Tafiya mai nisan zango daga bauci zuwa jamhuriyar Niger mota ta sauke luba da keena a garin jibiya ta jihar katsina daga jibiya kuma mota ta dauke su zuwa Niger.
Keena tayi mamakin yadda akayi luba ta san wannan wuri amma kuma da ta tuna itama yanzu gata dalili yayi dalili ta sani
Dajin Allah ne guda wanda babu gida ko alamar akwai wani mai ruhin numfashi sai tarin itace da sarkukin daji
Keena kam tsoro mai tsanani ya kamata amma ta dubi luba da take tunkarar wata katuwar itaciyar bishiyar kuka mai girman gaske wancce duk tafi itacen da ke cikin dajin girma kai da ganin ta kasan akwai wani abu
Kai tsaye luba ta tunkari bishiyar keena na fadin.
“Wai ina zamu ne haka kika ta kunga kai luba? nifa daji nake ganin kugurmi banga alamar akwai motsin mutum mai numfashi ba.
“Yo dama wa ya fada miki mutum ne muka zo wurin sa? ai ba mutum bane tsakanin jinnu da rauhani ba imani yake amma ni kaina ban yarda mutum bane.
“Na fara jin tsoro wallahi luba.
“To ko mu koma gida ne in kina jin tsoro?.
“A a muje dai ai ban sare da soyayyar gayen nan ba luba.
Suka tunkari bishiyar kukar nan wacce suna dumfarar ta suka soma ganin hayaki yana fita a saman ta tamkar dai ace tukunyar girki aka dora irin ta wutar karar nan .
Kan kace me? hayaki ya turnuke dajin yayin da tsoro mai tsanani ya kama keena ta makale luba zata kwarara uban ihu ne taji mon sautin mai kama da aradu ko rugugin hadari kafin aka soma ruwa yayyafi sannu sannu hayakin ya soma washewa sai kawai keena ta hango wani mutum a gindin bishiyar kukar zaune wanda ba ta hango tun tahowar su ba sai yanzu ta Kuma rasa ta inda ya bayyana.
Ba bayyanar tashi ce abin tsoro ba sai suffar jikin shi wacce ta yarda da maganar luba ta cewa ba imani ba mutum bane .
Fatar jikin shi a bushe take sai wata irin fuska mai jajayen idanu da kuma gashin kansa wanda yake yala yala kamar a kirga saboda rashin yawan abin tsoro dai sak.
Luba ta zube a gaban shi tana fadin
“Ba imani sannu da aikin rashin imani ga wata kawata na kawo ayi mata aikin rashin imani don wani yayi mata rashin imani ya sace zuciyar ta a soyayya kuma ya barta tana ta wahala shine na kawo ta wurin ka ka zaboro mata shi da tsiya yazo ya kawo kanshi ko baya so ya aure ta.
Ba imani ya zubawa keena kwala kwala idanun shi masu kama da garwashin wuta yana mata kallon mayata kafin ya bude baki cikin wata irin murya mai ban tsoro yace
“Kin fada mata sharadin aikin m? kudi muke karba mu kuma zanawwa mace abinda maza zasu yi rububin ta .
“Ai bata da matsala ba imani .
“Ta taho da lambar motar shi ko ta wayar shi,?
ya tambaya yana mika hannu a bashi
“Eh ta taho da ta motar shi .
“Bukatar ta zata biya a yau ba sai gobe ba shi da kanshi zai nemo ta kamar yadda ta nemi soyayyar shi .
Da sauri luba ta fito da takardar da ta zana lambar motar ta mika mishi
ya karba yana me mika hannu sama yana kwartsa ihu sai ga wata jakar fatar damisa ta fado a hannun sa ya jawo ta ya finciko abinda ke cikin na wani mutum mutumin icce wanda aka zargaww jan zare ya hada shi da takardar lambar motar ya saka su a wata kwarya dake gaban shi cike da ruwa ya nuna su da yatsar sa Yana tartsa ihu sai ga wuta ta tashi wuta kuwa irin ta sihiri tuni mutum mutumin da takardar suka Kama da wuta amma abin mamakin wutar a saman ruwan bai hana ta ci ba haka ma mutum mutumin da takardar wutar bata cinye su ba.
