*****
HAFSAT
Hausawa sun ce, idan ka rabu da ganin mutum kar ka tambaye shi hali, tambayarshi ya yi dukiya, saboda hali dai yana nan.
Babu wani canji da Hafsat ta taras a gidan lokacin da ta dawo daga Dawuri, Inna Kuluwa da Inna Luba suna nan kamar 5&6 Goggo Amarya kuma yar mulki tana nan tana yadda take so a gidan. Babu wanda ya isa ya sa ko ya hana a gidan sai ita. Kullum da sabon salon da take zuwa da shi.
Ba laifi dalilin Mama Halima Goggo Murja idan ta yi girkin ta ta kan dan yafutarwa Hafsat.
To shi take samu ta afa idan ta dawo daga makaranta, saboda dawowa ta yi ta samu Maman Iyabo ta tashi.
Duk sai kewa ta yi mata yawa, babu Uncle Najib a makaranta, a gida ba dabbobinta, a kasuwa babu Maman Iyabo.
Wannan dalilin ya sa tana dawowa daga makaranta ta yi wanka hade da cin abinda ta samu, sai ta dauki hanyar ruggar Bammi, ta hadu da Tukuro su tafi kiwo sai yamma lis take dawowa gida.
A can take cin abincin rana wani lokaci har ta dawo da tuwon dare, idan ma basu gama ba, to akwai fura da lafiyayyen nono, wanda ka’ida ne kullum sai ta dawo da shi gida.
Lokacin da ta rasa Innarta, Ya, Nasir ne ya, maye gurbinta, ta rasa Ya, Nasir sai ga, Uncle Najib, yanzu kuma da ba, Uncle Najib sai ga, Tukuro
Dukkansun nan sun koya mata abubuwa da yawa, ko wane akwai darasin rayuwar da ya koya mata. Sannan akwai rawar da ya taka a rayuwarta.
Nasir ya taka rawa mai yawa, ya taka rawar uwa, uba, yaya, Kane, aboki da kuma kawa.
Uncle Najib ya taka rawar Malami da kuma Yaya, a karkashin ta koyi turanci, don haka yanzu hira da kananan word na turanci ba za ta gagare ta ba
Yanzu kuma Tukuro ilimin tsirrai da kwari take koyo a wurin shi.
Tukuro ya kusan sanin sunan duk wata bishiya da kananun tsirrai. Haka ya san magunguna da suke yi.
Haka ya san sunayen kananan kwari gami da dabi’unsu masu cutarwa da wadanda bassa cutarwa.
A cikin sati biyu da kasancewa tare da shi, ta san sunan bishiyoyi sama da ashirin haka kama ta san sunayen tauntsaye sama da ashirin.
Duk wata dabara ta zaman daji koya mata yake yi, a, wurin shi ta koyi harbi da danko, idan ta sai ta danko a kan tsuntsu akwai wahala ba ta kaɓo shi ba.
A wurin shi ta san sunayen ganyayyakin da ake ci. Da kuma ƴaƴan itatuwan da ake sha.
Bari dai mu leka Ahmad zamu dawo wurin Hafsat, ku ji yadda suke rayuwa a daji ita da Tukuro.
*****
AHMAD
Firgigit! Ya farka daga baccin da yake, lokaci daya kuma yana shafa wurin da ya kwanta, jin wurin a jike ya sanya shi sauri matsawa gefe, sai kuma ya dakko wayarshi ya haska.
Ajiyar zuciya ya sauke hade da lumshe ido, rabon da ya yi mafarki irin wannan kuma ya farka ya ga abin da ya gani yanzu tun kafin ya yi aure.
Wannan abun ya kai to the extent da ya kamata ya tattauna da wani.
“Waye wanin?” zuciyarshi ta tambaye shi
“Asad ko Hajiyar shi” ya, kanshi amsa
Da kanshi kuma ya gargadi kanshi gami da Hajiyarshi, fada mata wannan maganar yana nufin tashin hankalinta da bai san ranar da zai sakko ba.
