“Ai Aliya sunyi kuskure da suka bari na gane abinda suke so wallahi har abada kuwa zan tabbatar musu yau gareka ne gobe ga dan uwan ka. ke kinji irin cika bakin da yasha yi? babu irin wulakancin da mutumin nan bai min ba har yana nuna mu ni da bakin bindiga wai zai kashe mu ya kuma kashe banza. yanzu in da duniya da adalci ayi hakan? baki lura ba ma sai da dan nasu ya nakasa ne suka tabbatar da ba zai hauhu ba shine suka kwaso Kaya suka nufo ni? ba takamar sa sanin wasu a Nigeria ba? To duk kotun da take duniya babu alkalin da zai iya karba mishi wannan cikin daga gareni ya bashi kinji wai zata tafi da Nadiya ta kula da ita mu nan bamu iya kulawa ba.
Sakon zuwan distinguish ya riski daddy ya sauko ya fita ya sauke shi a falo saukar bak’i aka kawo mishi ruwa da lemu, fuskar daddy a hade suka gaisa da distinguish Mukhtar Biro.
“Alh Iro yanzu mai daki na ta koma take fada min yadda kukayi shine nazo naji yaya za ayi?”
“Au wai mai dakin ka ce ita wannan din? Tazo min da wata magana saboda na fadawa abdulhameed cewa ba zan bashi auren Nadiya ba sai gashi kaima ka to amma dai maganar guda ce Mukhtar auren Nadiya ba zan bawa abdulhameed shi ba to kayan meye kuka bina da su? matar ka tana rokon alfarma wacce bana jin zaku same ta . wai bakuyi tunanin abinda ya faru a baya bane ? wani fa aka kashe saboda dan ka sai kuma gashi ya bayyana da rayuwar sa shi wanda aka kashe an kashe banza kenan? kuma idan sai da dan ka ya nakasa ne kuke shirin karbar shegen cikin da yayi mata anya akwaa adalci a cikin abinda kukayi? to Mukhtar kar muja zancen yayi tsayi da Nadiya da cikin ta duka baku da hurumin komai akan su to kar ku sake tunkara ta da wata magana in kuma kunce cikin Nadiya na dan ku ne sai ka fada min nawa kuka biya sadaki kuka aure ta? Ina ce daukar ta danka yayi ya kuma nuna mata karfi har da barazana da wuka ya kuma keta mata haddi amma duk baka duba wannan ba ka nemi hakkin jinin abdulhameed ni kuma na yarda da hakan sai yanzu kace min cikin Nadiya naku ne? to yadda ma aiki ya barranta daga wuta haka Nadiya zata barranta daga gareku don haka kar ku sake nufa ta da wasu kaya babu Wanda ya taimake ni da kwayar shinkafa daya a lokacin rainon yarinyar nan.”
“Kaga Alhaji Iro idan kace ba zaka bayar da auren yarka ba kana da wannan ikon smma cikin can wallahi dole ka bada shi tunda ba kai kayiwa yarinya shi ba jinin abdulhameed ne Ina so muyi komai cikin maslaha ne shiyasa kaga na tako nazo.
“Ai ka baro maslaha baya Mukhtar ka makara ne tunda sai a yanzu ne kake neman yaya za ayi? Idan har don kana ganin na bar yarinyar da cikin ne yasa kake bare bare to zan zubar da shi ne don ku san abinda na fads haka nake nufi in yaso ka nemi hakkin ka a kotu ni kuma naga Alkalin da zai bi maka kadi da ace ka san za a zo nan da bakayi abinda kayi ba amma yanzu ma har inda kunya a idanun ku kuce wai a baku auren Nadiya? Nadiyar da ka rantse ka sake rantewa sai an kashe ta tunda ta kashe maka dan ka? to Mukhtar mu rufe babin maganar nan cikin Nadiya ma ya zama dole na zubar da shi tunda sai da kuka ga nakasar danku kuka yarda kuna son ganin kwansa a duniya to ni kuma ba za ayi hakan da ni ba ina son na raba kowace irin alaka da ku.”
“Kar ka zubar da cikin nan iro don na rantse maka da Allah ka zubar da cikin yarinyar nan zan jawo maka janhurun masifa zanfi yarda kace na biya ka wahalar ka da ta yarinya amma wallahi ka zubar da cikin nan har kai sai ka mutu kuma ko kudi kayiwa yarinyar nan zan iya siyawa abdulhameed ita kayi mata kudin tsiya na siye ta.”
