“Ta tayar maka da hankali uba na wallahi ban san tazo gidan nan ba sai yanzu na ganta Ina ake tayarwa ango hankali da asubar farko? cewar daddy Wanda ya fada yana zolayar Alabo.
Yayi murmushi yana fadin
“Wallahi daddy ban san bata gidan ba sai yanzu da naje tashin ta salla don tun jiya da muka hadu ta ganni shine ta rufe daki taki ta bude duk cewa da nake ta tsaya taji abinda zan fada mata bata yarda ta tsaya ba.
“Ban san tazo ba uba na ka yafe ni da na san tazo komai dare sai na maido maka ita amma tunda kazo dauke ta kuje na fada mata kuna da tazara a tsakanin ku in ta so ta aje hankalin ta ka bata bayani tashi kuje malam Ango zai kawo muku kayan kari tashi kuje .
Fati ta mike Alabo ya yiwa su daddy da mama sallama su fito inda motar shi take sabuwa wacce daddy ya sauya mishi ta yin Angon ci.
Ya bude mata kofar motar ta gaba Yana kallon ta ta shiga ya mayar ya rufe ya zagayo ya shiga ya tashi motar ya fice yana kallo ta Yana Fadin
“Kin tashi lafiya kanwata? na zaci kina can a kulle a daki sai da na tura kofar naga babu kowa a ciki.
tayi kas da kanta tana fadin
“Kayi hakuri na fita da nayi ban sanar maka ba .
“Na yafe miki amma yanzu kin gamsu da da abinda su daddy suka sanar dake akaina ko?.
Tayi shiru bata tanka shi ba don a yanzu kuma ta koma son ta san waye ba waye ba a tsakanin ta da yaya Alabo? waye bare waye dan gida?
Suka iso gida yana fitowa daga motar yaje mazaunin ta ya bude mata ta fito tayi cikin gidan ya biyo bayan ta suka shiga cikin ya wuce toilet ya hada mata ruwan wanka masu zafi ya dawo yana fada mata ga ruwan wanka ya hada mata ta dube shi cike da mamaki tana fadin
“Don Allah yaya ka bari kaine ka hada ruwan wanka.
“Nine mana? A yanzu fa ni ba Yaya bane masoyi ne taimaka min ki cire min yayan nan abinda yafi wannan ma zanyi miki dear kinji?
Ta wuce zuwa toilet din yana fadin
“Ko mazo na taya ki ?.
Da sauri tace mishi A a ta shige ta maido kofar ta rufe
kafin ta fito har ya hada mata ruwan shayi mai kauri wanda yaji madara da bounvita tana fitowa kuwa ya tare da shi don shima yana bukata dole ta karba ta soma sha Amma cike da wata irin kunya wacce take Jin dole zata sauke ta tunda yaya Alabo ya tashi daga Dan uwa ya koma miji miji kuma Ubangiji ya wajaba ayi mishi komai. Da yace komai to yana nufin komai a koman nan Kuma har da komai.
Ya nuna mata gado yana fadin
“Na san bakiyi bacci ba daga kallon da nayiwa idanun ki kwanta ki rama bacci nima ba yin shi nayi ba na kwana cike da zullumin abinda kike shirin yi mana .
ta hau gadon ya dakatar da ita yana fadin
“Taimaka ki rage kayan nan basuyi miki nauyi ba? ga kayan bacci nan saka su zasu fi yi miki Dadin kwanciya.
Ya sauke akwatun kayan lefen ta ya dauko mata wasu kayan bacci masu sulbi farare tas masu kyau sai dai saka su a gaban shi yana nufin yaga komai don masu fidda tssrin halitta ne .
“Zan fita ne sai ki sauya ko?
Ya aje mata ya fita ta daga kayan tana dubawa sun burge ta kam matuka har batayi shayin komai ba ta soma fidda na jikin ta wanda suke tun na jiya ne da akayi walima ita kanta sun ishe ta
ta sauya kayan da suka fidda mata sura amma da yake idon ta cike yake fall da bacci ta sai ta fada gado tana kwanciya kuma bacci yayi gaba da ita.
Ya koma kitchen ya soya mata kwai ya kuma dauko madarar jiya da ya saka a fridge ya dauko ya nufo dakin inda ya same ta kwance cikin kayan da suka fidda mata sura ya aje kayan da ya shigo da su ya zuba mata ido Yana jin yaddda soyayya ke neman fidda shi a saiti musamman akan abinda yake so .
Ya soma balle boturan rigar shi ya rage ta saman ya zauna gefen gadon yana kallon yadda take sauke numfashi cike da bacci irin wanda Yake idon shi ya kawar da kanshi daga kallon ta har ya bude kwan da ya soya ya soma ci a hankali ya kuma Kora da sassanyar madara ya juya yana kallon ta tana nan sadidan baccin ta take .
