Husna da ke sakar zuci Akan ta gudu kawai don yadda taga Daddyn Yana Mata wani kallo ta kasan Ido ya tabbatar Mata da komai zai iya faruwa sai kawai ta ci gaba da karade dakin da ido da fatan taga ta hanyar da zata keta ta fice don ya saka key ya Rufe ta ne kafin ya fita zuwa mota
Tayiwa silin din dakin tsai da ido tana tunanin keta shi ta fice taji ya Sanya key din Yana budewa
Ya karaso Yana Zama kusa da ita har Yana gugar jikin ta abinda ya Kara koma Ran ta
Ya zube ledejin Yana zare gilashin idon shi Yana kallon ta da son ta kallo shi cikin sa a kuwa ya Mika Mata Rabar ice cream na holandia cikin sa a idon su ya gauraya inda taji wani shock ya jata ja kuwa ba na wasa ba Wanda ya jijjiga jijiyoyin jikin ta ya Kuma hargitsa jini da Ruwan jikinta da bargo da tsoka ya fitar mata da wani lissafi da ta sani ko ta iya ya kimsa Mata wani na daban . Ya mantar da ita muhsin da soyayyar shi ya darsa Mata wata sabuwar soyayya da uban Muhsin wato Alh Aminu
Suka tsurawa juna ido shi Yana kallon ta da fatan fatsar shi tayi mishi mugun kamun kifi ita kuwa tana kallon shi da Jin wani bakon Abu Mai zafi Wanda take Jin Rasa shi zai Zo daidai da Rasa Rayuwa
Action din da yaga ta bada shi ya tabbatar mishi da tarkon shi ya kama kurciya don Haka sai ya matsa Sosai ajikin ta Yana murmushi Yana fadin
“Bari na Baki a Baki ko Husna ta? Ya fada Yana dage girar idon shi, Ya bude Rabar ya saka Dan karamin cokalin na Roba ya debo ice cream din ya nufi bakin ta babu ko gardama kuwa ta bude Baki ya saka Mata ta lamushe.
Yadda take action din ya Gane komai yayi daidai don Haka sai ya ajewa Ranshi komai yayi yadda ake so
Yaci gaba da bata ice cream har ta shanye kafin ya baje ledar me dauke da manyan kaji gasassu masu maiko gashin da ake Kira special VIP.
Ya Soma zare ka’shin dake jiki Yana Bata tsokar abaki tana Kuma karba babu gardama sai da taci sosai kafin tace ya isheta sannan shi ya Dora da aikawa nashi cikin Yana ci yana kallon ta son ta kuwa na Kara Huda zuciyar shi yayin da nata son gareshi ya zarce ta fada alkunya kawai take nunawa irin ta ya mace
Sai da yagama kafin ya SHIGA ya watsa Ruwa itama ya umurce ta Tayo nata ya Kuma Bata Dama ta kwanta shi Kuma ya kwanta a falon dakin don VIP ya Kama daki me hade ciki da falo ya kwanta
Hadarin da ya hadu a sararin samaniya Yake cida da Rigugi kafin ya Soma zubar da Ruwa tsoro me tsanani ya Kama Husna dama gwanar tsoron cida da walkiya take don Haka ta kankame gu Daya tana Jin yadda Ruwan sama ke shashata akasa inda Kuma wata tsawa ta karade sararin samaniya a firgice ta Mike tsakiyar gadon tana Raba idanu walkiya ta haska wall hasken ta ya Ritso ta tagar gilashin ta diro wani uban tsalle tayo falon tana cin tuntube
Alh Aminu ya ganta ta fito don shi kanshi yadda Ruwan ke sauka yaso ace Yana tare da Yar Amaryar tashi Amma duk cikin Awon zuwan ta hannu ne ya Hana shi Zama kusa da ita.
Ya Mike Yana Riko hannun ta. “Yaya ne Husna?
“Daddy tsoro nakeji bana iya kwanciya Ni Daya tsoro nakeji.
“To muje nayi gadin ki Husna.
Suka koma dakin ta kwanta Yana Rufa Mata blanket Yana zaune gefen ta yayin da Ruwan ke ta Kara shatata wata tsawa da ta tarwatse asama ita ta tada Husna a kwance har tana kankame Alh Aminu Wanda shima ya kankame ta ajikin shi Yana Bata hakuri. Haka suka kasance Yana Rike da ita har bacci ya dauketa haka suka kwana duk da Raba makwanci da yayi musu
Washe gari ma ya Kira wayar service din hotel ya kawo musu abin Kari me Rai da motsi suka karya ya Kuma fita ya siyo Mata ready made na Kaya Wanda zata canja kafin ya San Kan aikin da inda zai kaita
Tun a washe gari ya Soma da abinda Yake ganin shine zai tabbatar mishi da Husnar tazo hannu wato yawan janta ajikin shi har zuwa sumba ta sassan jiki da goshi duk Kuma Husnar Bata kawo mishi cikas ba tana bashi hadin Kai fiye da zaton shi har dai ya gano ta gama zuwa hannu inda Kuma yakejin yau din zai angwance. Agefen ta itama Husnar babu komai a zuciyar ta sai tsabar kaunar Daddyn nata Wanda takeji tamkar zuciyar ta zata tarwatse saboda tsabar so shiyasa bata Hana komai ba sai ma Mika wuya da takeyi
Aikuwa hakan Yake nufi Domin kuwa a Daren Yake nufin abinda Yake nufi da tace Uhum zaice meye? Kuma duk abinda take so shi Yake mata inda suka gama dinner aka kure turaka yadda yaso Haka Yake sarrafa Kayan shi komai ya kankama Taki kadan da cikar buri ya iske bakon wata Wanda shi ya kassara faruwar komai Wanda Kuma a zahiri ya gano tuggun da ya shiryawa muhsin ne na sakarwa Husnar jini Wanda Zubaina ce kanwa Uwar gamin da tayi Aikin hakan tun a wancan lokacin kuwa jinin yakewa Husna ambaliya Amma saboda hankali ba kwance ba yasa bata maida Kai ba azaton ta ma wasa Yake son yi Mata.