Ruwan da wutar ke ci a saman sa shine ba imani ya soma yarfawa a kan keena sai da yayi wa jikin ta sharkaf da ruwan duk da wutar ba mutu ba kafin ba imani ya soma fincike Kayan jikin keena yayi mata fit da kayan jikin ta ya maida ita naked kafin ya zubawa kirjin ta ido ya kwarara uban ihu ya daka tsalle ya dare kan keena wacce taji tamkar an daure ta da igiyoyi ta kasa motsi yayin da warin jikin shi yayi mata sallama amma ta kasa motsawa tanaji ba imani yana duduma a saman ta wmma ba damar motsawa sai da ya mula ya sha iska kafin ya sauka kanta yayin da ita kuma luba aka sakar mata bacci mai nauyi sai da ya gama ne ya tashg ta
Magani kala biyu ya bata wa keena wanda zatayi hayaki ya shaka daga jikin ta da kuma wanda zata matsa a gaban ta wanda zata yarda ya sadu da ita don ta kara rike shi sosai.
Ya kuma bata tabbaccin yanzu haka yana can yana bulayin neman ta kuma kai tsaye ma zai iso har kofar hostel din su .
Da haka keena da luba suka baro wurin ba imani bayan sun dire mishi kudin shi ya kuma more jikin keena wacce suka taho tana fadin
“Kai ni kam da na san shegen mutumin nan har da wannan a cikin aikin shi da ban yarda nazo ba luba wai baki ji warin da nake bane ? ni ko da nake bariki zabi gareni ba kowane gaja nake kulawa ba .
Luba ta kyalkyale da dariya tana fadin
“Ke keena Idan dare yayi dare fa gyare ma nama ne ranar biyan bukata kuma Kai ba a bakin komai yake ba kinji meye don anyi wannan abun ? kinji fa yanzu muna Isa gida wata kil ma da gayen nan za muyi kicibus yana jiran ki .
“Ni kam wallahi Allah ya Isa na luba da kika munafuncce ni ban san da hakan ba da ina zan bari wannan mutum mutumin mai kama da aljani ya rabe ni ? ga abin nashi har da mugunta wallahi ni wannan warin ma na jiki na ni da kaina kyamar sa nake wallahi .
“to dama magani ana shan sa don dadi ne? ai magani bashi da dadi sai dai biyan bukata sai muje gida sabulu ne da humra kiyi ta budada su zaki ware .
Haka suka taho keena na aunawa luba ashar ita da ba imani.
Malam Ango da ya karbi mota daga hannun Kaisar ya nufi kasuwa don siyen cefanen gidan shi da zai kai.
ya kai cefanen ya dawo zuwa aiken Kaisar da yace in ya dawo ya siyowa Nadiya vitamin c tablet manya shine fa ya shiga neman vitamin c har yamma kafin ya same shi ya kuma siya ya kai mata ta balbale shi da masifa wai yaje ya dade tana ta jiran shi
Ya fito yana mamakin wannan yarinya da rashin kunya
Ya fito kenan ya soma ganin hayaki yana bsibaye idon shi
ya soma bin hayakin da kallo kafin yaji kanshi ya dauki ciwo dole ya zauna a motar yana dafe da kanshi har yaji ya sauka ya tashi motar ya nufi gida
Slsai dai me ? yana kwanciya ya soma ganin fuskar keena tana zagaye idanun shi abu kamar shiri sai ya mike ya dauki makullin motar ya fice kai tsaye kuwa ya nufi hostel din su inda ya faka motar ya zauna ciki shi da kanshi ba zai ce ga abinda ya kawo shi ko yake nema ba ya dai ganshi ne kawai kuma in da za a tambaye shi ba zai iya cewa ga wanda ya zo nema ba ko abinda yazo yi.
Ya jima cikin motar a zaune kuma bashi da niyar tafiya bawan Allah har ya soma gyangyadi kuma bai saka ranar tafiya ba.
Napep ya karyo kwana dauke da su keena da luba tun daga nesa luba take nunawa keena motar Kaisar suka dubi juna a tare kafin suka kyalkyale da dariya har suna tafawa.
