Baisan lokacin da ya ɗauka suna zaune cikin motar ba, ko da ya ji ta tashi motar sun fara tafiya bai buɗe idanuwan shi ba, ko motsi bai yi ba, sai da ya ji ta kashe motar tukunna ya buɗe idanuwan shi, ganin ta yayi ta haɗe kanta da abin tuƙin motar, kuka take sosai. Bai ce mata komai ba, kallon ta kawai yake yi yana jin kamar su yi musayar matsayi, ƙila idan yai kukan, hawayen shi suka zuba ya ji sauƙin abinda yake ji a cikin kanshi. Za su kai mintina goma zaune. . .