Hausa audio books sun kewaye sa\u0199o da lungu na Arewacin Nijeriya fiye da yadda ake zato ko tsammani. Abu ne da yake gogayya da zamani, kamar yadda aka sani shi kuma zamani abokin tafiya ne. A halin yanzu, a wurare da dama mutane sun fi mayar da hankali ga sauraren audio books fiye da littafan da za su karanta a cikin wayar salula ko kwamfuta ko ma ta hanyar bugaggen littafi. Tun-tuni sun \u0257auki \u0257abi’ar saurare wadda ta fi sau\u0199i sakamakon dalilai na uzurorin rayuwa ko kuma na \u0199ashin kai.<\/p>\n\n\n\n
Kafin in hau dokin gwala-gwalan hujjojina in yi sukuwa da zamiya akwai bu\u0199atar in fe\u0257e maku biri har a wutsiya game da wa\u0257annan kalmomin masu zuwa domin fahimtar inda muka dosa: <\/p>\n\n\n\n
Hausa audio books<\/strong>: Littattafan Hausa ne da aka sauya daga rubutu zuwa sauti, domin mutane su saurara maimakon karatu.<\/p>\n\n\n\n Arewacin Nijeriya:<\/strong> Yanki ne a Najeriya da yake arewacin \u0199asar, mai tarihi da al\u2019adu na gargajiya, inda Hausawa da masu magana da Hausa suka fi rinjaye a tsakanin mazauna yankin.<\/p>\n\n\n\n Ba na \u0199waina sai da zakara! Tun da mun ji wannan, ku biyo ni cikin jerin gwanon hujjojina inda zan warware maku zare da abawa ta yadda aka yi audio books ya samu kar\u0253uwa a arewacin Nijeriya, har ma da misalai masu tarin yawa:<\/p>\n\n\n\n A halin yanzu duk wani cigaba da zamani ya zo da shi mutane sukan ha\u0257a kafa\u0257a da shi su jera don tafiya tare kuma su tsira tare. Wannan ya sa ko da \u0253ullowar Hausa audio books ya zo wa arewacin Nijeriya, sai nan-da-nan mutanen yankin suka rungume shi da hannu bibbiyu ba tare da sun yi bori da sanyin jiki ba, kasancewar shi abu ne da yake sau\u0199a\u0199a wa masu kwa\u0257ayin karatun littaffan Hausa wa\u0257anda wasu uzurorin rayuwa suka yi masu shamaki ga muradansu.<\/p>\n\n\n\n Ayyukan rayuwa sun yi wa makaranta da dama katutu ta yadda duk soyayyarsu ga labaran Hausa sai gani sai hange daga nesa, amma bayyanar audio books ya share masu hawayensu, don yanzu mutum yana aiki tare da sauraren labarai duk a lokaci guda kuma har ya fa’idantu da sa\u0199on da ake son isarwa. Wannan ma yana cikin manyan dalillan da suka \u010fabbaka kar\u0253uwar shi a arewacin Nijeriya.<\/p>\n\n\n\n Karatun littafai a gidajen rediyo da kafafen sardawa tare da manhajoji ya taka muhimmiyar rawa wajen bun\u0199asa sauraren audio books a arewacin Nijeriya, musamman ma yanzu da mutum zai iya sauraren littafi guda cikin kwanaki \u0199alilan ba kamar shekarun baya ba, da za a kwashe lokaci mai tsayi ana bibiya a gidajen rediyo. Wannan ‘yancin da Hausawa suka samu na saurare da kansu, a kuma duk lokacin da suke da dama yana \u0257aya daga cikin manyan dalilan da suka saka audio books \u0199ara yawaita a fa\u0257in arewacin Nijeriya.<\/p>\n\n\n\n Mutane da dama suna muradin karatu da kuma son a fa\u0257akar da su ta silar littattafan Hausa, sai dai rashin babbar wayar da za su yi karatu ya ci karo da kudirinsu. Shi kuma littafin a tsarin sauti ko babu waya akan iya jin shi ta hanyar saka memory card a rediyo a saurara. Masu \u0199aramar waya kuwa tuni kakarsu ta yanke sa\u0199a, domin kuwa sukan turo audio daidai \u0199arfinsu su saurara yadda suke so har ma su tura wa wa\u0257anda suke so.