Suka sauka napep din syka biya shi kudin shi suka wuce keena na fadin
“Kar ki kula shi ko kallon shi kar kiyi don sai na ja mishi aji sosai wallahi don ya gane sai na rama wulakancin da yayi min .
“to amma dai kibi sannu kar garin neman gira a asa ido kinga kina ruwa kenan kusa da hamisu breaker .
Suka wuce suna dage kai yayin da malam Ango yayi firgigit ya farka kamar wanda aka watsawa ruwan sanyi .
Ya sauke idon shi kan keena da uba amma a take ya gane fuskar keena wacce yaji zuciyar shi ta amsa da karfi har ya bude motar ya fito yana kwala musu sallama da karfi .
Jin muryar wanda ke musu sallamar ne yasa su duka suka juyo a tare inda suka sauke ganin su akan malam Ango wanda wahala duk ta sa ya tsotse ga kanshi da yafara daukar farin gashi rigar jikin sa kuwa ta yadin tiyebo duk yayi squx .
“Malam lafiya?
cewar luba.
“Ke muje da Allah uban gidan nashi ne ya turo shi muje rabu da su .
cewar keena.
“Kuyi hakuri yan mata nine nake neman wannan malamr ya fada yana nuna keena .
Keena ta juyo tana fadin
“to ya akayi ne gyatumi shi mai wannan motar ne ya turo ka?.
“A a nine da kaina babu Wanda ya turo ni wallahi Ina son ki ne shine nazo mu daidai ta ina fatan zaki fahimce ni?.
“Kai tsaya bawan Allah Ina mai wannan motar yake?
cewar luba .
“Mai wannan motar alh iro ne amma ni ya damkawa ita nake mishi zurga zurga .
“Kai ba kai nake nufi ba fa wani dan bafullacce marar afki mai sumar kai haka mai kyau.
“Ayya Kaisar kike nufi ?.
“Eh shi ba motar sa bace wannan ?
cewar luba da tayi tambayar don taga kamar an sami matsala.
“Ba motar shi bace wannan tashi tana gareji wurin gyara.
“Amma yana hawan ta amma ko?
luba ta sake tambayar don tabbatar da aikin su sai kuma yayi mata bayanin da ya tabbatar mata sun samu sab’ani.
“To yanzu ya akayi ne malam?
“Babu komai sai maganar nan ta kaunar malamr nan.
“An samu matsala fa
cewar luba.
“Kai malam ka kama kanka da Allah bana son rainin hankali ka dube ka da Allah kayi jika da ni kana fada min abinda ya kamata ka fadawa kakata ko gyatuma ta don Allah ja tsufan ka kaje ka huta . bar nan tun ban saka anyi maka ature da duwatsu ba .
“Babu komai zan jure yarinya ai ita kauna bata ganin wahala kiyi tunani dai in sha Allah komai kike so ba zai gagara ba ga wata yar awara nan na ruko miki da zafin ta .
Keena da taji wani kuka yana keto zuciyar ta da gudu ta shige cikin hostel tana rusa kuka yayin da malam Ango ya dauko awarar ya nufo su sai ya tara’s keena ta shige sai luba da wuta ta daukewa tayi tsaye kamar an dasa ta don ta gane hannun riga sukayi da aikin Kaisar wanda basu iya banbance motar shi da wacce ba tashi ba suka dora aiki mai shegen zafi gashi aiki yayi wmma an samu akasi ya fada a inda ba a aiko shi ba.
“Ina take ne amaryar tawa?
Malam Ango ya fada yana wara idanu yana tambayar luba wacce ta kame kam ta kasa motsi shi kuma ya zuba mata ido da son yaji amsar shi .
“taimaka diya ta ki kai mata awarar nan ki fito min da ita don Allah.
Ya fada yana mika mata awarar luba ta karba tana kallon shi kafin tace.
“Jeka malam ba zata iya fitowa ba gaskiya jeka don Allah.
“Ina zan iya tafiya yarinya? kin san daga inda nake kuwa? taimaka min don Allah ki fito min da ita .
