Cikin sauri-sauri ta ciro Ayatul Kursiyun nan ta ce su taimaka mata a kafa tun daga bakin ƙofar Alhaji har zuwa ɗakinsa. Sai da ta tabbatar ta kafe masa, sannan ta yi sallama da su a gurguje.

A gajiye ta dawo gidan, sai dai idanun Anti Zuwaira kamar wacce ta yi kuka ta gaji. Har za ta wuce sai kuma ta dawo da baya,

"Anti lafiyarki kuwa? Me ke faruwa ne?"

Zuwaira ta kauda da kai kamar ba za ta yi magana ba, sai kuma ta ce, "Lafiya lau. Za a ɗaura mini aure sati mai zuwa."

Wannan kalmar. . .