<\/p>\n\n\n\n Akwai mutane da dama da suka shiga sahun gaba na wa\u0257anda suka asassa kar\u0253uwar audio books a arewacin Nijeriya. Su ne wa\u0257anda karatu yake zamar masu cikas ko yake wahalar da su, da kuma ire-iren wa\u0257anda hasken salula ko na kwamfuta yake takura masu, sai suka mayar da sauraren audio a matsayin hanyar nisha\u0257insu. Ire-iren su suna nan birjik a birni da \u0199auyen arewacin Nijeriya wa\u0257anda suka zama wani tsani na sake \u0199ar\u0253uwar audio books.<\/p>\n\n\n\n Akwai wa\u0257anda ba su gani, ma’ana, masu bu\u0199ata ta musamman, su kan so bibiyar labaran Hausa, sai dai babu halin haka sakamakon rashin idon da za su gani. Lokaci guda kayansu suka tsinke bakin kaba a dalilin zamanantar da littafi daga rubutu zuwa sauti. Gudun barin su a baya sai suka fara sauraren shi sosai, har ma suna ha\u0257a kafa\u0257a da kafa\u0257a da masu ganin a fagen sauraren audio. Wannan ma wani muhimmin abu ne da ya saka Audio Books sake ha\u0253\u0253aka a arewacin Nijeriya.<\/p>\n\n\n\n Salon masu karanta labarai daga rubutu zuwa tsarin sauti ya bambanta da yadda mutum zai yi idan yana karantawa a littafi ko a wayar salula da kansa. Masu karantawa suna amfani da salon jan hankali da kuma bayyana duk wani motsi da aka yi a cikin labarin ta hanyar sautin lafazi ko motsin murya kwatankwacin yadda aka wassafa a labarin. Misali idan muryar yara ce sukan yi kwatankwacin irin ta, idan ta tsoho ce ma haka, idan an yi tsawa su yi ko an yi tsaki har ma da gu\u0257a duk sukan ayyana shi a cikin karatun nasu. Wannan ma wata babbar hujja ce da ta saka audio books bun\u0199asa domin mutanenmu Hausawa suna da kwa\u0257ayin jin muryar taurari daga wurin masu karatu da kuma yadda aka bayyana su. Wannan ma wani babban dalili ne na kar\u0253uwar littattafai audio domin yana \u0199ara wa masu bibiyar karsashin saurare da \u0257okin bibiya.<\/p>\n\n\n\n Mutane sukan iya tu\u0199in mota, girki, shara, wanki, wanke-wanke, tafiya a \u0199afa da sauran wasu ayyukan yau da kullum suna sauraren Audio ba tare da sun katse ayyukansu ba. Idan muka yi duba na tsanaki za mu fahimci wannan sau\u0199a\u0199kawar tana \u0257aya daga cikin abin da ya \u0199ara bun\u0199asa audio domin abu ne da ba sai an sha wahala ba a idan ana yi, kuma ma masu tafiya ko aiki ba su ganin nisan tafiyar tasu, su kam masu aiki yakan rage masu wahalar aikin nasu idan suna saurare. Shi ma wani dalili ne da ya saka shi sake kar\u0253uwa a wurin mutane.<\/p>\n\n\n\n 9. Daga ko’ina mutum yake a arewacin Nijeriya in har yana bu\u0199atar sauraren labarin da yake so cikin salon sauti zai shiga Youtube ko wasu kafafen ya\u0257a labaran da ake wallafa audio books tare da rubuta sunan labarin da yake so, ko na mawallafi. Babu \u0253ata lokaci kwalliya za ta biya ku\u0257in sabulu domin kuwa zai samu abin da yake so har ma da \u0199arin wa\u0257anda bai je nema ba. Wannan ma wani babban cigaba ne da yake \u0199ara bun\u0199asa sauraren audio domin idan littafi ne kafin ya same shi zai wahala matu\u0199ar ba shi da lambar mawallafin, amma audio ba ya wahalar nema, kamar sha da magani ne lokaci guda. Wannan dalilin ma ya sake bun\u0199asa bibiyar audio tare da kar\u0253ar shi a wurin mutane.