Dama-dama Asad, shi zai iya yin handling, amma kam Hajiya shi ne zai dawo yana kwantar mata da hankali.
Ji kiran sallahr farko ya sanya shi yunkurawa jiki ba ƙwari ya sakko daga gadon, kai tsaye ya wuce toilet.
Tsaye ya yi bayan ya kunna shower, ruwan na sauka bisa kanshi, yayin da zuciyarshi ke tunano mishi yadda mafarkinshi ya kasance.
Nannauyan numfashi ya sauke tare da lumshe ido. Siffar Hafsat na bayyana a kwakwalwarshi. Yayin da wutar son ganin ta ke kara ruruwa a zuciyarshi.
A daddafe ya hada sati biyun da ya yi. Amma yana jin su kamar shekara biyu. Sai da ya rika jin kiran sallah a sauran masallatai wanda ke tabbatar mishi da ka wane lokaci za a iya tada sallah, sannan ya tsarkake kanshi ya fito daga bayin.
Ba tare da ya tsane ruwan jikinshi ba ya zira jallabiya hade da fesa turare sannan ya wuce masallaci.
Bayan ya dawo daga masallacin bai kwanta ba, booking flight ya yi inda ya samu wanda zai, tashi karfe hudu.
Bayan ya gama sayen ticket din, ne ya mike zuwa durawarshi, OVERAL din shi ya sanya na uniform , hade da boot. Sannan ya dora hular facing cap mai dauke da tambarin Airforce.
Wayoyinshi ya kwasa zuwa office, saboda ya san yau akwai lecture, kuma shi ne zai, jagorance ta, tun da yana gari. Ga kuma changing posting da za a yi.
******
ASMA’U
Haka ta wuni kuka a ranar, wata irin nadama ce ta baibaye zuciyarta, lallai wannan kalubale babba, ba iya kanta ba ga sauran mata ma, da su ji fadawa tarko shaidan wajen aikata ba daidai ba, ita kam ta runtse ido ba ta ga kyan makanta ba. Ta yi saka da bakin zare, kuma ta ga talatar da ba ta da laraba.
Da kyar ta lallashi kanta wajen yi wa Abdallah wanka, ganin yamma na yi, ta shirya shi ciki ln baƙin wando cinos da orange color din riga, socks Kawai ta sanya mishi, sosai ya yi kyau, idan ka dauke rashin kuzarinshi shi ma ya samo asali ne daga yadda Asma’u ta wuni cikin kuka babu walwala.
Aunty Hajara ce ta turo kofar tare da fadin “To ta ɗaka, ga Abubakar can ya zo”
Ba ta jira amsarta ta rufe mata kofar.
Saboda sosai take jin haushi idan Asma’u ta wuni cikin dakin nan. Ta fi son ganinta tsakar gida tana walwalarta.
Ko fuskarta ba ta duba ba, hijab kawai ta sanya hade da saɓa Abdallah ta nufi sitroom din, saboda ta san dai yana can.
A tsaye ta same shi yana kallon kofa, shigowarta kuma ta sanya shi mayar da duk kallon shi a kanta.
Haka nan ya dauki Abdallah da yake ta miko mishi hannu ba don hankalinshi na kanshi ba.
“Asma’u!” ya kira ta da sunan da ya rabu da kiran ta da shi
Kai ta dago, Sai kuma ta yi saurin yin kasa da kan sakamakon hawayen da suka zubo mata.
“Subhnallah!” cewar AG cike da damuwa. Abdallah ya sauke saman kujera, ya nufi inda take tsaye. Kafadunta du biyun ya kama tare da zaunar da ita bisa kujera.
Gabanta ya durkusa idanunshi a kanta, cikin sansanyar murya ya ce “Waye ya taba min Gimbiyata? Me ye ya, same ki, ga ni na zo don kawai jin damuwarki hade da tsayar da zubar hawayenki”
Kanta ta tura tsakanin cinyoyinta, sautin kukan nata ya fara fita kadan-kadan.
