Haka kuwa akayi Al Mustafa Bai Kuma saka naira a cikin kamfunna takin zamani na tukuro ba Haka kamfanin sumunti na yays Rabe ba ya barsu da juya abinda Yake cikin kamfanin inda Kuma suka lashe komai a cikin shekara biyu duk sun wawashe dukiyar da tayi saura har ana fadar kamfani ya mutu don Babu komai su Duka biyun Shi kuma Bai ce musu uffan ba sai fa tukuro shaid’an ne ya samu rabe da maganar me Al Mustafa Yake nufi da barin su Babu komai a kamfani? Su same shi Mana suji abinda Yake nufi.da wannan shawarar suka tafi gidan shi Wanda Babu kowa sai shi kadai duk da suna Jin haushin Rashin auren shi Babu kalar macen da basu Jona mishi ba Amma ya watsar da su Dole suka barshi.
A Ranar da suka isa gidan nashi a Ranar ne Kuma ya nufi bauci wurin Kaisar don duba shi da son a saka shi nursery saboda yayi wayo sosai Yana magana.
Mun iso bauci da yamma inda Kaisar Yana bakin kofar gida yaga motar mu ya auno aguje yana Fadin.
“Daddy oyoyo.
Al Mustafa ya fito ya suri Kaisar Yana bashi sumba Yana dariya inda nayi tssye ina kallon su tausayin su ya Kama Ni Ni ma Kuma sai tausayin kaina da Aliya ya Kama Ni don har zuwa wannan lokacin da muke cikin shekara Tara da aure bata yi ko Batan wata ba Amma hankalin ta a kwance idan ma na fara yi mata magana Akan hakan takan ce
“Daddy ko zakayi aure ne wata Kil fa Ni ce nake da matsala don Allan kayi wani auren ko Allah zai bamu baby dole idan ta fara wannan maganar nake share komai.
“Daddy me ka siyo mini?
Cewar Kaisar ya fada Yana duban Daddyn sa Wanda ya fito mishi da kayan makulashe kala kala wani ma kwali guda ne Wanda yafi karfin cin sa
Ya karba Yana murna kafin ya dube Ni Yana Fadin
” Dayan Daddy kai Kuma me ka siyo mini?
Na fito da kayan Wasa na zube mishi Yana tsallan murna Yana Fadin.
“Mama taho kiga kayana Daddy Dayan da dayan Daddy suka kawo mini.
Shakuwa sosai Kaisar da mahaifin sa Haka Nima ya shaku Dani sosai har baya son Rabuwa da dayan mu. wani lokacin Al Mustafa zai saka Kaisar Gaba Yana kuka har sai Kaisar yace
“Dayan Daddy wa y Daki Dayan Daddy na Yake kuka? Amma sai Hakuri
Washe gari Al Mustafa ya kwana a bauci aka saka Kaisar makaranta inda Kuma su tukuro suka ishe shi da waya Wai suna son ganin sa Shi da Rabi u inda ya dube Ni Yana Fadin.
“Yaya tukur ne da Yaya Rabi u suke son gani na ibrahim Anya kuwa neman Nan Nasu na lafiyane? Amma muje muji abinda suke so na San ba zai wuce sun gaji da Zama a kufan kamfunna ba to Allah yasa ma Haka ne sai na siyar da su Azo Nan bauci a kafa sabon Aiki ko Babu komai Kaisar da ya Zama Dan bauci ko zai samu abinyi a Nan din bayan bana Raye Kuma kaima zaka saka Yan Uwan ka da na Aliya Suma su samu abinyi .
“To Allah ya zaba mana abinda yake alheri muje muji abinda yake tafe da su mai gida amma nima na san kiran nan nasu Yana da dalili.
Da Haka sukayi sallama da haj Aliya da Kaisar suka nufo Jos suna tafe suna tauna matsalar su tukuro da Yaya Rabi u.
.”Kaga abinda nake fada maka ko Yaya Rabe? kaga yadda yaron nan ya mayar damu wasu Yan iska gantalallu ko? Shiyasa nace maka zaunar da shi gu daya ne kawai zaman mu lafiya Kar ma ya gane akwai abinda Yake k’asa Yana DABO yanzu ne zai hudo mana da sharri gashi kuma ka gani ko?
Rabi u ya dubi tukuro Yana jinjina hasashen tukuron wanda ya fada kuma ake dab da cikawa.
