Washegari

Asma'u na cikin ɗaki tana linke kayanta da ta wanke suka bushe, taji an turo ƙofar a hankali, ƙamshin turaren Ma'aruf da a yanzu ta riga ta shaida shi ya gauraye ko ina cikin ɗakin nata, ba sai ta duba ba ta san shi ne, ta dakata da abin da take yi cikin sanyin jiki har ya ƙaraso daf da ita, ba tare da ta kalli sashen da yake ba ta ce, "Ina kwana?"

Ya amsa, sannan ya ce da ita.

"Asma'u in banda hujjojin da kika kawo na san kema kina son zaman. . .