Ki So Ni
Kar ki guje ni ‘yan mata
Gara ki so ni ai ya fi.
*****
Ya abar so nai sallama a gare ki
Nai gaisuwa ta girma a gare ki
Yaya kike shin ina kwanan ki
Huta kawai dai ki sha kurumin ki ‘yan mata
*****
Ni dai ka daina bina bana so
Me ma yasa kake min kallon so?
Dama ka daina don bana so
Da ace fa in so ka gara na bushe don ya fi
*****
Haba Sahiba ni ina ƙaunarki
Kuma zuciyata tana mararinki
Kyawunki ke sani in ta mafarki
Ko zan mace ni ina ƙaunarki ‘yan mata
*****
Lallai fa yau ni ko na ga ta kaina
Ga mahaukaci yau yana fa ta bina
Wai shi so yake ya nunan ƙauna
Je dai kawai kai bara fa ka barni don ya fi
*****
Ni na yi hauka akan ƙaunarki
Don na yi nisa cikin begenki
Ko me kike so fa ni zan baki
Da ki ƙini ai gara ma in sheƙe don ya fi
*****
Don Allah ɗan uwa karda ka sheƙe
Kibiya ta ƙaunarka tuni ka feƙe
Ta soke ni ba batun yin feleƙe
Da ka sheƙe ai gara in aure ka don ya fi.
*****
Nai godiya gunka sarki Allah
Da ka ba ni ‘ya wacce bata da illa
Zuciya yau fa zata bar yin ƙwalla
Hadarin so ya haɗu ruwan so na yayyafi.
Hmmmmm lallai soyayya