“Nifa da gaske ta fara Kare mini tukuro tunda yaron Nan ya daina zuba Kaya a kamfani sai dai nayi ta buga buga satin da ya wuce fa sai a Kano na hada wani costomer ya siyi sumunti ka San Duka Duka nawa na Samu? Dubu talatin a cikin buhu dubu biyar Amma a dubu talatin na Kare me kake zaton dubu talatin zatayi min Ni da wannan gayyar da na Tara? Yanzu fa kusan kullum sai an jimu Ni da Amarya Wai ba Haka ta Saba gani ba Amma habiba Babu Ruwan ta wannan Mata ai Yar Aljanna ce Yasin.
Tukuro ya dubi Yaya Rabi u Yana Fadin
“Haba kaima ka cika jaraba Yaya Rabe matan ka uku fa ko? Ga Ya’ya a yanzu ai nasan ka Kai hamsin.
“Ban Kai hamsin ba tukuro Amma na dai kama gidan Goma takwas kullum fa kwano hudu ake dafawa a gida na Kuma sai ace yaron Nan ya bar mu zaman jiran kamfani Daga mu sai k’udaje da sauraye da suke Mana gad’a dare yayi b’eraye da jab’a su kafa Nasu guje gujen? .
“Ai Yaya Rabe tuni na kawo maka shawarar hakan Amma baka bada Kai ba Ni na hango abinda baka hango ba to gashi Nan anzo Gabar da ya zura Mana idanu kuma ina Mai tabbatar maka da ya Gane mu shiyasa ma ya barmu da kamfunna muna yaddda muke so saboda ya Gama shurya Mana Kuma wallahi in ba sa a mukayi ba Yana iya cewa ma siyar da kamfanin zaiyi ai tun kafin Azo Nan nake so ka Gane mu San abinyi har allura na bayar wa shegen likitan Nan bana Jin yayi mishi ita.
Suna Nan Zaune a kofar gidan Al Mustafa suna tauna matsalar su har motar mu ta iso gidan muka fito suka shigo ciki Al Mustafa Yana fada musu yaje bauci ne
Yaya Rabi u ne ya soma Fadin
“Ni Wai Al Mustafa kana sane da Halin da muke ciki ne ko kuwa ka zuba Mana Ido ne har sai mun soma bin layi layi muna bara shine zaka San mu Kai makura akan Halin da kake son ganin mu? Yaushe Rabon da a sauke Mana Kaya ko mu fidda? Shima tukuro yace tun damanar Bara waccan Rabon su da cinikin Taki shin da ma ka Shirya Mana ne ko kuwa zuba Mana Ido kayi sai kaga Rigar sakawa da abincin kaiwa baka ya gagare mu? To in ma hakan kayi niyar ai munxo wurin don Ni Kam tashin Hankalin da Yake gida na ma kadai ya Isa don Haka ka San yadda zakayi Dani ko dai ka kaini kamfanin fulawa ko Kuma ka saka Ni a shagon kayan tireda.
Al Mustafa ya dube shi yayin da tukuro ma ya dauka Bayan ya Aje shima dai korafin Rashin kayan kamfani ne da Rashin madafa.
“To Yaya Rabe naji abinda ka fada kaima yays tukur naji naka Amma saboda Allah kar ku so ni kuso Allah ku so gaskiya yadda kukayi min din in ba Ni bane Kuna zaton hakan zata yuwu? Yadda kukayi mini Haka ake kasuwanci dama ? Duk ma mu ture wannan shin dama a babu komai na saka ku a kamfanin? Nawa kuka bani tun daga farkon farawa zuwa yanzu in ma kun bani din ai ya kamata ace akwai sauran kaya Amma me ke akwai a yanzu? Dama na saka muku Ido ne don in dukiyar Nan ta yadu Ni da ku ne muka karu in Kuma ta lalace to kune kukayi asara don Ni Allah ya ga zuciya ta bani da burin na cuci wanin ku ko na tauye shi kun Kuma san Hakan tunda banyi muku iyaka da komai ba Kuma Baku fasa komai ba Amma a yau Yaya Rabe da Yaya tukur in ba Ni din bane wani ne kukayiwa hakan kuna zaton zaku Zauna lafiya? To Ni kam kunci lafiya Babu kuma abinda za ayi Amma in da adalci ma ai ko na sake narka dukiya a kamfani zaku ce a a saboda abinda na zuba Bai dawo ba .
“A a Al Mustafa duk kudaden da ake karba ace kudi Basu dawo ba? In ka ce Haka tamkar kana ganin mune muka lalata dukiyar.
Cewar tukuro shaid’an.
Al Mustafa ya dube shi Yana Fadin
“To Yaya tukur ko zamuyi lissafi ne wata Kil nine na bace lissafin
Ya mike ya kwsso takardun Yana nunawa tukuro kudin da ya bayar tun shekara biyu zuwa yanzu din Bai Kuma bada ko sisi ba .
