa masu karatu rai tare da ru\u0257a su ta yadda za su kasa fahimtar sa\u0199on da littafin yake son isarwa.<\/p>\n\n\n\n
7. Suna mai kyau na iya sa littafi ya zamo wani jigo a cikin al’ada ko adabin mutane. Litattafai irin su Magana Jari Ce, Iliya \u018aanmai\u0199arfi ds na iya zama misalai.<\/p>\n\n\n\n
Sunan littafi iri-iri ne, kuma kowanne yana da dalilin da ke sa a yi amfani da shi. Kuma kai tsaye ba a iya cewa ga iya yawan adadin rabe-raben, sai dai ana iya kawo wa\u0257anda aka fi yin amfani da su. Za mu \u0257auki guda goma mu yi bayaninsu a ta\u0199aice tare da kawo misalai.<\/p>\n\n\n\n
1. Akwai suna mai bayyana abin da littafin ya \u0199unsa kai tsaye. Misali: Tarihin Annabi Kammalalle, Zuwan Turawa Nijeriya Ta Arewa, A Brief History of Time<\/em> da sauransu.<\/p>\n\n\n\n 2. Akwai kuma littafi mai sunaye guda biyu, babban take da kuma \u0199arami. Misali: Sapiens: A Brief History of Humankind, Hausawa: Tarihi da Ya\u0257uwarsu, Quiet: The Power of Introverts<\/em> da sauransu.<\/p>\n\n\n\n 3. Wasu Sunayen kuma suna zuwa ne da sigar tambaya. Misali: Wa Zai Auri Jahila? Kuskuren Waye?<\/a> Who Moved My Cheese?<\/em> da sauransu.<\/p>\n\n\n\n 4. Akwai littafin da ke \u0257auke da sunan Tauraron labari ko kuma mai take masa baya a cikin labarin. Misali: Malam Jatau<\/a>, Oliver Twist, Fa\u0257ime<\/em> da dai sauransu.<\/p>\n\n\n\n 5. Wasu sunayen kan zo ne da lambobi ko awanni, kwanaki kuma kwanan wata ko shekara domin nuna muhimmancin wannan lamba, kwanan wata ko kuma shekara a cikin labarin. Misali: Yini Sittin Da \u018aaya<\/a>, Auren Wata Bakwai, 1984<\/em> da sauransu.<\/p>\n\n\n\n 6. Akwai sunan da ke bayyana wuri ko gari ko kuma zamanin da labarin ya afku. Misali; Birnin Sahara<\/a>, Midnight in Paris, From Fatika With Love<\/em> da sauransu.<\/p>\n\n\n\n 7. Akwai kuma sunan da ke amfani da kishiyar kalma wajen bayyana irin yamutsin da ke cikin labarin. Misali: Rayuwa da Mutuwa, War and Peace, Fari da Ba\u0199i<\/em> da sauransu.<\/p>\n\n\n\n 8. Akwai kuma sunan da ke bayyana asalin jigon labari ko kuma wani muhimmin sa\u0199o da ke cikin labarin. Misali: Launin So<\/a>, Ba\u0199ar \u0198addara<\/a>, Kuskuren Wasu<\/a><\/em> da sauransu.<\/p>\n\n\n\n 9. Wani littafin kan zo ne a matsayin \u0257aya daga cikin jerangiyar littatafai da ke bayar da wani dogon labari wanda aka raba shi kashi-kashi, to a nan ana iya bin suna \u0257aya amma sai a ke yi masa \u0199ari a gaba domin tantancewa. Misali<\/p>\n\n\n\n – The Hunger Games: Catching Fire<\/em><\/p>\n\n\n\n – Percy Jackson And The Olympians: The Lightning Thief<\/em><\/p>\n\n\n\n – Harry Potter and the Sorcerer\u2019s Stone<\/em><\/p>\n\n\n\n 10. Wani littafin kuma kan \u0257auki karin magana ko wani sashe na karin maganar a matsayin suna. Misali: Kul\u0253a Na \u0181arna, Tabarmar Kunya, Jiki Magayi<\/em> da sauransu.\u00a0<\/p>\n\n\n\n Duka wa\u0257annan rabe-raben da ma wa\u0257anda ba mu ambato ba marubuci na iya amfani da su wajen za\u0253en sunan littafinsa.