Tsugunnawa ya yi yana fitar da numfashi a wahale, cikin shi ke ciwo saboda hanjin shi da yake ji sun tattaru sun ƙulle a gefe ɗaya. Ko ina na jikinshi ciwo yake, har wajajen da bai taɓa sanin za su yi mishi ciwo ba tare da zubar jini ba. Waheedah na tsaye tana kallon shi, yadda yake yi kamar shi ya yi watanni da ciwon da ta yi fama da shi, a karo na farko halin da yake ciki bai taɓa zuciyarta ba, tana jin daɗin yadda yake jin kaɗan cikin ƙuncin da zuciyarta take fama. . .