Wanda ke taɓa zuciyar AG hade da kara jefa shi cikin damuwa.
“Ina sonki, ke kanki kin san wannan, na sha wahala sosai kafin samun ki, na bi hanyoyi masu kyau da masu kaya don duk in ci ma gurina na ganin na mallake ki, ba zan iya jurewa sautin kukan ki ba. Please tell me your problem and I promise you zan yi abin da ya dace please “
Duk da tana jin shi komai ba ta ce ba, ita ba wani sonshi take yi ba, Ahmad ne kadai namijin da take so a yanzu har cikin ranta, kuma shi kadai take jin zai goge tabbunan da ke zuciyarta.
Idan har Mk da ya jefa a matsaloli, zai juya bayanshi gare ta, waye kuma ya rage da ba zai yi hakan ba. Ya fi mata tun wuri ta samo hanyar rabuwa da AG, za ta fada mishi gaskiya ba mamaki ya tattara kayan shi daga farfajiyar rayuwarta ya kara gaba.
Da wannan tunanin ta dago fuskarta wacce ta yi jagab da hawaye sannan ta ce “Abbakar! Zan fada ma gaskiya, na aikata zina da aurena, a ranar da ka ganmu a hotel, a sanadiyyar haka na samu cikin Abdallah, kuma na rabu da mijina. Don Allah ka yi hakuri ka kyale ni, ba na son watarana a yi wa Abdallah gori, ko ni a tuna min da baƙar ƙaddarata. Saboda haka nake rokon ka rabu da ni, ka je ka samu mace yar mutumci ka aura.”
Tun da ta fara maganar bai cira idanunshi a kanta ba, har ta idar. Kadan ya murmusa kafin ya ce” Gimbiyata duk na san wannan ai. Kuma kamannin little ya ƙara sanya ni yarda da abin da na sani da kuma abin da kika fada min din yanzu “
Jikakkun idanunta ta waro a kanshi, Sai kuma ta mike ta isa wurin Abdallah ta saba shi a kafada ta nufi kofa.
Da sauri ya riko hijabinta yana fadin” me ya faru ina za ki je? “
” Don Allah sake ni”ta yi maganar bayan ta juyo
“Me na yi?” a rude ya yi maganar
“Abbakar don Allah ka kyale ni, Sam ban yarda da kai ba, duk ka san wannan kuma ka ci gaba da zuwa wurina, zuciyata tana fada min akwai abin da kake son cimmawa a kaina. Wannan dalilin ya sa ka yi ta bibiyata, duk da ka samu labari mara dadi a kaina kuma hakan bai sanya ka rabu da ni ba. Ba zan iya auranka ba, tsoro kake ba ni gaskiya “
” Wlh Asma’u da zuciya daya nake son ki, idan ina, son aurannki ne saboda cimma wata manufa mara kyau kada Allah Ya ba ni abin da nake so. Kawai ke din kaddarata ce, haka Allah Ya kaddaro min a kanki”
Idanunta zube a kanshi yana karanto tsantsar gaskiyar da ke idanunshi. Sai jikinta ya yi sanyi, wanda har AG ya fahimci hakan.
Da kanshi ya mayar da ita inda ta tashi yana fadin “Ba ki fada min abin da yake damunki ba, shi ne dalilin zuwa na”
Kai ta dauke gefe cike nazarin da abin da ya kamata ta fada mishi
“Ko don Mk ya yi aure?”
A bazata ta ji tambayar shi ya sa ta kafe shi da idanunta da suka yi jazir saboda kuka.
“How do you know?”
“A media na gani” ya amsa a hankali.