<\/p>\n\n\n\n A mafi yawancin lokutta, marubuta kan fara rubutu ne ba tare da tsayayyen sunan Littafin ba. Yayin da wasu kuma ke fara rubutun da wani suna na aiki kawai ba wai asalin sunan littafin ba da nufin sai sun kammala tukunna kafin su za\u0253i sunan da ya dace. Ka\u0257an ne daga cikin marubuta ke samun sunan littafin da suke rubutawa tun a matakin farko. Wasu ma sunan littafin ne ke zuwa musu tare da jigon labarin nasu a ha\u0257e. To ko ma dai a wane \u0253angare marubuci yake, takura wa kai wajen samo sunan da ya dace wa littafinka bai kamata ya zamo jan aikin da har tayar maka da hankali ba. Ga matakan da za ka bi domin samun sunan da ya dace da littafinka.\u00a0<\/p>\n\n\n\n 1. Ka fahimci littafinka:<\/strong> Kafin a je ga neman sunan da ya dace a saka wa littafi, wajibi ne marubuci ya tabbatar da cewa ya fahimci jigo da kuma sa\u0199on da yake son isarwa a cikin littafin. Dalili kuwa shi ne, sunan littafin ya kamata ace ya dace da tsari da zubi da kuma sa\u0199on labarin. Ga litattafan \u0199ir\u0199ira (fiction), ana iya duba rayuwar tauraron labarin, \u0199alubalen da ke gabansa ko wani abu makamancin wannan. A litattafan da ba na \u0199ir\u0199ira ba kuma (non-fiction) sai a duba asalin jigo ko batun da ake magana akai. Fahimtar inda labari ya nufa zai taimaka \u0199warai wajen za\u0253a wa littafin suna. Misali, littafin da ke magana game da soyayya zai fi dacewa da suna irin na soyayya fiye da na karin magana, yayin da littafin tarihi kuma zai fi dacewa da sunan wanda ko abinda za a bada tarihin nasa.<\/p>\n\n\n\n 2. Ka fahimci su wa za su karanta littafin:<\/strong> Abu na biyu da ya kamata marubuci ya yi bayan ya fahimci inda labarinsa ya nufa shi ne ya fahimci su wa yake rubuta wa labarin. Shin manya ne ko yara? Maza ne ko mata? Matasa ne ko tsoffi? ‘Yan kasuwa ne ko leburori? Shin wane irin suna, kalma ko magana ce za ta fi kar\u0253uwa a wajensu? Ka sani cewa sunan da zai dace da matasa ba lallai bane ya dace da tsoffi. Misali: Littafin ‘Launin So’ na Kabir Yusuf Fagge kai tsaye da ka ji shi kasan yana magana ne akan soyayya, don haka sai ya fi samun amsuwa a wurin matasa fiye da littafin Hamza Dawaki mai suna ‘Dabarun Nasarar Iyali’ wanda shi kuma sai ya fi samun kar\u0253uwa a wurin magidanta. Don haka ka tabbatar ka sa wa littafinka sunan da kai tsaye wa\u0257anda ka rubuta littafin dominsu za su iya fahimtarka tun daga sunan.<\/p>\n\n\n\n 3. Kada ya yi tsayi sosai:<\/strong> Gajeren suna wanda bai wuce daga kalma \u0257aya zuwa biyar ba ya fi zama a zuciyar masu karatu tare da basu damar tuna shi fiye da dogon suna. Ya dace marubuci ya \u0199aurace wa yin amfani da dogon suna ko kuma yin amfani da kalmomin da ba su dace ba a cikin sunan littafinsa. In ka ga sunan ya yi tsayi sai ka rage yawan shi.