Tun daga nesa ya hango mutane dankam a kofar gidan sai jikin shi yayi Sanyi ya zauna cike da wata irin kasala Al Mustafa ya mutu? Shine abinda Yake ta maimaita wa . Ashe shi da gawa Yake fada? Yana can Yana ta fafutukar ya lalata Rayuwar bawan Allah Ashe da yayi hakuri ma ba abinda hannun ya mallaka ba duniyar ma dab Yake da barin ta? Sai ya soma hango tarin kudaden da ya zubewa malam ya Kuma ci banza gashi ko soma Aiki baiyi ba bare ya Gane nasarar sa ko Rashin ta.
Ni Kam na kadu matuka Gaya da Rasuwar Al Mustafa Dan kyana Haka na wanzu Ina Mai mishi sutura har zuwa makwancin sa Wanda nayi Masa fatan ya zamo dausayin Aljanna
Allah ya sani nayi iyakar bakin kokari na ganin na cikawa Al Mustafa wasiyyar sa Amma Yan Uwan sa Basu cika ba don a bayyane suke nuna abun sa shine gaban su . Haka akayi zaman makoki na kwanaki bakwai aka share makoki yayin da nine farkon da Yan uwan Al Mustafa suka fara sallama don sunce sai na ja jiki na barsu da sauran kasafin abinda yayi saura. Amma da Yake yayi komai a Rubuce sai ban yarda na tafi ba sai da na sako hukuma musamman ta Shari a da zakka da wak’afi da Al Mustafa ya sadakar da dukiyar sa don Gina massalatai da Rijiyoyi da Gina makabarta suka Kuma Shiga cikin Abun don cikawa mamaci wasiyyar sa. Wannan abun da nayi ne ya bakanta Ni ga dangin Al Mustafa har na baro su suna Jin haushi na don na Hana su suyi yadda suke so da dukiyar Al Mustafa. Hukuma Kuma ta tsaya tsayin daka har aka cikawa Al Mustafa dukkan buri da kudirin sa aka ci gaba da juya dukiyar shagunan sa ana fidda tallafi da kuma yi mishi wata sadaka jariya a gareshi wannan shine abinda yayi min Dadi matuka Gaya wannan itace Rabuwar mu da Yan uwan Al Mustafa sai dai lokaci zuwa na Kan Isa garin Jos na Kai ziyara ga kushewar amini Kuma Dan Uwa nayi mishi ADDU A na juyo gida.
Hatta wayar Al Mustafa tana hannu na sauran kudin sa Kuma Duka yace ayi mishi sadaka Mai gudana
Naci gaba da juya mishi dukiyar sa ta kamfunna na Legos da na bauci inda a kullum Kara yauka’k’a take tamkar Mai ita Yana Raye
Tukuro kuwa da ya Gama Gane yayi daban da abinda ya so kullawa Ashe komai sai Allah yaso yau ga Al Mustafa Bai tsiyace ba duniyar ma ya Bari gaba Daya. Sai yaji kamar ya komawa malam yace a dawo da kudin ya fasa ko Wanda zaiyiwa ya bar duniya Amma ina !.
Abinda ya tsaya mishi a Rai ma mahaukaciyar Nan wacce tunda yayi Mata Aikin Nan Bai Kuma komawa ya Gano yaya take ba . Sai fa da ya tashi neman ta ya siyi abinci har da zaka da lemu ya nufe ta Abun haushi Babu Kuma hankali tuni ta dafe mishi ya bata abincin ya Kuma zuge ta a motar ya kuma lalata Rayuwar ta ya Barta a Nan ya ja motar shi ya wuce
Sai ya zamo kamar ibada tukuro ya nacewa mahaukaciyar Nan kullum Yana nanukar ta tamkar ya saka sadakin auren ta
Wata Ranar na shigo garin Jos don kawowa kushewar Al Mustafa ziyara har na San wannan baiwar Allah inda kuma kwatsam Naga wannan mahaukaciyar da ciki abinda ya bani Mamaki matuka Gaya nayi ta Mamakin Al ummar wannan zamani da in dai mace zata kasance ko Yaya ne ba za a Rasa Mai haike Mata ba.
