Hannun Inna Safiyya ta ƙara kamawa ta riƙe cikin nata. Don gani take kamar za ta ɓace a kowanne lokaci. Ɗayan hannun ta kamo mayafinta tana goge hawayen da suke zubo mata.

Muryarta a dishe saboda kukan da take yi ta ce,

"Inna kun yafe min da gaske?"

Ƙwalla Inna ta share tana ɗaga ma Safiyya kai. Ta mayar da kallonta zuwa wajen Baba da ke zaune yana kallonta ciki da wani yanayi.

"Baba!"

Girgiza mata kai yayi alamar ta yi shiru.

"Mun yafe miki Safiyya. Duniya da lahira. Kema ki yafe mana ɓacin rai ne ya sa muka. . .