HAFSAT POV

Isar ta zauren gidan ke da wuya suka yi suka yi ido hudu da Nasir ya rungume hannayensa.

Shigowarta ce ta sanya shi warware hannayen na shi tare da sauke bayyanannar ajiyar zuciya.

Murya kasa ta ce "Ina wuni Ya Nasir?"

"Ya ƙarin hak'uri?" ya tambaya a raunane

Ta dauke hawayen da take ta kokarin ganin basu zubo ba ta ce "An gode Allah." Sai kuma ta fashe da kuka sosai.

Ya yi shiru yana sauraron sautin kukanta wanda ke kara saka mishi tausayinta.

Shi kansa ya san dole ta yi kuka, ya san tana da dalilin. . .