“Kaje ka malam mana kaje mana matar aure ce fa kake maganar a Kira maka wallahi idan mijin ta ya same ka a nan duk abinda yayi maka babu abinda ya dame ni wallahi tunda na fita hakkin ka.
Luba ta fada tana wucewa rike da ledar awarar ta shige ta barshi a nan.
Ya bi bayan luba da kallo kafin ya juyo jiki a sanyaye yana jin kamar kar ya tafi
ya bude motar ya shiga yaja ya bar wurin yana waiwayen kofar hostel din yana kuma kara Jin keena a zuciyar shi irin jin da ba zai iya hakura da ita ba don yanzu ma ya tafi ne da nufin dawowa don bai yards tana da miji ba.
Kuka riris keena ta ke shekawa saboda bak’in ciki don ita da kanta bata bukatar a fada mata aikin su ya kwana domin kuwa sun sami akasi . ba wanna bakin cikin ta ba sai Yadda zindikin mushirikin can da taji luba na kira ba I’mani yadda yayi warisa a kanta da irin warin jikin shi da ya kasa barin ta sai kuma ga kudin da ta kad’as wanda ta rora wurin shaid’an Wanda a yanzu abun da ya rage daga cikin dubu dari uku bai kai dubu hamsin ba tun daga wanda sukayi transport zuwa wanda ba I’mani ya karba . gashi abun ya zama ihu bayan hari sai ma muguwar matsalar da aka sami wani jemammen tsoho ya bayyana a maimakon Kaisar . sai ta kuma dora hannuwa biyu ta kartse da kuka tana fadin ta shigo uku.
Luba ta shigo jiki a sanyaye tana rike da ledar awarar da malam Ango ya bata ta kawowa keena wacce ke ta fidda hucin zafi dama ya fada da zafin ta.
“Sai dai kiyi hakuri keena amma hakikatan mun samu kuskure wurin daukar lambar motar nan motar tsohon can ce muka dauki lambar shi ba ta Kaisar ba kuma sai muka kasa aiki da hankalin mu mu duka bare muyi bincike mu gane shin motar shi ce ko kuwa ta waye ? muna dauka muka tafi kai tsaye gashi kuma ga yadda abin ya zamo .
Keena ta aunawa luba harara tana fadin
“Uban me zan tsaya bincikawa bayan ni a motar da na ganshi na gani?
Luba ta dube ta jin tana auna zagi sai tayi mata uxuri don a ciki take sai an bita a sannu.
“Sai fa kinbi al amarin nan a hankali keena .
“Wane irin na bi shi a hankali kike magana luba? Inyi shiru kike nufi ko kuwa wancan jemammen tsohon yayi ta min zarya? to wallahi dole ma mu koma Niger wancan matsiyacin mushirikin ya kwance wannan tsiyar ya jona min ita da Kaisar .
“Uhum keena kenan to maza ki koma cikin hankalin ki kuma san abinda zaki fada skan ba I’mani don ina mai tabbatar miki yana gani har hancji kar kice zakiyi mishi irin wannan haukan wallahi yafi ki mugunta gara ki bi komai a hankali ni da zaki ji shawara ta ma ai da nace kawai wanna da kugiya ta zaboro kawai kiyi ciki da kayan ki ko da dai na kula bashi da motsi ko da yake shima wanda kikewa din ai bashi da motsin kinga ja ya fado ja ya dauka kenan.
“Sai dai nayi wuff da uban ki luba shegiya don kinga na shiga uku ne kike fada min haka?.
Luba tayi murmushi tana fadin
“Uba na fa ai ya wuce keena sai dai ko kanin sa ko yayan sa su kuma na tabbatar da baki da muhalli a gidajen su don matan su a tsaye suke kamar nonon maza ni yanzu da zaki tsaya da mun nemi me fishshe mu amma wannan haukan da kike ban hango miki mafita ba gaskiya ce nake fada miki kawai ki rufe Ido ki karbi sabon masoyin can mai yuwuwa shine Allah ya tsara mijin ki shi da ma fa so da kike gani karya tafi yawa a cikin sa kuma so ba samu bane .
