Banda ruwa babu abinda Rafiq yake cewa yana so duk ranar har washegari, da ya farka ruwa kawai sai ya sake komawa bacci, likita ne ma yace a samu ko Tea a bashi. Ba yadda Nuri bata yi ba, daƙuna fuska ya yi yana lumshe ido kamar zai mata kuka, bacci yake ji, dole ta ƙyale shi ya sake komawa baccin ta shiga wanka ita kuma. A banɗakin ta shirya har kaya ta sake tana ninke wanda ta don ta fito da su. Akwai masu aiki da ta san za su shigo su take ba su wanke mata. . .