Hannunta take ƙoƙarin ƙwacewa daga cikin na Fu’ad amma gam ya riƙeta Fuskarta cike da kunya ta ce mishi, "Mama Indo fa na kitchen."

Ɗaga mata gira ya yi da ke nuna cewar sai me?  Shi bai damu ba. Ɗayan hannunta ta sa ta cire nashi daga nata. Wani shagwaɓe fuska ya yi.

"Gobe warhaka sai kin nemi hannuwana kin rasa Sofi."

Da sauri ta kamo hannuwanshi duka biyun ta riƙe. Har ranta ta ke jin tafiyar nan. Idanuwanta da suka ciko da hawaye ta sauke masa.

Da sauri yace,

"Yi haƙuri. Na. . .