Yan uwan Al Mustafa suka soma bibiya ta Akan sanin ko na San wasu kaddarorin sa da wani Abu dai Haka ni Kuma na fada musu ya siyar da komai sa ne ya Kuma Sanar da su don Haka Ni ban San komai ba. Ganin sun zo gida na yasa na dauke Kaisar na kaishi waje karatu don bana fatan ko da ganin ido su Gam shi don na San suna ganin sa zasu Gane Dan Al Mustafa ne tunda Bai baro Uban sa a komai ba .
Rabuwar Aliya da Kaisar ta bani tausayi Amma nayi Mata ADDU AR Ubangiji ya azurta ta da nata Rabon inda Kuma ta dauko alabo Dan Yaya halilu ta Rike a gaban ta inda na Gane tana son ganin Yara a gaban ta amma Allah Bai nufe ta da Samun nata ba . Sai na tuna da wata magana da mutane suke fadar wai duk Wanda ya cika son Ya’ya ba lallai ne ya same su ba to Amma na jahilci wannan maganar tunda ba fadar Allah ko ta manzon Allah bace.
Wata Rana da ba zan tab’a manta ta ba a tarihin Rayuwa ta na Shiga garin Jos na ziyarci Al Mustafa nayi mishi ADDU AR kwaciya lafiya a kashewa domin kuwa ba Zan iya manta wannan bawan Allah ba domin yayi min abinda har na mutu ba Zan daina mishi fatan alheri ba.
A Ranar ne Naji Ina son na ziyarci Yan uwan sa a madadin sa domin Allah ya tabbatar da ladar zumuncin a gareshi
Na samu Haj kaltume Babu lafiya gefen jiki ya Shanye sai da keken guragu ma take motsawa na gaishe ta nayi Mata alheri tana ta kuka Tana Fadin abubuwan da tayi Ni kam ta bani tausayi Amma nayi Mata ADDU A na wuce gidan kawu garbati Wanda shima ciwon tsufa da na jiki suka tasarwa na tallafa shi zuwa asibiti Amma da yake anzo iyaka a Ranar da aka kawo shi asibitin a Ranar ya komawa Ubangiji. Kai Naga Abun mamaki yayin da Rabi u Kuma Al Amura suka ki sai wahala ake Sha don ma Ya’yan marigayi Alh Sani suna agazawa Amma shi nashi Ya’yan Basu ma nutsu ba bare a more su sai ma son su samu nashi su salhe.
Tukuro kam Yana Nan Yana shanawa don ya fada siyasa ma ana ta hauma hauma Yana cin tudu biyun sa .
Na taho Ina girmama girman Ubangiji da irin Yadda Dan Adam ke Ara ya yafa a Al Amarin da yafi karfin sa sai wahala tazo yayi ta wayyo Allah.
Sai kawai na hango mahaukaciyar Nan da sabuwar jaririya sabuwar haihuwa tana tulla ta sama tana cabewa tamkar Mai yin carabke . Na tsaya da motar na fito na nufe ta da nufin na karbi jinjirar da take tullawa sama tana carabke Amma sai ta soma jifa na da duwatsu tana neman fasa min mota Babu arziki na gudu Amma fa da tunanin Yaya jaririyar Nan zata kasance? Haka na iso bauci na Kuma sanarwa Aliya abunda na gani ya Tayar min da Hankali. Itama aliya wacce Hankalin ta ya tashi ta soma kuka tana Fadin
“Daddy Kuma ka taho baka dauko yarinyar Nan ba? Zata iya kashe ta fa don Allah Daddy ka kaini Ni na karbo yarinyar Nan Kar ta kashe ta Dama yaushe ake barin mahaukata da Ya’yan su? Ko gwamnati in suka haihu karbewa take don ta San zasu iya cutar da su tunda ba hankali garesu ba.
Na nuna mata rotsen da mahaukaciyar tayi min garin karbo yarinyar. Amma Aliya Bata iya Runtsawa ba a Ranar washe gari ta addaba min da sai mun sake daukar hanyar Jos Dole na na dauke ta a mota muka nufi Jos.
Keena ta lalubi wayar ta a lokacin da suka dauki drop din motar da zata Kai su Jos. Suna hawa hanya keena ta dubi Nadiya taga duk tayi wani iri tun da suka taho bata kuma cewa da kowa komai ba sai ma wani kalar tashin Hankali da take shiga Wanda ya mayar da ita wata yar kad’an duk ta Rafke.
