Washegari ma haka ya sake ɗaukar ƙafa ya sulala ya shige wajen Zalihar.

Misalin ƙarfe goma sha ɗaya ba safe, 11:00am. Bai gan ta a falo ba, don haka kai tsaye sai kutsa cikin uwarɗakin tamkar ɗakin matarsa, can ɗin ma bai iske ta ba. Sai ya ji ƙarar zubar ruwa a banɗaki, falo ya koma ya zauna kan kujera ya ɗora ƙafa ɗaya kan ɗaya, ya hakimce kamar wani basarake yana jiran ta fito.

Fitowa ta yi ɗaure da tawul tana tsane ruwan jikinta ta yo falon, ba ta ankara ba sai da ta shigo tsakiya. . .