Kano

Ƙwanƙwasa ɗakin Altaaf ya ji an yi, bai yi magana ba, baya jin zai iya ko da ya gwadawa shi yasa yayi shiru kawai. Ko waye in ya gaji da ƙwanƙwasawa zai tafi ya ƙyale shi ya ji da abinda yake damun shi. 

"Altaaf..."

Zuciyar shi ya ji ta yi wani irin tsalle kamar zata fito ta bakin shi. Baisan lokacin da ya sauko daga kan gadon yana ƙarasawa ya buɗe ƙofar ba. Baba ne a tsaye ya raɓa Altaaf ɗin ya wuce cikin ɗakin yana samun waje gefen gadon ya zauna. . .