Ganin jinin Nan ya kassara wannan Dare Dole ya hadiye maitar shi har zuwa safe don yajewa lauje da batun baya bukatar bayani jinin Husna ba na komai bane na Aiken Zubaina ne
Washe gari bayan sun karya ya cewa Husna zaije ya dawo su fita zaga gari duk inda take so zai kaita
Ta shagwabe Wai sai ta bishi har yace ta shigo mota sai Kuma ya tuna shi kadai Yake bukatar ganina lauje Dole ya lallaba ta Yana fadin ta bashi minti goma kadai. Da haka ya lallaba ta ya fice sai kace irin masoyan Nan na gaske masu tsananin kulawa da juna.
Mai Kano kuwa da gari ya waye ya nemi likitan da ya bashi sallama don yadda yaji Haj na fadin maganar da take fada yasa yaga gara ya koma gidan yaga karfin halin hajiyar Amma likitan Nan yace mishi Dole sai anyi mishi wasu allurai da sauran Ruwan da Dole sai ya Kai gobe Dole ya hakura don lafiya Daya ce idan ta kauce sai anyi kame kame kafin a kamo ta.
Washe gari kuwa ya taho gidan hajiyar inda ya iske ta fito da duka kayan da ta siya da sunan Auren Husna tana tsube su gu Daya Wai idan motar tazo kwasa kawai za ayi sai taga muhsin ya shigo Yana wucewa Kai tsaye dakinta Yana hankada labulen Yana wurga idanu Amma baiga Husna ba, Ya juyo yana kallon ta, “Ina Husna take?
Ya tambaye ta da wasu idanu masu cike da fitina….
“Tana hannun mijinta Alh Aminu an daura Auren su jiya na Kuma danka mishi abar shi tana can in ka Isa Kai Dan iska ne ka bita can ka dawo da ita ko Kuma ka farke cikin mu kamar yadda kake fada.
Ya daga hannu Yana Shirin make hajiyar sai Kuma ya dawo da hannun nashi ya sauke Yana cije Baki.
“Doke Ni Mana ? Don Allah ka doke Ni Uwar ka ma nasan zaka doke ta Dan iska kawai.
Ya hado hannayen hajiyar ya Rike kafin ya shake ta RAM idanun ta suka firfito tana maida numfashi ya zaro Mata nashi idon.
“Na Rantse Miki da Wanda ya kage Ni shine Allah sai na karbo Husna daga hannun wancan Azzalumin Kuma Wallahi ki Rike wannan a Ranki sai na kassara Rayuwar shi kema dake Goya mishi baya sai na bar Miki wani tabo da Zaki tafi kiyama dashi tunda nagane kina Goya mishi baya saboda Yana siye Ra ayin ki da kudi idan hakan Bata faru ba ki sheganta Ni ga uwata da ubana. Ya watsar da ita cikin tarin kayan da ta jibge dangin kayan kichen ta Kuma fada kwararam tana maida shaida ya fice Yana mayar da numfashi kamar Wanda yayi gudun fanfalaki.
Ya fito Bakin titi yayi tsaye ya Rasa da wane zaiji? Da Alhinin Rasa mahaifiyar shi ko kuwa da wannan wulakancin na hajiya kulu? Duka yakin guda biyu Babu Mai bukatar ya saurara musu Amma neman Halima a yanzu lalube ne cikin Duhu Bai San ina zai dosa ba gabas ko yamma? Kudu ko arewa?
Amma neman Husna abune a bayyane daga inda yaga no Alh Aminu to shine Bo’ss din don Haka sai kawai zuciyar shi ta kimsa mishi Husna tana gidan shi na sardauna Estate sai kawai ya nufi can inda ya Soma dukan kyauren gate din me gadin ya taso Yana tambayar waye? Banzan da yayi mishi ne yasa ya bude sukayi kicibus da Mai Kano Wanda ya tauso kanshi Babu ko jiran umarni Kai tsaye Kuma ya shige gidan Amma me gadin Bai tanka mishi ba don ya Gane shi kwarai kuwa.
Duk gidan Babu ko kyanwa bare Dan mutum din da Yake zaton ganin Husna Dole ya dawo Yana tambayar me gadin me gidan ya Kuma fada mishi baya Nan Dole ya fice ya nufi gidan shi na asalin.
Kamar daga sama Amal take ganin Mai Kano Yana dosowa abinda ta kawowa Ranta wata Kil ya Zo ne ya fada Mata yana son ta.
