Miƙewa ta yi a hankali saman gadon, kanta ta dafe da ya mata wani gim-gim-gin, agogonta ta kalla, ƙarfe 9:30 na safe, sai kuma ta sauko da sauri, kunya ce ta kamata, tuna yaushe rabonta da yin Sallah, tun ranar da ta ji labarin auren Hamoud, dama shi ne silar sa ta yin, da kuma ya ƙi ta, ita ma sai ta saki addininta, ba irin tuban mahaifiyarta ta yi ba ke nan, dominsa take kula da addinta, tuna kalmomin da Soupy ta gayamata mahaifinta na yawan gayawa mahaifiyarta ta yi, sun zauna sosai a zuciyarta. . .