“Ba zan so ka da yarinyar nan ba Kaisar saboda nasan matsala ce a cikin rayuwar ka kai ne kake son yarinyar nan Kaisar amma ita ba son ka take ba . na gane hakan ne tun da tayi shiru da bakin ta bata nemi hana ka shiga halakar da ka saka kanka ba. ko makiyi ba a cutar da shi da cutar da ba tashi ba amma Kai dubi abunda tayi maka Kaisar anya wanda yayi maka haka ba zai iya soka maka wuka ka mutu saboda kiyayya ba,? na ji dadi da zuciyar ka ta yardar maka ina son ka kuma son ne yasa nake kin ka da yarinyar nan Kaisar saboda na san idan ta shiga rayuwar ka kayi bankwana da farin ciki shiyasa nake gudun ka da ita.
“Daddy Allah ne kadai yasan al amarin da ya boye a tsakanin mu kar uuma mu shiga hurumin Ubangiji ni dai na ji na gani daddy ni da kai duka babu wanda ya san abinda gobe zatayi sai Allah kuma sau tari muna kin abu sai ya zamo alheri garemu bamu sani ba idan ka yanke hukuncin raba ni da ita daddy ka bawa wani zuciya ta zatayi ta fada min ka daina sona Daddy ka sani kaine gata na kaine uwa ta kaine uba na na kuma gamsu da hakan soyayyar ka gareni ko wanda suka kawo ni duniyar sai haka ban ma san su ba daddy sai da ka sa nuna min su amma daddy duk baka kasa a ko ina ba sai a dan wannan abun?.
Ya fada idanun shi jajir tamkar zaiyi kuka
daddy yayi murmushi yana fadin
“Yaro ne kai Kaisar shiyasa ba zaka gane ba amma yanzu ni da kai muje muyi istikhara duk abinda yake alheri Allah ya tabbatar dukkan abinda naji a tawa istikharar zan sanar maka kaima in kaji ka gamsu ka fada min in kuma bakaji gamsuwa ba shima kar ka boye min ka fada min gaskiya nima duk yadda naji zan fada maka
Da haka suka rufe babin maganar nan suka shiga sallar istikhara duk dare . sai dai daddy kam da gaske baiji ya gamsu da auren Nadiya da Kaisar ba yayin da shi kuma Kaisar a nashi bangaren kam har da albarkar aure ya gani sun samu na kyakkyawwr yarinyar mai kama dashi.
Kwanaki uku suna kan jin abinda suke ji tsakanin daddy da Kaisar shi dai daddy baiji gamsuwa ba shi kuma Kaisar sai kara son abun yake
Sai da akayi sati kafin suka hattama daddy yake tambayar Kaisar yaya yaji a ranshi? Ya kuma fada mishi har kyautar Allah ma ya gani a tsakanin su na yar baby
shi kam daddy bai boye mishi ba ya fada mishi har yau din nan baiji gamsuwa ba akan al amarin amma suyi ta ADDU A Allah ya zaba alheri
Kaisar ya amsa da ameen
Ranar asabar sai ga yakumbo hali Kaisar yayi mata sannu da zuwa ta amsa tana fara a inda mama ta tarbe ta ta dubi Kaisar tana fadin
“Tafe nake da bak’o don Allah a shigo dashi
Kaiser ya mike zuciyar sa na fada masa halan garbeben ne ya taho gaishe da daddy?
Ya fice farfajiyar gidan inda ya hango tsohon mutumin wanda yake cikin yadin mai taro taro sai salki yake ga hula ya kafa amma fa kallo daya zakayi mishi kaga yayi daban da kayan saboda fatar jikin shi wacce yayi futu futu amma ga kaya sai walkiya suke .
Kaisar ya matsa yana mishi sallama ya bashi hannu suka gaisa ya taho dashi yana jin kamshin turaren da ya bulbula na garambasa hade da binta sudan
Daddy ya fito yana yiwa yakumbo sannu da zuwa suka gaisa take fads mishi tare suka zo da garbebe ya gaishe shi ya kuma yi mishi bayani.
Garbebe ya shigo tare da Kaisar wanda ya zube a gaban daddy don ya gaishe shi amma daddy ya rike hannun shi ya zaunar da shi a kan kujera ya kuma vashi hannu sukayi musabaha Daddy yana tambayar shi aiki yakumbo kuma tayi carab ta karbe da fadin
“Ai garbebe sai dai a tambaye shi gona alh don noma yake fiye da kima tun daga nomam rani zuwa na damina yanzu ma baka ga uban cefanen da ya jibgo ba har da su kabeji da karas da cucumber wai a kawo maka gasu can a mota kuma motar ma fa tashi ce ake mishi sufuri yana da irin su sunfu goma bakin gwargwado Allah ya rufa mishi asiri duk matan yankin mu babu ya matar shi mai Rasuwa suwaiba ko? Ai ko atamfar ta wallahi mai gold ce a jikin ta ake fara gani.
