NI, KE KO SON? 

Allah ya halicci so, a fardi, ya zauna tal,

Sai ya so ki, ya sa min sonki tin a azal.

Da zan guje son, in bar ki da Allah, bal,

Don kunya, bawa ya tara da sarki Jal?

Amma ya cuɗa jiki, ruhina da sonki fal,

Ya kore ni, ba son, sai Allah, ni, ke tal.

Ni da ke kamar zanen tafi ne da gwal,

Allah ya yaryaɗa ƙaddararmu ta so samɓal.

Sai na laɓe a kuramen sautika maƙil,

Na kira ki uwargijiyar so, ki cen ni ta’al.

Ki keta siraɗin nan na wuta bal-bal,

Ga alfadrainki, ki ja ni, fari ne sal.