Ina Ma

01.

Da sunan Ilahi gwani gwarzo da yai min basira

Sarki Ilahi da yai kowa ka daɗan basira

Salati ga manzo Mahmudu da ya zo da bushara

Ina ma na ganka manzona in gode in ƙara

Ina ma ace zan samu cetonka da ba batun ƙara. 

02.

Ina ma ace ni tsuntsu ne in yunƙura in tashi 

Ina ma ace ni zomo ne in ta gudu ba fashi

Ina ma ace ni kifi ne in ta iyo babu fashi

Ina ma ace waliyyi ne ni in yi rayuwa babu fushi 

Ina ma ace ni jariri ne in ta bacci ba fashi.

03.

Ina ma ace ni tajiri ne in ta kece raini

Ina ma ace ni manomi ne in ta noman rani

Ina ma ace Soja ne in ga mai min raini

Ina ma ace tuni na shahara ai ta ma nuna ni 

Ina ma ce mace ce ni ai ta faman ririta ni.

04.

Ina ma ace dogo ne ni in fi kowa nisan sauti 

Ina ma ace sirri ne a daina ce min lukuti

Ina ma ace ɓarkeke ne ni ƙato uban ƙarti

Ina ma ace ni direba ne kullum ina kan titi

Ina ma ace bani da kowa in ta sheƙe aya kan titi.

05.

Ina ma ace ni malami ne in ta karatu

Ko ace ni ɗalibi ne in ta faman ɗaukar karatu

Ina ma ace ɗan kasuwa ne in je makarantu

In ɗauki nauyin yara na ƙasa fannin karatu

Ina ma dai ace plumber ne masani na bututu.

06.

Ina ma ace tunanina zai samu ya ɗan gyaru 

Ina ma ace halayyata za ta samu ta ɗan gyaru 

Ina ma ace ɗabi’una za su samu su ɗan gyaru 

Ina ma ace fa ƙalbina za ta samu ta ɗan gyaru 

Da na fice matsala na daina raɓe a jikin garu. 

<< Tambaya 19Tambaya 21 >>