“Sannu uban marasa mutunci halan baka San Safina na kwance agadon Asibiti ba ko? Ka dirka Mata ciki saboda Kaine uban marasa mutunci ka barta da jangwangwama kana nufin nine Zan siya Mata magani da kudin da likitan yayi change Koko Yaya kake nufi? . Muhsin yaji maganar Anty maimuna wani gingirim Wai Safina da ciki ? To cikin wa?
“Kana jina don tsohon wulakanci kayi min banza muhsin? Wato na Zama wata karya da ka ke Bari na ina ta haushi Ni kadai? To yanzu kuwa Zan iske maimuna Wallahi in yaso mu tarwatse Ni da ita tunda abun har ya Kai ga Haka ai ba zaiyuwu ba ayiwa yarinya ciki Kuma abarni da dawainiyar ciki don dai Ni am Maya’s Dani karshen talauci.
“Kiyi hakuri Anty maimuna gani Nan Zuwa Asibitin ban sani bane ai ko bana Auren Safina Ni me tsaya mata a irin wannan yanayin bare Kuma ga wani Abu.
“Ai Wallahi kun makara don yanzu ne zanyi wulakanci Kai da Uwar ka da na kyale ku Amma yanzu na sabunto wulakanci sabo gal aleda don zan nuna muku yanzu kune akwana don gida Zan koma da Safina kafin na Kai karar ku gaban Alkali har kudin Ruwan da Safina zata Sha sai kun biyani Wallahi Asibitin ma Kar kazo zaku ga tuggu Kai da uwarka don list zanyo na Rashin mutunci me kalar Ruwan Hoda Dani kuke magana ! Dit ta datse wayar tana huci ta Kuma zuge jakar ta ta biya dukkan change din da likitan ya nema tana fadin Baku San sharri ba sai a wannan karon.
Muhsin kuwa da yaji tana saukewa Uwar shi wannan Rashin mutuncin ya fusata ya dire wayar Yana Huci Akan me zata fadawa uwar shi wannan maganar saboda Safina to ba zaije ba ta Dade batayi abinda zatayi ba sai ya Kira haj wasila yake sanar da ita abinda ke faruwa amma ya sanar da ita ba zaije ba tunda Anty maimuna ta Fadi abinda ta fada
Ranar laraba malamin da zaiyiwa Halima Rukiyya ya iso ya Soma da bukatar Ruwan ganyen magarya da zam zam Wanda ya tofa ayoyin shifa a ya umurci Halima da ta yayyafa Ruwan akan ta cikin gashin ta ta Kuma yi yadda ya ce din sai ga hayaki Yana fita ta kafofin gashin kanta tamkar dai wuta aka hura sai ga zufa tana wanke jikinta inda hakoran ta suka dauki karkarwa
Husna da Amal ya umurta da su karasa shafe mata dukkan jikin ta da sauran Ruwan maganin sukayi yadda yace inda Halima ta Soma fitar da wani sauti marar dadin ji inda malamin ya Soma karanto wasu daga cikin ayoyin Alkur ani Mai girma Wanda ke firgita jinnu marasa tsoron Allah sai ga Zubaina na kuka Wai ana konata Amma malam Bai saurara ba sai da ta cika dakin da Kara kafin malamin ya Soma tambayar ta tana fallasa abinda Mai Kano ya Dade da sani sai gashi Kuma a yau Husna da Amal na tsuntar shi abakin aljana Zubaina.
Zubaina ta Fadi komai tun daga farko har karshe Akan abubuwan da suka faru da Halima tun daga cikin da yayi Mata har zuwa dauke cikin da sukayi da haukata ta da yasa ayi har zuwa yau da komai ya gama bayyana Wanda shine ya turo ta ita da mijinta dodon kod’i har ma da Ahalin su.
“To yanzu zaku fita jikinta ko kuwa Kuna Nan ? Idan dai Kuna Zama ajikin ta ne don ku cutar da ita to Ni Kuma Zan koneku da ayoyin Allah idan Kuma kuna bukatar Rayuwar ku sai ku fita jikin ta.
“Zamu fita yanzu kuwa don Ni kadai nayi saura mijina da Ya’ya na ka Kona su ba zasu sake lafiya ba.
“To kema ki fita ba tare da wani sharadi ba in Kuma Kika sake dawowa kema Zaki bi bayan Ahalin naki don babu gami tsakanin mutum da aljan Amma sai ku biyewa mushirikai Kuna cutar bayin Allah ku ba kwa tsoron Allah ne Wai? Kince musulma ce ke shi mijin naki musulmi ne?
“A a shi ba musulmi bane kafiri ne.
“To Ina Kika taba Jin anyi Aure tsakanin musulmi da kafiri? Ban yarda da dake ba kema ba musulma bace.
“Eh gaskiya fa Ni ba musulma bace kayi hakuri nayi maka karya Amma don Allah Kar kace zakayi min karatun nan.