“Ai kuma tunda na gane abinda kake so Mukhtar nayi hannun riga da shi amma wallahi dole na zabar da cikin yarinyar nan don naga kokarin ka kuma kai har kana da kudin biya na? hakar kana da kudin siyen Nadiya a hannun na? Idan kana da kudin nan sai nace ka zube su ka siya wa Abdulhameed Nadiya dukan ta naga shin ka mallaki wadan nan kudaden? Kaje Mukhtar ka kawo min trillion sau trillion na siyar maka da Nadiya da dan cikin ta idan kuma baka da wadan nan kudin to ka rika kallon kanka a matsiyaci in kuma ka na da su gobe ka kawo min su ka dauki Nadiya dukan ta ma siyar maka in kuma babu to ka kalli kanka a wanda aka kasa ya kasa siye kuma zan jira ka zuwa jibi idan baka kawo kudin ba zan zubar da cikin ta Ina jiran kiran alkali in ka shirya nima na shirya.
A firgice Distinguish Mukhtar Biro yake duban alh iro jin ya ambata mishi wadan nan kudin wanda ko gwamnati bata da su wai ya kawo an siyar mishi da Nadiya da dan cikin ta.
“A me yar taka take da har kake ambata min wadan nan kudaden? a wace tsiya take ne da kake min izgili da gadarar hakan? haka kake ? to ka dauki bindiga mana ka fita gari kana tare mutane kuma in tsiyar taka ta kai da son yiwa mutane kwace da salon SATA.
Daddy iro yayi murmushi yana duban distinguish Mukhtar Biro jin ya yi saurin giving up da wuri.
“Au ! Wai baka san inda kazo bane Mukhtar Biro? ka manta abinda ya kawo ka ne kake fada min haka? tambaya ta kake a me yar tawa take ? to amsar tana nan a gidan ka kuma wurin dan ka Abdulhameed shine daidai ya baka wannan amsar don shi ya san ko wacece Nadiya da tsiyar ta da arzikin ta duk shi ya san su don ni ma ban san komai ba amma shine balan gada tunda har ya hana kanshi sukuni ya kuma hana ka har ka zo neman alfarmar da ba zaka samu ba in kana son jin sunan ka na distinguish Mukhtar Biro sai ka zube wadan can kudin kafin ka amsa wancan sunan.
“Kuma ma me kake son ce min? Nadiya tayi maku tsada kenan? Ba kaine kace nayi mata kudin tsiya ka siye ba ? In na fahimce ka kana jin tsadar ta ne fiye da muradin dan ka? Amma kuwa sauran kad’an nace kaji kunya matukar dai baka mallaki wadan can kudin ba kuma kake maganar ayi mata kudin tsiya ka siye ta. yo she da kudin tsiyar nayi mata da ka dora hannu a ka ka daka ihu ? to ka sani Mukhtar ku kalli Nadiya da dan cikin ta a matsayin matacci wanda aka suka mutu aka haka Rami aka binne su ba zasu kuma tashi ba sai fa ranar da mai busa ya busa don haka zo ka shige na sallame ka tunda homa da barazana ne dukkan ka da dai ka kai da mun zuba mun kwsshe yanzu na tattare maka Nadiya ka wuce da ita amma tunda zancen banza yafi yawa a lamarin ka kar ka kuma zo min gida da sunan neman alfarma ko zanyi wata alfarma s duniya to babu kai babu dan iskan dan ka marar tarbiya abinda kukayi kuma kar Allah ya sauke akan ahalin ku ya bar ku sai kunje ya sauke akan ku kuje can ku nemi mutanen banza irin ku kaji ka kuma rike kai da danka kar wanda ya kuma zo min gida kaja kunnen sa don in na kuma ganin wanin ku to zan kai ku hukuma na kuma baku kwana kaje kayi shawara ko ka hada kaddarorin da kuka yaya a mulki ka siyar kazo ka fansar wa dan ka muradin zuciyar sa in ma zaka ciwo bashin banki ne duk dai ruwan ka ni dai kudi na sani in ka kawo to zan tattare maka Nadiya da koman ta in kuma kaji nace maka na san mai irin sunan Nadiya ma ka nemi hakkin ka saboda kun mallake ta har babin ta tashi kaje na sallame ka biro sarkin boko.
“Saboda nazo gidan ka neman alfarma ne iro kake zagi na haka har da kala min sharrin na yayi kayan gwamnati?.