Ya matsa gefen ta kamshin turaren ta ya soma sauka hancin shi ya jawo filo ya dora kanshi ya kwanta a bayan ta ya mika hannun ya rantse hannun ta yana jin tamkar ya hadiye ta ya huta.
Ya soma kai mata sumba a goshin ta kafin ya rungume ta kam a kirjin shi yana sauke ajiyar zuciya har yaji bacci na daukar shi.
An dauki lokaci Ana tsare da keena da show wanda Kaisar ya ce a rufe mishi su aka kuma tsare su ba tare da an san inda suke ba musamman su luba da safina da sukayi ta jajen keena don wayar ta ma kashe ta akayi
Show ne ma wayar tashi take a bude yayin da aka soma tafka tuhumar keena da show da laifin kai show gidan matar aure
Wani uban gidan show mai suna Vigo da yake America sanannen mawaki ne kuma wanda ya shahara wurin yin ina finan batsar nan na blue film shine ya turo ayi belin show wanda ya saki kudin har aka kashe case din
tare aka sake su da keena wacce ita taci albarkacin show aka fidda su tare aka kuma yi musu iyaka da gidan Kaisar wanda yace kar su kuma zuwar mishi gida in kuma suka sake zuwa to zai maido su gaban hukuma
Da haka aka kashe case Keena ta wuce tana jin yanzu ne zatayi wulakanci mai kalar ruwan hoda akan gayen Nan.
Shi kuwa show ta yadda zai cika boyayyen kudirin sa yake fata don tunda ya soma tarayya da Nadiya da kudirin saka ta a fina finan batsar da suke yi ne har ya zama yaron Vigo wanda shine yake sama mishi Kyawawan yan mata wanda ake wulakanta dasu amma mafi yawan wanda ake wulakanta tare da su ba hausawa bane sai a wannan karon yake shirin mika Nadiya kuma shi da ita yake son fara lalatar kafin uban gidan shi Vigo wanda za a saki duniya ta gani yadda namiji Yake haduwa da mace da duk irin yadda ake nuna rayuwar sexy wacce kafurai mara’s tsoron Allah suke yayatawa a wannan zamani Kuma musulmi mabiya addinin musulunci suke biye da wannan ta ada ba mazan ba ba matan ba sai wanda Ubangiji ya kebe kawai.
To wannan shine kudirin show akan Nadiya .
Show ya shiga kulla dabarar da zata kawo mishi Nadiya a hannu har ya mika ta america sai dai matsala daya da zata zamo shamaki itace cikin da yaji suna magana ita da keena.
Ya kira wayar ta ta dauka tana fadin
“Dear yaya kwana biyu ka boye na daina Samun ka?.
“Ina can gayen nan da yasa aka wulakanta mu sai fa jiya akayi belin mu ni da keena wai waye shi ne? naji fa yana fadar shine mijin ki har yana cewa mun zo mishi gida .
“Ka bari kawai dear wani irin aure akayi min mai kama da na shiga kabari amma na kusa tsinke shi na huta .
“To da yafi miki gaskiya don akwai wani show da za ayi karshen shekara a America irin na venues din wato sarauniyar kyau Ina da wani oga na a can wanda yana daga cikin masu join application din shine na karba miki application na saka sunan ki don in kika yi sa a Kika zo ta daya to duniya ma zata San da zaman ki kuma akwai kyautar dalolin da ake bayarwa daga one position zuwa tree position kuma na tabbatar da kina da kyan da zaki dauko mana one position.
Nadiya da taji burin shigar ta wannan venues ta tare shi da sauri tana fadin
“Thanks you so much my dear love wallahi zan shi ga Ina da confident ko ban dauko one position ba in sha Allah ba zan wuce tree ba .
“To amma me naji keena tana fada?
ciki naji tana cewa da gaske ne ? ai kuwa in dai ciki ne ba zaki iya shiga venues din nan ba tunda akwai wasu qualitys da ake son mace ta hada in ta hada su to akwai tabbaccin cin nasarar ta .
“Me ake so mace ta hada dear wanda ban hada shi ba?.
“Kin hada da yawa amma bari na zana miki su don ki san cikin ki yana iya dushe miki koman ki . ana son mace ta kasance mai diri na hips da dirin mace. ba wai kyawun fuska ne yake nuna kyawun mace ba kyawun ta yana nan ga kirjin ta da hips din ta in tayi kyawun fuska shine take zama hundred percent to amma shekaran da ta wuce wacce ta zo ta daya venues din nan jmoke ce yar kabilar yoruba baka ce ba fara ba
kuma bata da kyawun fuska amma ta hada kyawun jiki da diri shiyasa ma ta zamo abin rububi ga mazan da suka kalli show din suna ganin sun sami mace mai dauke da sirrin da suka san shine kyau amma don mace tayi kyawun fuska bata da surar jiki to ba zata iya daukar ko last position ba saboda ba kyawun fuska ne kyau ba kyau Yana nan a surar mace kirjin ta da dirin ta to ke namiji ya kwanta ki ya tab’a kirjin da ake son ganin shi kyam bayan ma ya zube ta Yaya kike tunanin zaki zamo third? .