<\/p>\n\n\n\n 4. Amfani da kalmomi masu \u0199arfi:<\/strong> Mataki na hu\u0257u da marubuci zai \u0257auka shi ne amfani da kalmomi masu \u0199arfi wajen saka wa littafinsa suna. Kalmomi masu \u0199arfi na sa mai karatu jin cewa ya kamata ya ji labarin nan, yana kuma iya sa shi zumu\u0257in karanta labarin. Misali: littafin ‘Ba\u0199ar \u0198addara’ na Haiman Raees na iya jawo hankalin mai karatu wajen sa mishi kwa\u0257ayin jin wacce irin \u0198addara ce wannan. Haka littafin Kundin Tsatsuba na Abdul’aziz Sani Madakin Gini kai tsaye yana jan hankalin mai karatu zuwa ga wani Kundi ne wanda ya shafi \u0257alasiman tsafi.<\/p>\n\n\n\n 5. Yarda da za\u0253inka:<\/strong> Wani lokaci yana iya faruwa a wayi gari sunan da mutane suka fi raja’a zuwa gare shi kai kuma bai kwanta maka a rai ba saboda dalilan da kai ka\u0257ai ka sani a matsayinka na marubuci. To ba laifi bane don ka yi amfani da wanda ya fi kwanta maka a rai. Saboda labarin naka ne kuma kai ka fi dacewa da za\u0253a masa sunan da ya dace da sa\u0199on da ka ke son isarwa. Idan har sunan ya kwanta maka, to akwai yiwuwar su ma masu karatu zai kwanta musu.<\/p>\n\n\n\n 6. Gwaji:<\/strong> Bayan ka za\u0253i suna kamar biyu ko fiye da haka kana iya yin gwaji a tsakanin makusanta ko mabiyanka domin ganin wane suna ne ya fi wani samun kar\u0253uwa a wurin mutane. Kana kuma iya yin bincike a shafin yanar gizo ka gani ko an ta\u0253a amfani da sunan ko ba a ta\u0253a ba.<\/p>\n\n\n\n 7. Bangon littafi:<\/strong> Wani mataki da ba kowa ke lura da shi ba wajen za\u0253en sunan littafi shi ne yadda sunan zai kasance a bangon littafin. Suna mai tsawo ko kuma mai \u0257auke da wasu hayaniya ko kwamacala tabbas ba zai yi kyau a jikin bangon littafin ba. Zaman suna dakyau akan bangon littafi yana taimaka wajen jawo hankalin mai karatu ga littafin.<\/p>\n\n\n\n Sunan littafi mai kyau kuma wanda ya dace ya kamata ya \u0199unshi abubuwa kamar haka:<\/p>\n\n\n\n – Ya zamo suna ne fayyacacce kuma mai fayyacewa. A kiyaye amfani da kalmomi \u0253oyayyu ko masu harshen damo.<\/p>\n\n\n\n – Ya zamo suna ne da za a iya tuna shi cikin sau\u0199i. Kuma ya kasance mai da\u0257in fa\u0257a.<\/p>\n\n\n\n – Ya zamo ya dace da jigon labarin ba wai sunan ya yi can ba shi kuma jigon ya yi wani wajen.<\/p>\n\n\n\n – Ya zamo ya dace da yanayin yadda kasuwar litattafai ke ci a daidai wannan lokaci.\u00a0<\/p>\n\n\n\n \u00a01. Ha\u0199uri da fa\u0257a\u0257a tunani.<\/p>\n\n\n\n 2. Neman shawarar marubuta da masu karatu.<\/p>\n\n\n\n 3. Kada suna yayi tsayi kalmomi daga \u0257aya zuwa biyar sun isa.<\/p>\n\n\n\n 4. A kiyaye amfani da alamomi.<\/p>\n\n\n\n 5. A kiyaye kwafar irin sunan wani.<\/p>\n\n\n\n 6. A kiyaye amfani da sunan Turanci a littafin Hausa.\u00a0<\/p>\n\n\n\n <\/p>\n\n\n\n <\/p>\n","protected":false},"excerpt":{"rendered":" Zaben sunan littafi yana da muhimmancin da ya fi gaban a ce suna ne kawai. Sunan littafi shi ne abu na farko da ke jawo hankalin masu karatu, kuma shi ne abu na farko da ke haska masa irin abin da labarin ya \u0199unsa. Sunan littafi mai kyau na iya zama raba-gardama tsakanin mai karatu… <\/p>\nMatakan za\u0253en sunan littafin da ya dace\u00a0<\/h2>\n\n\n\n
Yadda ake gane sunan littafi mai kyau<\/h2>\n\n\n\n
Shawarwari<\/h2>\n\n\n\n