“To ga takardun abinda ka bayar tukur Kuma ai kasan duk kayan da na zuba sun wuce na kudin da ka bayar don dai nine Wanda nake son ku Zauna a kamfani sai na lalace a zubawa Kuma watsarwa? To in ma akwai kayan ki cikin kamfani ku kwashe su don na yanke shawarar siyar da kamfanin gaba Daya buyun Ni Kam abun ya futa a Raina gara na San Babu su da dai irin wannan Rayuwar ta ka yarda da Dan Uwa ya kashe Kansa ya Kuma kashe ka.
Yaya Rabe ya dubu tukuro Wanda kamar ya leko yagani sai gashi magana tana Shirin tabbata koma ace ta tabbata.
“Mu kwashe kayan mu kake cewa Al Mustafa? Wani wurin zaka sauya Mana?
Cewar Rabi u.
“Eh to Amma dai gaskiya ba yanzu ba yaya Sai dai ko ku bari na siyar da kamfanin abinda Naga yuwuwar yi sai ayi Amma ai ya kamata ya Zama darasi gareni dukkan Wanda na jawo jiki na Wanda basu Kai ku kusanci gareni ba Babu Wanda na Samu matsala da shi kamar ku Yaya tukur da ace kun Rike Amana Kuna yi ko da Ni ban samu komai ba bani da damuwa in dai asirin ku ya Rufu kun ciyar da iyalan ku Amma sai kukayi abin kamar hadin Baki Kai da shi Babu komai duka ya Kare ai ko Karayar arziki tazo ba Gaba Daya take zuwa ba da sannu take farawa komai yaja baya Amma naku kamar kun hada Baki ba a tare aka bude kamfanin ba Amma komai ya kare a tare kunga ai dole ma a saurara aga abinda Allah zaiyi Gaba.
Tukuro ne ya mike a fusace ya fice Bai ko yi Mana sallama ba kafin shima yaya Raben ya mike Yana fadin
“Yanzu mu saurare ka kenan?
Al Mustafa ya amsa da cewa
“Ku fara tattare kayan ku in akwai su a cikin kamfunna don zanyiwa dillalai magana ne a saka min su a kasuwa komai kenan zakuji ni in Sha Allah.
Shima ya fice yana fadin
“To babu matsala mun Gode.
Tukuro da yake waje yana jiran fitowar Raben.
“Kaga abinda nake fada maka Rabe? Sai da na gada maka yaron nan ya gane mu wallahi tun a asibiti shiyasa ya kulla mana wannan tsiyar ta barin mu da wayon mu to kaji xai saka kamfanin kasuwa ni kam zan nuna mishi nafi shi tashanci da bariki da bani ba kudi da shikenan ya watsa Ni .
“Nima da nake da kudin tukur wallahi ba su da yawa ba zasu isheni wani jarin ba.
“Ai Kai aure aure ka biye yays Rabe ba kaji komai ba? Ni Kam ai ban ma saka dambar latsa Yan Mata ba in da yadda Gayen nan yaso ne ya tona asirin mu ai da garin Jos ya gagare Ni don Yan matan da nake ketawa shan mai garesu in suka gane babu man ai tsiya kawai ka gallo wa kanka amma ko gobe Ruwa ne maganin datti in za a shekara ba zan girgiza ba .
“Amma kuwa yaron nan yayi mana ba zata tukur wai kaji ma abinda yace? Sai dai mu jira mugani in ya siyar da kamfanin.
“Ai dama na fada maka yarda ne bakayi ba amma mu saurare shi din ai wani hanzari ba gudu bane.
Na dubi Al Mustafa Bayan fitar Yan uwan sa nace
“To kaga haka ake a Rabu lafiya Amma in kace ka yi fito na fito da su to ba za a kare da Dadi ba.
