Da kayanshi rungume a ƙirji ya shiga ɗakin tare da yin sallama, bai samu kowa a falon ba sai Yassar da ya amsa mishi sallamar yana kuma binshi da kallo yana faɗin,

"Meye a jikin kayan da ka rungumosu kamar sabon jariri?"

Murmushin shi Yazid ya ƙara faɗaɗawa, Waheedah ta goge mishi kayan, akwai kalar ƙamshin da ya kula tana yi duk idan ta gifta shi a cikin gida, idan za ta fita ne kawai baya jin tana ƙamshin, sosai kuma yake jinjina ma ƙoƙarinta na wajen ganin ta gujema abubuwan da addini ya haramta mata. . .