Keena ta dube ta tana Fadin
“Wai lafiya dai Nadiya naga duk kinyi wani iri? Me yasa kike son ganin shaid’an a yanzu ko kuwa kun gama kashe Boss ne Dama?.
Wata doguwar Ajiyar zuciya Nadiya ta sauke kafin ta dubi keena tana Fadin
“Koma meye keena ai zaki gani muje kawai . Tana fadar hakan taja bakin ta tayi shiru keena kuma tayi wani munafukin murmushi ta jawo wayar ta ta dannawa shaid’an Kira
Kara biyu ya dauka keena na Fadin
“Alhaji na ya kake? yau dai ga alkawari na cika kana wace shiyyar?
Shaid’an da Yake kwance a asibiti saboda harbin da akayi mishi a hannun a lokacin da ake dauki ba Dadin rigimar show din su Nadiya sai abu ke neman zama babba domin kuwa hannu ya ki warkewa sai ma kara mikewa da Yake .
Shaid’an da yaji abinda keena ke fada sai ya tashi zaune yana fadin
“Da kuwa kin taimaki kanki keena don na kusa nemo ki na nuna miki shaid’ancin da Baki sanshi ba . amma yanzu ta Ina kika samo Nadiya bayan na baro ta American a hannu? kar fa ki kuma yaudara ta don zaki sha wuya wallahi.
“Kai ta dawo wallahi ka San ta shiga venus ne kaima ka gani kenan? to gani ga ta ko na bata wayar kaji tabbas?.
“Bani ita Naji keena.
Ta mikawa Nadiya wayar ta amsa tana Fadin
“Hello ?
Ya amsa da
“Hello sweetie darling? Don Allah kece ? Mafarki nake ko kuwa gaske? I love you sweetheart Ina son ki ina kaunar ki komai Kike so zan mallaka Miki shi matukar dai Zaki yarda Dani da soyayya ta kuzo asibitin Mai lafiya Ina nan ko a Kan gadon asibitin Nan ai zai ishe mu muyi komai ko kuwa ?
Nadiya Bata Kuma cewa komai ba ta mikawa keena wayar tana fada Mata inda Yake Wai asibiti.
Suna isa garin Jos Kai tsaye motar ta sauke su a asibitin suka sallame shi kudin sa suka Shiga inda sukayi kicibus da Wanda shaidan ya turo yajagorance su har dakin da shaidan yake Yana kallo Nadiya don ya sanar dashi irin son da Yake Mata
Shaid’an Wanda Yake sanye da jallabiya hannu a nade ya tarbi Nadiya da keens inda ya rungume Nadiya har Yana bata hot kiss inda taji tamkar ta saka mishi kuka Amma ta maze inda keens ke Fadin
“Baka da lafiya ne Uban shaid’anci? To Allah ya Kara sauki ga Nadiya ga shaid’an sai fadawar ciniki ni kuma a fidda Ni Amma Yaya kenan ga sweetie ga ba lafiya kallon kallo kenan akuya kallon kura.
Shaid’an Wanda Yake Daga hannun nashi Yana Fadin
“Me wannan zai Hana ne keena? Ai hannun ne Babu abinda zai Hana Baki ga dakin asibitin nan VIP bane ? A Nan zamuyi komai ai.
Ya jawo jakar shi ya fito da kudi Yana Bawa keena wacce ta karbe tana Fadin
“Bari na Shiga cikin gari na duba tsaffin kawaye sai yaushe zaka sallami mutuniyar ne?.
Yayi maza yace
“Sati daya kawai.
“Ai kuwa sai dai ka Kama min hotel gaskiya na jira ta ai ba zai yuwu muzo tare mu koma banban ba.
“Baki da matsala ki Kama kowane irin hotel kike so zan biya miki shi tunda kin min kyakkyawan albishir keena.
Keena ta fice tana Fadin
“Sai shaid’an Bari na je na dawo .