“To Ni yanzu bukata ta ki fita daga jikin baiwar Allah Nan Kuma ta Ina Zaki fita?
“Duk ta inda kake so ta nan Zan fita Babana.
Ni ba baban ki ne Kar ki yaudareni da dai kina cikin musulunci da Zan yarda ke Yar Tace don Haka fita da bakinta Kuma Kar ki yarda ko Ahalin ta kice Zaki SHIGA hurumin shi.
“To Nagode Nagode Nagode Nagode tayi ta maimaitawa har zuwa inda Halima tayi wata hamma sai Kuma ta Fadi kamar ta mutu. Malam yaci gaba da karatu har tsayin minti talatin kafin ya ce da su Mai Kano barci take zata farko cikin Aminci idan ta farka su Bata sauran Ruwan maganin idan Tasha babu wani abu to aiki yayi in Kuma suka ga jikin ta ko hakoran ta suna karkarwa to Akira shi.
Bai bar gidan bama Halima ta farko aka Bata magani ta Kuma Sha babu komai yace to alhamdulillah anyi nasara.
Kwana biyu da yin Haka Amal da Husna da Mai Kano sukaje gidan Alh sulaiman Dan sodangi godiya suka Kuma wuce gidan Alh Dan iro shima sukayi mishi godiya Akan hidimar da yayi shi ya biya komai na dawainiyar Halima itama tayi musu godiya sosai har da kukanta da Haka suka tarkato suka taho garin katsina
Amal wadda ta iso gidan su tana kuka take sanar da haj wasila irin abinda ya faru Akan idonta ta kame Baki cikin matsanancin tsoro tana kallon bakin Amal din dake Rattabo mata zance.
“Na SHIGA UKU na lalace dama fa Ni na ga wasu Abubuwan da basuyi min ba Ashe alkiblar da ubanku ya kalla kenan? Ko kusa ko Alama ba Zan taba Zama agidan Nan ba matukar hakan Yake dama kaddara ce ta dawo Dani don Naga wannan bakin cikin?
Suna tsaka da wannan maganar haj wasila ta Kira muhsin Wanda yazo Yake sanar Mata ai Daddyn ma yayiwa wata yarinya fyade yanzu Haka magana ta Isa kotu Ranar Monday ma za a Fara saurare Shari a Kuma shine lauyan dake Kare rajin Wanda aka yiwa yarsa fyade.
Haj wasila ta Dora hannunta aka kamar zata kwarma ihu Amma Kuma sai taji bakinta ya Rufe ita Bata sauke hannun ba Kuma Bata kwala ihun ba.
Suna a Haka sai ga Anty maimuna ta doko sallama tana huci ta cillowa haj wasila takardar sammacin Wai ta shigar da Kara Kuma duk abinda ta kashe su kwana da Shirin biyanta don ba zatayi asara ko ta Dan napep din da ta hawo ba duk suna cikin list.
Muhsin yayi saurin tare ta.
“Ai kuwa kinyi wauta Anty da Kika Kai magana gaban kotu da kin sako Safina gaba da duk hakan ba ta faru ba idan Kuma Shari a kike son yi da mu to ki Bari Safina ta haihu sai mu gurfana gaban likita don sanin da kikayi na bana son Safina to ko mazauni ban taba hadawa da ita ba bare ciki don Haka ba takardar sammaci ya kamata ki kawo ba takardar sakin Auren Safina ya kamata ki karba yanzu kuwa Zan Rubuta Miki ita ki Bata Shari a Kuma in ke Baki Kaimu kotu ba to Ni Zan Kai Safina Akan danganta Ni da tayi da cikin ta har Kan gado Safina ke kawo Samarin ta Kuma Ni nasan hakan itama ta sani in Kuma ta Musa hakan sai ki sakota gaba kuzo gabana in ta Isa ta karyata Ni.
“Ba haka za ayi ba tashi muje can gidan mu samu Safina ayi ta ta Kare cewar haj wasila. Ai kuwa suka fice jikin Anty maimuna yayi matukar sanyi Bata ma Sha mamaki ba sai da taga muhsin da Amal da haj wasila ta barke da kuka Wanda Anty maimuna ta kifa Mata Mari tana zaginta.
“Bakar munafuka kukan me kike? Kina son tabbatar min da sharrin da suka kala Miki? To fada min uban da ya kuga Miki cikin Nan bayan Muhsin?
Hajiya Wasila ce ta Riko ta tana fadin “Gaya min gaskiya Safina ai daudar gora cikine zai shanye ta mu kashe mu Rufe duk mune kinji ?
Safina ta zayyane komai Akan murtala da jafaru Wanda take tarayya dasu Kuma ko su ba zata ce ga uban cikin ba.
Ai kuwa Anty maimuna ta hau jibgar ta tana zage zage Wai ta kunyata ta Agaban makiyanta zasuyi mata dariya karshe ma sai ta tada aljanun ta su Yar fulani da Mai nakada tana ta furjefurjen yawu da watsi da kayan da suka tarbi gabanta.