“To na kira ka ne kazo neman alfarmar? cewar Daddy wanda ya tare shi da wannan tambayar? kuma har kake fadar nayi maka sharri? a wannan Nigeria madafun iko ke fadar anyi musu sharrin SATA? amma kai kam baka da kunya wallahi wadan nan motocin a kason gadon tsohon ka ka same su halan? har akwai wani daga cikin masu rike da madafun ikon da zai daki kirji yace shi ba barawo bane ? Ka zagi uwar su da uban su kace in ji ni Ibrahim ibrahim nace duk haka kazan uwa su da uban su kuma barayi ne masu wawushe wa talaka arzikin kasar sa su handame daga su sai ya’yan su marasa tarbiya like you sai fa daidai kunn masu gaskiya irin dan uwan ka mai shari a Sufi biro wannan kam dan aljanna ne mai tsayar da gaskiya gurbin ta yau da shine a gaba na babu abinda ba zan iya yi mishi ba tunda na gane Allah ya zabe shi ya Kuma rabautar da rayuwar sa kuma da shi ne yaxo neman alfarmar nan da tuni mun gama kashe Boss tunda na gane shi din na Allah ne kuma wanda yake yaki da munafukan da suke munafunci don rigar madafun iko da nuna su din AZURFA DA ZINARE ne da zamu samu irin su a kasar nan da sunan Nigeria bai baci ba amma in dai akwai irin ku masu nuna alfarma da son keta talaka to Nigeria sai dai ace ya taimaki bayin Allah.
“Wallahi karya kake iro ka zageni kayi min sharri na kyale ka don kawai kagan ni a gidan ka neman alfarma wallahi tallahi sai kayi nadamar abinda kayi kuma zan fada maka na sake fada maka zubar da cikin yarinyar nan shine kuskure na karshe da zakayi a rayuwar ka don haka kar ma ka fara shi don zaka gane madafun ikon da kake magana suna hannun mu kuma zagin da kayi wa dukkan masu rike da madafun iko jeka Allah ya yafe maka amma da shima sai ka gama zagin wani mai babbar riga tunda na gane kana da daga cikin masu jin zafin rufin asirin da Ubangiji yayiwa wanda suka fiku.
“Yo sau nawa nayi nadamar sanin ka Mukhtar? ai kai tun a haduwar farko nayi nadamar sanin ka kuma akan me zanji zafin wanda yafi ni riga? ni a yanzu wace irin riga ce Ubangiji bai min ba? har akwai wani shege ne dai zai kalle ni yace inajin haushin wani akan riga wacce za a tub’e ta a yanzu ko anjima a sakalawa mutum farin yanki ? kai Mukhtar tashi da Allah ka bar min gida na tun ban shara maka mari ba y’ata dai na hana shikenan? don Allah jeka kai da matar ka kuyi cikin haifawa danku matar aure in kuma dole sai Nadiya to ya dade bai bakunci kiyama ba na hana in ga shegen da ke da kokarin saka ni dole bawa marar tarbiyar dan ka y’ata.
“Za kuwa ka ganshi iro duk cin mutuncin ka gareni bai isa ba sai ka Kore ni a wannan gidan mai kama da gidan zanzaro ?.
“Ai ko gidan rina yake Mukhtar yafi karfin raini a wurin ka tunda wannan gidan zanzaron ya mallaki abinda babu shi s gidan ka na AZURFA DA ZINARE kuma wallahi bara kake a kufai don ba zaka sami komai ba.
Distinguish Mukhtar Biro ya mike yana baza babbar riga idanun shi jajir akan wulakancin iro .
“Don Allah don ANNABI ka zubar da cikin yarinyar nan kaga janhurun masifa da tijara wallahi kuskure ne na karshe da zakayi a Rayuwar ka kuma wannan yarinyar sai ka bada ta ko kana kuka ko kana dariya ka Rubuta ka ajiye wannan Allah ya bamu alheri.
“To ina jiran ka amma kuskure da yawa zakayi bakayi nadamar sa ba amma dawowar ku gidan nan kai ko yaron ka shine abinda zai dame ku Allah yasa kuji ku kiyaye in kuma kuka dauki magana ta shifcin gizo da kok’i zakuyi dama na sani.
Distinguish Mukhtar ya fice yana jin duk duniya babu mutumin da ya ci mutuncin shi tun daga haihuwar sa kawo yau irin Alh iro. kai ko siyasa da ya shiga baiga tijara irin wannan ba.
Ya koma gida ya samu haj laila tare da Abdulhameed wanda yake tambayar ta yaya taga Nadiya da cikin ta?.