Daddy yayi murmushi yana fadin
“Ai halima kece mai bashi auren Nadiya in har kin yaba da shi babu damuwa malam Ango yace min matar shi ce to rasu ta bar shi da ya’ya bakwai?.
Cike da jin dadi yakumbo halima ta amshe da fadin
“Wallahi kuwa alh suwaiba ba? baiwar Allah ta cimma sa I shine zaiyi wani auren yanzu ya kuma ga Nadiya .
“Allah sarki Allah ya jikan ta ya kyauta makwancin ta ya kuma raya maka ya’yan ka babu matsala in ka shirya sai ka turo manya ayi magana tunda ba za a tsaya jan magana ba
Cewar daddy yayin da mama ta yi mishi gaisuwar matar shi ya amsa yana godiya inda Kuma ya mike da kanshi yayi ta shigowa da kayan lambun da ya kawowa daddy tattasai da tumatur da albasa kabeji karas da kukumber tari guda
Kaisar yana zaune yana jin komai yadda yakumbo take ta kambama garbebe da irin abinda ya mallaka duk haushin ta ya cika shi sai zayyana take amma bata fadi gaskiyar cewar Nadiya bata son shi ba ga alama tana amfana da wani abu.
Duk abinda aka kawowa garbebe na tarba bai ci komai ba inda su daddy suke ta mishi godiya akan dawainiyar da ya kawo
Basu jima ba suka wuce shi da yakumbo hali.
Mama ta dubi daddy tana fadin
“Anya kuwa daddy a yadda naga mutumin nan yana da kawaici ba zai zamo matsala ba? ka san halin yarinyar nan ni fa yan marayun ya’yan sa nake ji kar taje tayi ta makar mishi yaya?.
Kaisar ya mike ya wuce bai ce komai ba mama da daddy suka bishi da kallo har ya fice
kafin daddy yace
“Ai ba zai zama lallai yadda kika ganshi haka yake ba tunda a gaban mu yake dole zaiyi ladabi ba zai kuma nuna halin shi yadda yake a zahiri ba . amma ni a hakan shi yayi min ko babu komai babu wani abu da ya dogara da shi na wani bare ayi mishi gori kuma ya’yan shi idan ta ce zata doke su ai ko dukan tarbiya ne be zai bari ta cutar da su ba tunda ya san ya’yan shi marayu ne .
“To haka ne kuma Allah ya tabbatar da alheri cewar haj Aliya.
*****
Haj laila da take duban Mustafa tana fadin
“Wai yarinyar nan ce wacce ta burma mishi wuk’a ita ce yake so? Tero ya amsa mata da Eh itace
“Kai yanzu yarinyar da ta nufi kashe ka itace kake maganar auren ta abdulhameed? duk matan duniya ka rasa wacce zaka so sai wacce na gama tabbatar da bata son ka don da tana son ka yaushe zata nufe ka da wuka?.
“Nifa mom kar ku matsa min don Allah ita nake so kuma ku kuka ce duk wacce nake so za a aura min ita to in kuna ganin bata dace dani ba ku bar wani kokarin ceton rayuwa ta ku barni na mutu mana ? Kuma da ta soka min wuka ta karfi na shige ta kuma na gane bata tab’a sanin wanin wani namiji ba sai nine na farko to ina son ta .
“Kai shiga cikin hankalin ka kaji? ranka zai baci idan ka kuma yi min maganar yarinyar nan mara’s tarbiya da Imani ban ce maka akwai yan mata a gidan mai girma gwamna ba kaje ka duba duk wacce kake so za a baka?.
“Bana son su daddy wannan nike so wacece ban sani ba a cikin Ya’yan gwamnan? Idan Ina son ganin su na san inda zan same su a arha kowace na san ta ita kuma wannan bata san kowa ba sai ni don haka daddy in har baka son na aure ta to ku barni kawai na karasa mutuwa rayuwa ta tana tare da tata don haka zan mutu ku binne gawa ta kamar yadda zan mutu da soyayyar Nadiya.
A fussce abdulhameed ya soma fincike allurar da ake mishi karin jini da ruwa jini kuwa ya soma fita a hannun shi saboda figar rashin kirki da yayiwa allurar ya kuma kai hannu akan plaster da aka manna mishi inds sukar wukar tayi mish illah ymishkma fincike ta sai ga wurin ya tashi ya kuma ware dinkin da akay jini kuwa yayi sallama inda hankalin su kuma yayi mummunan tashi musamman Haj laila wacce take kuka tana ganin laifin distinguish wanda ya dama Al amarin.
tuni kuwa abdulhameed ya maida aiki baya ciwo ya koma sabo tuni ma ya sume ya fita hayyacin sa jini face faca.
tuni likitocin suka rufu a kanshi don nemo mishi lafiya haj laila kuwa kuka take tana yiwa distinguish masifa.
