Malamawa.

Bangaren Ruma abubuwa sun koma mata daidai, maganar haihuwarta kam ko tashin zance, hatta almajiran Alaramma basu san abin da ya faru ba, bare mutanen gari, iyakar batun kawai a cikin gida.

Ruma dai kasancewar akwai kuruciya ji take kamar komai ya wuce, yanzu ba ta da wani kalubale.

Saboda ba ciki, babu abin da ke cikin cikin, ga shi kuma ta samu lafiya, Sai take jin kamar ba ta taba yin wani abu da ya jefa ta cikin tashin hankali ba.

Ko rashin mahaifiyarta a gidan baya damunta, saboda dama can a ɗakin Yaya suka fi dabdala.

Auwalu. . .