“Kai naga yarinyar nan Abdulhameed masha Allah tabarakallahu ahasanul khalikeen lallai dole ka rude abdulhameed tana da kyau kuma na ganta lafiya lau alhamdulillahi cikin ta kam yayi girma sosai tamkar cikin wats bakwai ko takwas ina ma ta haifi baby boy kuma ace yayi Kama da kai ? .
Yayi murmushi yana fadin
“Mom in boy ne sunan daddy zan saka In kuma girls ce sunan ki zan saka mata .
“To ni dai yadda naso naso su bani ita na taho da ita nan na kula da ita sosai kasan ba kowa ke kallon ciki irin wannan da kima ko soyayya ba wasu ma cewa suke su zubar to amma su ban san yadda suke kallon cikin ata ba.n
“Su bar mom? wai abortion kenan? Ai kuwa da ba zan yarda ba mom.
“Ai muma ba zamu yarda su zubar ba wace irin asara suke shirin gadar mana? Allah yayi mana baiwa mun samu abinda ba mu zaci samu ba su kashe,? ai ko ni sai na kalubalen ce su da neman hakkin jikann da suka kashe min.
Yaddda distinguish Mukhtar Biro ya shigo a fussce yasa Haj laila ta mike tana fadin
“Yaya ne distinguish?
ya zauna yana huci har yana harkar da jug din dake dab da kuera yana fidda babbar rigar shi ta yadin governor mai daraja ya watsar yana fadin
“Bani ruwa mai sanyi .
ta dauko mishi ruwan tana zubawa a cup ta mika mishi ya karbe ya shanye yana dangwarar da kofin yana fadin
“Wannan mutumin ashe ba karamin dan iska bane laila? kinji irin abubuwan da yake fada min don naje neman alfarmar sa? har ni yake cewa barwwon gwamnati ? to wannan mutumin sai na nuna mishi fin da nayi mishi wallahi sai ya gane Borno ba gabas take ba tana can arewacin Nigeria tunda shi dan iska ne zai gane yazo duniya ne iskanci ya kare sai kalace kalace wallahi.
“Haba ni fa na san mutumin nan a fussce yake tunda yayi min shimfidar komowa da kayan nan .
“Ai kuma ya jawo abinda yafi karfin sa laila tunda yace zai zubar da cikin yarinyar nan ni kuma wallahi matukar ya zubar da cikin nan sai naja mishi masifa da tijara.
A zabure haj laila ta daki kirji tana fadin
“Banji me kace ba? ya zubar da cikin ? kace mishi me kai? na shiga uku distinguish don Allah me mutumin nan yake nufi? .
“Ki bar shi ya zubar din laila yaga yadda za ayi da shi?.
“Daddy bakayi wani abu ba akan hakan? ya kashe min D’ana daddy? don Allah daddy kayi wani abu kar ya zubar da cikin nan.
“Kwantar da hankalin ka Abdulhameed.
“Daddy yaya kake abu ne kamar kana baro hankali a baya? ta yaya zan kwantar da hankali na yana nufin kashe min abinda ban zaci zan samu ba? Idan aka bari ya kashe kuma yaushe zan samu wani bayan babu lafiyar samun wani ? yanzu ya kamata ace anyi abinda za ayi ba sai ya zubar ba . In ya zubar duk abinda za ayi mishi zai dawo min da abinda ya lalata? gaskiya Daddy yanzu ya kamata ayi abinda za ayi.
“Da fa gaskiyar yaron nan distinguish idan ya zubar kuma ace Allan ya kawo? gara kawai ka hada shi da hukuma su dakatar da shi daga mugun nufin sa in ma kana da yadda za ayi a karbo yarinyar nan daga hannun shi ta dawo hannun mu gara kayi hakan don tunda ya soma fadar kalmar zubarwa to haka yake nufi don su wasu mutanen sun jahilci irin wannan kaddarar basu faye bari a haife cikin ba sai dai su zubar to kayi wani abu don sai nafi kowa shiga tashin hankali idan mutumin nan ya zubar da cikin nan don ni hadiye zuciya ma zanyi na mace .
Da sauri distinguish Mukhtar Biro ya jawo wayar shi yana lalubo nomber don ya yarda idan iro ya zubar da cikin yarinyar nan to har shi an cutar.
“Yauwa commander ina son ka tura min yaran ka a gidan Alh iro gidan kudi su kwaso muku ahalin gidan gaba daya ku ajiye min su amma akwai yarinya daya mai juna biyu kar a ajiye su inda zasu sha wahala in yaso in kun dauko su sai muyi magana amma don Allah aje yanzu yanzu.