Sabbin hawayenta ta dauke a hankali kafin ta ce “Zan mayar mishi da yaron shi”
“Is too early”
“Me ya sa?” “ta tambaye shi
” saboda bai isa yaye ba”
“Ba sai ya isa ba, zan mayar mishi, na yi kokari ai, na rike cikinshi na haife shi, so hakan ma ya isa”
Kadan ya murmusa kafin ya ce “Gimbiyata sarkin rikici. Ni na ce ba za ki mayar da little yanzu ba. Idan lokaci ya yi da kaina zan sanya ki a mota ki mayar mishi da shi, a lokacin da bai yi tsammani ba. Ni din nan na yi miki alkawarin kai ki har dakin matar Mk da gidan iyayen shi”
Komai ba ta ce ba, hakan ya sa ya ce “Ban ji dadi ba, da a dalilin Mk kika zubar da hawayenki haka, shi din har ya kai haka a zuciyarki?”
Wata irin kunyarshi kuma sai ta kama ta, da sauri ta dukar da kanta kasa.
“Mk ya yi aure, na tabbata ma Ahmad gab yake da yin shi, ya kamata ke ma ki yi daura niyya”
“A ina ka san Ahmad?” cike da mamaki ta yi tambayar
“Ba son wasa nake miki ba Asma’u, duk wani abu da ya ratsa ta cikin rayuwarki ya kamata in san shi”
Duk suka yi shiru kafin ya ce “Burina kawai ki ba ni dama, in tabbatar miki da irin son da nake miki, in kuma debe miki shakkun da kike yi a kaina”
“Na gode da kyautatawarka gami da kulawarka a kaina. A karo na ba adadi don Allah ka dan ban lokaci kadan”
Kai ya jinjina a hankali kafin ya ce “Na ba ki, but promise me ba za ki kara damuwa ba”
Kai ta jinjina a hankali. Cikin salon barkwaci ya ce “That’s my Gimbis”
Duk sai suka yi siririn murmushi a tare.
*****
MK
Tun bayan da ya amsa wayar Asma’u yake cikin damuwa, musamman yadda yay ta kiran ta ba ta daga ba. Hakan ba karamin jefa shi cikin tashin hankali da fargaba ya yi ba.
Kullum yana kara tsanar abin da suka aikata, ko Iyakar tashin hankali gami da fargabar da take ciki kullum a ka bar shi da ita ta ishe shi jidali.
Tun da bikinshi ya gabato hankalinshi bai kwanta ba sai da ya ga yan kawo amarya sun koma, amma ji yake kamar Asma’u za ta bankado sirrin da yake boyewa, koma ta kawo mishi Babyn da ta haifa har gida, saboda ya san gane gidansu ba zai ba ta wahala ba.
Sai dai jin shiru har tsawon sati biyu Asma’u ba ta kara neman shi ba, kuma bai ji wata magana da za ta iya fitar da abin da yake boyewa ba, sai hankalinshi ya dan kwanta
Ya mayar da shi kan cin amarcinshi. Ita kanta Ruma ta san yanzu ta auru ta ko wane bangare.
Idan akwai wani kalabale da take fuskanta bai wuce rashin karatunta na boko ba.
Ƴan’uwa gami da abokan Mk duk sun sha boko sun koshi, ko wace irin kwalliya za ta yi, komin kuma tsadar kayan da ta sanya, idan suka zo gidanta sai ta ga ta fita daban, koda kuwa kayan jikknsu basu kai nata tsada ba
A haka ta samu kanwar Mk Zee tana dan koya mata karatu da rubutu, sosai take mayar da hankali, ta samu ko Hausar ma ta iya.
*****
HAFSAT
Misalin karfe biyu na rana ta shigo gidan, daga yadda ta ga gidan ta san babu abinci, yau kowa zai ciyar da kanshi ne sai a jira dare.
Shi ya sa shirin wanka ta yi, bayan ta fito wanka ta shirya cikin riga da siket na atamfa da suka yi mata kyau sosai, farin hijab ta saka bayan ta shafa humrah. Biscuit biyu ta dauka hade da jefa su a cikin yar karamar handbag dinta. Duk wannan shirin da take yi a dudduke take yin shi saboda ɗakin baya isar ta ta mike tsaye.
