Ya kawo hannunsa zai riƙe hannuna na matsa da sauri sai da na dangana da jikin ƙofar motar murmushi mai sauti na ji ya yi bai yi magana ba.

Mun yi tafiya mai tsawo ba tare da ya ƙara magana ba kafin ya tambaye ni ko zan ci wani abu ban tanka ba duk da yunwar da ke kartar yan hanjina, kiran wayarsa aka yi ta yi wanda ya sa ya yi ta faɗin ya kusa shigowa a Abuja, duk kuma da saurin da yake da muka isa shi ya fara fita motar ni kam ban motsa ba. . .