Ta fice inda shaid’an Kuma ya bada a siyowa Nadiya kayan tarba sai ga shi an cika mata gaban ta da kayan fruit da namomi da abincin hotel
Dakin da yake a asibitin kamar hotel ne don VIP Yake na masu kudi har da toilet da fridge da katuwar tv plasma kai ba zaka ce asibiti bane yafi kama da hotel don haka ya zauna dab da Nadiya wacce ke jin tamkar ta fashe saboda bak’in ciki wai wannan shine uban ta kuma da yake dan akuya ne yake neman Haike mata
Ya zauna dab da ita yana Rungume ta Yana mata Rad’a a kunne wai tayi wanka. Batayi gardama ba ta ajiye Jakar ta wacce da ya San abinda Yake ciki da ya duba Amma Bai kawo komai a Ranshi ba sai bariki
Ta fito wankan daure da tawul ya dube ta Yana jifar ta da wani matsiyacin murmushi irin na shaid’anci Amma Bata bi ta kanshi ba ta sauya Kaya ta zauna Babu wani make up bare wani shiri Ina ya Kira yaron shi ya bashi kudi yace ya Samo Mata kayan Shan iska
Bata iya cin komai daga Wanda ya tara mata ba tace ta koshi abinda bai mishi Dadi ba kenan
Bai iya Boye zahamar sa ba gareta Bayan tambayar da yayi Mata ta yadda aka Kaya a America ta sanar da Shi ta dawo ne Bata san Haka tsarin na su Yake ba
Tun magaruba shaid’an ya Rufe kofar Amma sai me?
Kakkaifar wuka ce wacce Nadiya ta tanada a Jakarta wacce take nufin sharbe shaid’an Amma sai ta soma hilatar sa da salo har ya Mika kai Amma me? Sai Jin tsinin kaifin wuka yaji a gefen cikin sa abinda ya gigita shi har ya kwalla ihu.
Nadiya kuwa da ta jawo Jakarta ta fito da wuka ta dannawa shaid’an daidai da zuwan keena wacce tazo karbar kudin hotel din da ta Kama sai kawai tajiyo karar da shaid’an ya fasa wacce ma aikatan asibitin ma suka juyo suka Kuma taho zuwa dakin nashi inda suka ga shaid’an dafe da ciki ga wuka soke sai jinin da Yake malala.
Wani irin ihu da keena ta kwartsa tana Shirin guduwa Amma akayi caraf da ita aka Rike dama ita Nadiya batayi yunkurin guduwa ba don zuciyar ta a soye take da son ganin Bayan shaid’an da duk Wanda suka dangance shi.
Ma aikatan jinya suka Rufu akan shaid’an yayin da aka Mika Nadiya da keena ga hukuma da Fadar laifin su na kokarin kisan shahararren Dan siyasa Kuma Mai mallakin kamfunnan tukuro investment.
Keena Kam ido ya Raina fata Amma Nadiya batayi nadamar hakan ba abinda take fada ma in ma Bai mutu ba itace ajalin sa .
Daddy iro ne ya nemi aminin sa Alh sule Akan Al Amarin alabo suka Isa wurin shehin malamin masani na Al kur Ani ya Kuma ji abinda kenan yayi murmushi Yana Fadin
“ALLAH ya kyauta Amma Al amarin duniya da Rayuwa Yana da ban tsoro a Yanzu Mata basa Jin komai wasu mazan ma basa Jin komai in dai sunyi nufin mugunta . Satin da ya wuce ne na samu wani Al amari a nan inda kuke Zaune Nan matar take Wai miji ne fa ya saki matar shi Amma yayi Mata sihirin d Babu Mai auren ta duk da saki uku yayi Mata . In ba neman musiba ba ka sake ta sai ka Bari wani ya aure ta Amma kasan ta haramta a gareka kuma kace Wai ba zaka Bari wani ya aure ta ba ? Ai ba kishi bane wannan mugunta ce.don ko irin wannan matsalar ta ku ai ta Zama Ruwan dare game duniya yanzy mata sun siyar da I’manin su wa wulakantacciyar Riba idan Shiga zasuyi suyi shiri idan wata zata shigo musu suyi shiri don Allah ta Yaya duniya zata zauna lafiya? Ko da Yake duniya Zaune take lafiya mutanen cikin ta ne da basa yiwa kansu adalci bare suyi wa wani sune suka kasa Samun zaman lafiya baka damu da mutum ba yace shi ya damu da Kai . Kayiwa mutum alheri shi yayi maka sharri Allah ya tsare mu ya tsare Mana I’mani.
