Akshay Kumar
Na gaida gwani na gwanaye
wajen aiki ka wuce jaki,
Namijin duniya kake
sha-kundum kai ne tafki.
Majaujawar nasara ku ji
Wannan ai shi ne Akki,
Balbela da farinta
Kun san bata biɗar wanki.
Gwarzon maza sannu
Da ƙara shekaru nawa,
Tabbas ka yi mun gani
Kuma dole mu yo tafawa.
Ka yi haƙuri ya zam nasara
Yau kai ke shanawa,
Zakaranka ya riƙa
Yau ga waƙa yana rerawa.
Murnar birthday muke maka
Domin yau ce ranar ka,
jajircewa har yau babu
Wanda ko ya kamo ka.
Mun yi murna muna ƙara
domin muna ƙaunarka,
Aikinka ai na musamman ne
Shi yasa muke daɗa bibiyarka.
Maƙiya sun sha haushi
Kai kuma kullum sai tashi
Kai ne iska da bata
Biɗar fuffuke domin tashi.
Maƙiyinka fa kowaye
sai mu ce a kamo shi,
Mu danne ɗan nema
Mu shafe ido nai da toshshi!