JUMA'A  8:30AM

Duk da yadda aka sha ruwa, daren Alhamis, har zuwa wayewar garin juma'a zuwa karfe bakwai na safe ba, hakan bai hana da yawan ma'aikata zuwa wajen aikinsu ba, kamar yadda bai hana wasu ƴan makarantar zuwa makaranta ba, ciki har da Hafsat, wacce ta fito fes cikin uniform dinta, bayanta goye da katuwar school bag din ta.

Kuma sai a lokacin ne Inna Luba ke kwashe jikakkar tokar da ke cikin murhu a kokarinta na dora kokon safe domin karyawa.

"Ina kwana" cewar Hafsat lokacin da ta zo daidai rumfar girkin nasu. . .