“Na yarda ibrahim amma Yan uwa na sunyi min ba zata wallahi amma Babu komai ni dai Allah ya Sani burin na kyautata musu nake da shi amma su burin su kassara ni suke da shi Allah ya barwa kowa Aniyar sa Haka mahaifiya ta ta Rayu a cikin mutanen Nan su da iyayen su har Allah yayi Mata cikawa ni Kuma na dora daga inda ta tsaya . Ibrahim mahaifiya ta ta Sha wahalar kishiyoyi da iyayen Ruko kafin Allah yayi Mata hayewa Saudi Arabia da nufin kawu garbati na ta nemo mishi dukiya Ashe ajali ya Kira ta. A wannan Ranar ne ya sanar da ni wannan labarin da nake Baku na farkon auren Rabi da alh yaro mahaifin Al Mustafa da irin Rayuwar da yayi a tsakanin su tukuro da irin gallazawar da sukayi mishi sai gashi Ashe shine ZINAREN gidan su Wanda kowa zai sha inuwar sa Amma dubi abinda sukayi mishi saboda butulci
A cikin kwanaki biyu aka Kira dillalai suka soma tallata kamfunna aka Kuma samu masu siyeg Al Mustafa da abun ya bashi haushi sai yace ko nawa aka taya zai sallama don yana son zuwa garin bauci ya ina wasu kamfunnan
Al Amarin da ya bada mamaki shine duka kamfunnan mutum daya ne ya siye su Al Mustafa ya sallama dillalai suka kawo kudi . Kudi masu nauyi Al mustafa ya sallame su ya Kuma bada takardun da shaida ciniki ya fada
Sai daga baya ne Al Mustafa ya samu labarin Ashe dukkan kamfunnan nasa da ya siyar tukuro ne ya tura aka siye mishi su da kudin da ya tafa ta hanyar manuba.
Bai ji haushi ba amma yayi mamaki sai ya bar abin a matsayin Wanda bai zama damuwa gareshi ba amma in dai har haka Al umma ta zama ka taimaki mutum yayi maka butulci fole Rayuwar Asha wahala
tuni Aikin kamfani a garin bauci ya kankama inda aka gina kamfani biyu manya manya aka Kuma Soma Aiki inda aka mayar da kamfanin sumunti da na takin zamani aka kuma zuba ma aikata Yan asalin garin bauci kamfunna sukayi ta Aiki cikin nasara babu wata matsala bare arziki Kuma sai hau hawa yake Babu ta inda Al Mustafa yayi baya ko Al amarin sa yayi Baya haka duk wata Yana turawa Yan uwan sa kudi ko kayan abinci a ciki kuwa har da Rabi u da tukuro.
Yaya Rabi u ya dubi Alh hamisu Yana fadin
“Wai da gaske kake Yaya hamisu ko kuwa mafarki kayi anyi hakan?.
“Wane irin mafarki Kuma Rabe? Salihu dillali fa nace maka ya fada min Kai Kuma kafi kowa sanin salihu Babu shi a shirgin makaryata komai nashi gaskiya da gaskiya ne Kuma su sukayi cinikin aka siya aka biya Ni kaina har la ada naci shine nayi Mamakin Kai da bakayi wannan hikimar ba har shaid’an yafi ka azanci duk da ina ganin kafi shi Boko da wayewa Kaine ya kamata ace kayi abinda yayi Amma nayi maka uzuri yafi ka shaid’anci ya Kuma fika makirci smma nayi mamaki don kai Kam bana Jin ka mallaki kudin siyen kamfani biyu manya manya irin wannan dai .
Rabe yayi shiru ya saki Baki Yana kallon Yaya hamisu da Yake fesa mishi labarin da ya jiyo wurin dillali salihu na tukuro ne ya siyi kamfani biyu.
Ya mike yana fadin
“Amma kuwa tukuro ya munafunce ni yaya hamisu ai da ya sanar Dani ko bani da kudin mallakar kamfanin da na zauna ai zan nemo Rance ne bare za a iya Samun kaso uku cikin biyar kaga ko lamuni ne ai sai na nema Amma da Yake ya cika cikakken shaid’ani shine yayi min murfi ya zaga ya siye saboda shaid’ancin.
“Ai Kai baka ma ji shaid’ancin ba sai Kaji abinda salihu ya fada min ya ce tukuro ya na cika Baki da Shan alwashi akan yaron Nan Al Mustafa Allah dai ya sauwake.
Rabe ya mike Yana fadin
“Bari na same hi Yaya hamisu Amma kuwa tukuro ya yanke ni wallahi .
Ya mike ya wuce yana zuba sauri ya nufi gidan tukuro din inda ya iske shi tare da yan matan sa na Shan iska ana ta holewa.
“Yaya Rabe wani Abu ne,? Kasan fa bana son damu irin wannan lokacin ina Kan shakatawa ne .
“Wani labari naji wanda ya bani mamaki ya Kuma tayar min da hankali tukuro.
Ya mike Yana cire yarinyar da take kwance jikin shi wacce kad’an ya rage a Kira ta zigidir kasancewar ta Yar kabilar Yoruba shiyasa Babu kunya bare ta ga mutum ya shigo ta Kauce sai da yace Mata ta jira shi a Daki tukuna ta wuce Yana taku irin na macen da ke nuna bad’alar ta.