<\/p>\n\n\n\n A arewacin Nijeriya akwai mutane da dama wa\u0257anda suke \u0199aunar bibiyar labaran ‘yan’uwansu Hausawa, amma ba su iya karatu ba ballantana rubutu ta yadda ba za su kai ga tabbatuwar burikansu ba. Amma shigowar audio ya taka muhimmiyar rawa wajen cikar muradansu har ta saka wa\u0257anda ba su da ilmin karatu suna gogayya da masu ilmin wurin sauraren audio. Shi ya sa za a tarar da mutane sun yin dafifi a wurin masu sana’ar tura fina-finai ko makamancin su don a turo masu audio. Ba kamar zamanin baya ba, idan mutanen da ba su iya karatu ba kwa\u0257ayin jin labarai ya cije su, sai dai su ajiye mutum guda a gefe wanda yake karanta masu littafi a gida ko a wasu wurare na daban. Tuni zamani ya shafe wancaan lamarin yanzu kowa zai iya saurara da kansa ba tare da damuwar komai ba shi ya sa ma suka sake karbar shi.<\/p>\n\n\n\n 11. Mawallafan da ake karanta labaransu sun taka muhimmiyar rawa wajen bun\u0199asa harkar audio domin sun mayar da shi sana’a har ma suke taka tudu biyu, domin bayan sun gama cin kasuwar littafi a takarda sai su sayar wa masu tashoshin Youtube nan ma su \u0199ara samun wani togamashi. Sanin kanmu ne abu ne na \u0199aruwa, kuma duk abin da za a samu cigaba ba zai zama saniyar ware ba. Wannan ma wata babbar hujja ce da ta sa aka kar\u0253i audio books, musamman ma da kasuwar marubutan ta sake samun kar\u0253uwar a arewacin Nijeriya.<\/p>\n\n\n\n Audio yana samuwa da ku\u0257i \u0199alilan, ma’ana dai sayen shi ya fi arha fiye da littafi kwantankwacin farashin kwanon shinkafa da dussar marasa. Dalilin arhar nan da aka samu sai mutane suka mayar da shi abin \u0257ebe masu kewa. To duk wani abu da za a samu da sauki matu\u0199ar yana da amfani yakan yawaita fiye da yadda ake zato.<\/p>\n\n\n\n Hausa audio books yana \u0257aya daga cikin ababen da suka samu \u0199ar\u0253uwa sosai a arewacin Nijeriya kasancewar shi wani babban cigaba da zamani da ya zo da shi ta fuskoki da dama. Duk wani abu da zamani ya zo da shi yakan samu kar\u0253uwa a wurin mutane matu\u0199ar mai amfani ne ga al’umma, kamar dai yadda tasirin audio a arewacin Nijeriya ya bun\u0199asa har ya tumbatsa. Da wannan nake sake tabbatar mana cewar mutane sun kar\u0253i audio \u0257ari bisa \u0257ari a arewacin Nijeriya duba da gwala-gwalan hujjojin da na gabatar.<\/p>\n","protected":false},"excerpt":{"rendered":" Hausa audio books sun kewaye sa\u0199o da lungu na Arewacin Nijeriya fiye da yadda ake zato ko tsammani. Abu ne da yake gogayya da zamani, kamar yadda aka sani shi kuma zamani abokin tafiya ne. A halin yanzu, a wurare da dama mutane sun fi mayar da hankali ga sauraren audio books fiye da littafan… <\/p>\n1. Zamani abokin tafiya<\/h2>\n\n\n\n
2. Karuwar hidimomin rayuwa<\/h2>\n\n\n\n
3. Sawun giwa ya take na rakumi<\/h2>\n\n\n\n
4. Rashin na’urar karatu<\/h2>\n\n\n\n
5. Rashin dama ko juriyar karatun littafi<\/h2>\n\n\n\n
6. Rashin lafiya ko ido don karatu<\/h2>\n\n\n\n
7. Salon karatun audio books<\/h2>\n\n\n\n
8. Yiwuwar hada saurare da wasu ayyukan<\/h2>\n\n\n\n
9. Sauki samu<\/h2>\n\n\n\n
10. Rashin iya karatu<\/h2>\n\n\n\n
11. Karuwar samun kudin shiga ga marubuta<\/h2>\n\n\n\n
12. Sau\u0199in kudi<\/h2>\n\n\n\n
Karkarewa<\/h2>\n\n\n\n