“Kaga abinda kaja min da zuciyar ka marar hakuri ? ni dai yi tafiyar ka nigeria in ba zaka lallaba min shi ba yanzu dubi abinda ksja min na samu ya farfado ka maida min shi ruwa ? wallahi idan abdulhameed ya mutu sai nayi shari a da kai tunda kai baka iya komai ba kuma tunda yace yarinyar nan yake so sai an samo mishi ita wallahi da na san abinda zaka ja min kenan da ban sanar da kai ba .
ta fada tana kara gunjin kukan ta yayin da tashin hankali mai tsanani ya wanzu a fuskar distinguish Mukhtar Biro wanda shima yake mutuwar son dan nashi abdulhameed a zaton shi hargagin sa zai tsorata abdulhameed sai ya manta kaifi daya ne gashi da wata irin zuciya in ya zuciya komai ma aikatawa yake har da abinda ba a zata ba.
Kwanaki uku abdulhameed bai farko ba sai na ura da take nuna yana da numfashi dama famin ciwo yafi sabon ciwon wahala don haka cikin karin jini da manyan allurai ake har zuwa kwana biyar ya farko yaga mom da daddy akan shi ya soma fizge wayoyin da suke jikin shi yana shirin fincike plaster dake gefen cikin shi distinguish ya damke hannun shi yana fadin
“yi hakuri abdulhameed kar kayiwa kanka illa please.
“Sake ni daddy banga amfanin rayuwa ta ba tunda ba sona kuke ba babu amfani idan har zan rayu babu Nadiya a tare da ni wallahi gara na mutu kace kuma ba haka ba sake ni kawai na kashe kaina ku rasa ni kamar yadda zan rasa farin ciki na.
“yi hakuri zan nema maka auren ta tunda kana son ta nayi maka alkawarin hakan kaji my love?
Distinguish ya fada cike da kwantar da murya kafin abdul ya tare shi da fadin
“Yaushe ?
“Da mun koma Nigeria zanyi hakan kar ka damu ka daina kokarin ganin ka illata kanka bana so .
Abdulhameed ya koma ya kwantar da kanshi yana tariyo fuskar Nadiya da kuma rungumar da yayiwa kirjin ta sai kuma shigar ta da yayi da karfi ya ji abinda yaji wanda bai tab’a ji ga sauran mata ba wanda yake neman zaunta shi.
ya lumshe idanun shi yana fadin
“I love you more than my life
Distinguish da haj laila suka kalli juna suna kallon shi da yake rufe da ido yana fadar kalmar I love you more than my life.
Keena taja wayar ta tana duban luba take fadin, “Aiki fa yayiwa gwari yawa luba ga ciki ga goyo ga ka ga na rataya wallahi gayen nan fa ya tsaya min a rai yaki wucewa ga Nadiya wayar ta ma ba a samu to amma ni duk ba wannan ne damuwa ta ba irin yadda zan bullowa gayen nan wallahi luba ban san haka ake son namiji ba ni duk wanda Kika ji nace miki ina so a baya to yaudarar sa nake wallahi wankar sa kawai zanyi amma wannan kam har tsakiyar farfajiyar zuciya ta nake son shi ban san hakan ba ma sai da na ganshi a gidan su Nadiya na kuma gane da gaske son sa nake.
Lubabatu taja tsaki tana fadin
“Aikin banza wai jefa agwagwa ruwa ke wai me kike shirin yi ne haka Keena? In kin so wancan gayen ne kike tunanin samu a tare da shi? dan aikin gidan su Nadiya ne fa? ke ni fa wallahi na sha yasin tafi dubu so karya tafi yawa a cikin sa don haka ki shiga cikin hankalin ki ki gane ko ke wacece namiji mai maiko shine darajar ki har da ta yan uwan ki me zaki samu a wancan da Yake fama da kanshi? da ke zaiji ko kuwa da su yagwalgwal da dan dattijo? To ki nutsu in ma kinsha wani abu to kwanta kiyi bacci in kika tashi sai ki gane abinda yafi dacewa da ke don yanzu kam a buge kike na rantse idanu ban hangi kyan makamta ba sam wallahi.
“Luba kenan kin kuwa san meye maye a guna yanzu? wallahi son gayen nan shine abinda yake bugani ba kudi ne soyayyar ba luba yanzu na gane hakan nawan ma zan dauke su na bashi . ba zaki gane bane luba wai baki lura da jikin shi duk gargasar gashi ba ne halan? kin kuwa san sirrin da ke tare da namiji mai gargasar gashi? .
“Kayya dai keena ni kam ban faye son namiji dan kad’an ba nafi son ingarma wanda zai zama namiji na sosai amma namiji dan kad’an ko kayan haushi.
“Baki san abin bane luba ni kan naga abinda na gani shine nake tunanin abunyi.
“Kar ki damu in dai da gaske kinayi ai al amarin mai sauki ne lambar shi kawai zaki samo na kaiki inda da kanshi ma zai nemo ki .
