Sharudda
Sayar da littafi kammalalle ga Bakandmiya Hikaya yana da sharudda da ka’idoji kamar haka:
- Da farko, marubuci ya tabbatar cewa littafin shi ne ya rubuta, ko kuwa shi yake da hakkin mallakar littafin ko ma duka biyu.
- Dole littafin ya kasance sabo ne, ba a taba buga shi a wata kafa ba, online ko offline. Idan marubuci na da muhimmin tsohon littafi da ya ke ganin za mu saya, sai ya tuntube mu.
- Littafin kada ya gaza a kalla kalmomi dubu hamsin (50,000 words) zuwa sama.
- Da zarar an shiga yarjejeniyar, marubuci ba zai iya sayar da littafin ba (kwaya daya ko da yawa), ko sake wallafa shi a wani wuri, har sai bayan shekara guda daga ranar da aka shiga yarjejniyar.
- Dole marubuci zai saka (tallata) shafukan littafin guda uku zuwa biyar, gwargwadon yadda zai zama dandano, a shafukansa na sada zumunta da duk wuraren da yake da makaranta inda yake sanya labaransa. Sannan ya saka link din da za’a samu cigaban labarin, wato zuwa Bakandamiya Hikaya.
- Bakandamiya na da copyright na juya littafin zuwa audio ko duk nau’in documents, ko ma buga shi a matsayin littafi a koda yaushe. Sannan Bakandamiya na iya dorawa a duk kafafenta na internet ko kuma wurare da take tallata hajojinta don sayarwa. Duk nau’in da aka juya littafin, da sunan marubuci za a buga shi.
- Tsarin biyan kudi zai kasance gida uku: karshen watan farko na shiga yarjejeniyar, sannan sai karshen wata na biyu ko na uku, sai kuma karshen wata na uku ko na biyar, gwargwadon yadda littafin ya karbu.
- Bakandamiya na iya gyaran fuska ga wadannan ka’idoji a koda yaushe, gwargwadon juyawar zamani.
- Karya daya daga cikin wadannan ka’idojin zai iya rushe baki daya yarjejeniyar. Sannan marubuci zai biya kudin da aka biya shi.
Yadda za a turo littafi
Duk marubucin da ke son shiga wannan tsari, to ya aiko mana da wadannan abubuwa a hade cikin document guda.
- Tsakure (summary) da ba zai wuce kalmomi 1000 ba game da littafin baki dayansa, kuma ya kunshi bayanin babban hadafi da marubuci ke son isarwa a labarin.
- Akalla babi guda shida daga littafin: babi na 1 da na 2, babi guda 2 daga can tsakiya da kuma babin karshe guda biyu.
A aiko da one document dake kunshe da abubuwan da aka lissafa a sama ta email namu: admin@bakandamiya.com
Sauran ka’idoji
Sauran muhimman ka’idoji da marubuci ya kamata ya kula da su su ne:
- Jigo da salon labari
- Ka’idojin rubutu
- Bangon littafi (a yi designing nashi makamancin wadanda ake da su a Bakandamiya
Hikaya)
A tuntube mu idan ana bukatar karin bayani.