Skip to content
Part 4 of 30 in the Series Tambaya by Haiman Raees

Anya Kuwa?

01. 

Da sunan Jalla sarki 

Wannan da ya yo musaki 

Shi yai kare da gwanki 

Yai shanu har da awaki 

Allah gwani, Allah gwani. 

02. 

Dubu dubun salati 

Ga abban nan na Fati 

Hasken sa ya wuce fenti 

Ya zarce duk mai kanti 

Tarin daraja ku ji. 

03. 

Jama’a ga tambayata 

Ko da mai ban amsar ta 

Ku ɗan bi gari ku yayata 

A sam mai ban amsar ta 

A cikin gari, ku yi agaji. 

04. 

Al’umma duk mun canza 

Yankan juna tamkar reza

Goyon masara sai geza 

Gugar zana ake gurza 

Anya kuwa, anya kuwa?

05. 

Samari babu ɗa’a 

‘Yan mata babu kunya 

Tsoffi sam babu girma 

‘Yan yara babu gobe 

Anya kuwa, anya kuwa?

06. 

Anya kuwa mun shirya?

Ta ina wai za a fara?

Anya kuwa za mu tsira?

Anya ko mun hau hanya?

Anya kuwa, anya kuwa?

07. 

Yankan juna da ƙarfe 

Ƙarya, ƙazafi da yarfe 

Zunɗe, zagi da jefe 

Munafunci da ƙage 

Anya kuwa, anya kuwa?

08. 

Hanya kuwa muna duba?

Anya kuwa muna lura?

Koko sai in an ɓara?

Sannan ne za mu farga?

Anya kuwa, anya kuwa?

09. 

Cin amana muna yi 

Ga zalunci duk muna yi 

Tausan juna ba ma yi 

Hassada ta hana mu yi 

Anya kuwa, anya kuwa?

10.

Halan ko mun manta 

Da ƙangin nan na bauta? 

Halan ko mun manta

Da azabar nan ta wuta? 

Anya kuwa, anya kuwa?

11.

Alƙawari ya ƙare

Ɓawon ladabi ya ɓare

Tarbiyya duk ta zube

Rigar kunya tuni mun tuɓe

Anya kuwa, anya kuwa?

12.

Tsirin tsibirin laifuka

Tashin zunubin hankaka

Kai ɗan uwa kama kanka

Mutuwa na zuwa kanka

Allah kuwa, Allah kuwa.

13.

Anya kuwa ko mun shirya

Zaman ƙabari da hali?

Jama’a ta ko mun shirya

Neman tuba, gyaran hali?

Anya kuwa, anya kuwa?

14.

Dukiyar mu haɗa da ‘ya’ya

Mataye har da ‘ya’ya

Gidaje har da gona

Lahira za mu kai wa? 

Anya kuwa, anya kuwa?

15.

Ku yi nazari da duba 

Akan dukkan tambayata 

Amsar lallai da zurfi 

In mun duba ba mu gaji ba 

Za mu ƙaru dai. 

16

Jamilu nake suna

Haiman ko laƙabina 

Abdulrahman Babana 

Hauwa’u ce Ummina 

Allah gwani, Allah gwani. 

17.

Yau Talata da rana 

Watan bakwai da rana 

Shekarar dubu biyuna 

Da biyu cif babu kwana 

Bisa adadi, bisa adadi. 

Bookmark
ClosePlease login

No account yet? Register

Rate the story.

Average: 0 / 5. Rating: 0

As you found it interesting...

Follow us to see more!

<< Tambaya 3Tambaya 5 >>

1 thought on “Tambaya 4”

Drop a Comment

Your email address will not be published. Required fields are marked *

You cannot copy content of this page.