“Ba fa zan haifi cikin nan ba ne my dear magani kawai nake nema har a google nayi binciken maganin da zai zubar min da cikin nan amma na samu na gwada baiyi min wani tssiri ba ba amma wallahi tunda nayi nufin shiga venues din nan na Yankee shawarar zanje asibiti ayi min ayi min theater a cire cikin na huta don ko babu wannan burin da na sakawa raina wallahi dear ba zan haifi shegen cikin nan ba tunda ba son uban sa nake ba.
“Kar ki bari ayi miki theater don zaki yi zaman jinya koma ki samu matsala a venues din ki gara kawai ki bari ni na san abinda yake zubar da ciki urgently.
“Don Allah fada min shi my dear na gaji da dakon cikin nan.
“Wine.
Ya fada mata .
“In na sha cikin zai zube,?.
Ta tare shi da tambaya.
“Urgently ma kuwa don akwai mai zafi wacce mai ciki in ta sha sai dan cikin ta ya fita ki bari zan aiko miki da ita amma ta Yaya zaki karbe ta.
“Kar ka Damu my dear zan fito ma na karba kawai amma nagode my dear wallahi Ina son ka .
“Ba matsala dearest I will wait for you when I see you?.
“Ko yanzu ka kira ni zan zo .
“To zuwa gobe zan kira ki sai ki shigo don ins tsoron wannan gayen don naga he not respect.
“Barni da shi my dear Nagode.
Suka aje wayar ta mike tana Isa gaban mirror tana karewa kanta kallo ta soma warware dogon gashin kanta wanda yake shan gyara har bata son yi mishi kitso sai dai ta barshi haka nan. ta kalli kirjin ta wanda yake girke duk da tsotsar da Yan biyu sukayi mishi wanda bata so hakan ba amma kuma yana nan yadda yake kamar ta sani ta hana su yadda zasu kwantar mata da kirji . Ta koma kan dirin nata wanda yana nan shima tamkar yan biyu basu biyo ta cikin sa ba komai dai da ta neme shi ta same shi yadda take so batayi kaicon tawayar komai ba don haka ta zauna dakon zuwa gobe ta karbo wine tasting din da zata sha a karon farko da son cikin ya zube duk da bata tab’a muradin shan giya ba don ba burge ta take ba amma zata Sha don kubuta daga cikin nan.
Kaisar bai san abinda ake ba yana tare da yan biyu wanda suka fara ta ta ta ta suna gwarancin su da k’iriniya don a yanzu kam komai suka kama zasu mike tsaye kuma basu yarda ya barsu ba duk inda zaije suna like da shi don yanzu ko a gadajen su sun daina yarda ya barsu sai dai su lafe a jikin shi su kwana gadon shi sai fa in zai fita ne ya kai su wurin haj aliya wacce itama suka soma sabo da ita.
Daddy Alh iro ya ga Kaisar ya kwaso ya’yan ya kawowa haj Aliya Yana shirin fita daddy ya kira shi ya dawo ya tsuguna a gaban shi Yana kare mishi kallo duk da bai wani yi rama ba amma daddyn so Yake ya gano matsalar sa ta idon sa ko ta jikin sa.
“Kaisar kana da damuwa amma kawaici da Alkunya ya hana ka sanar min. na sani ba sai kace ba ni na dade da sanin shigar Nadiya cikin Rayuwar ka matsala ce kuma hadari ne babba sai dai na san Aniya tana biye da Aniya yar uwar ta alheri da mugunta duk wanda bawa ya aika to zai dawo mishi ko da kuwa ya rufe kofar.
“Daddy kar fa ka damu bani da matsala da Nadiya lafiya lau nake zaune da ita.
“To Kaisar sai dai ko ka fadawa kaji amma zabi tashi suke a baka da matsala da ita take dukan kirjin zubar da cikin ka? na dade da sanin dan halal da halacci amma banga alamar yarinyar nan zatayi maka halacci irin wanda kayi mata ba . Kaisar na san kana son yarinyar nan har baka hango komai da kalubalen zaman ku ba ni kuma na biye maka na so abinda kake so ba tare da na kula da cutarwar da ke cikin abin ba. yanzu kana fada min lafiya lau kake zaune da ita Anya ko ta yadda kake hidimar yaran nan bai isa a gane kana da matsala a gidan ka ba? Abinci bana jin tana girka muku sai dai kayi ta hidimar ka kai kadai? to bari na gani zuwa ranar da zaka sanar min kana da matsala in zakayi hakan duk da ni tuni na gane amma bari na gani zaka zo kace min ga halin da kake ciki? In ma baka zo ba kace min ba zan roki Allah ya nuna min abinda yake lullube ni kuma kaga igiyar da zan datse tashi kaje ya fada a fussce don da gaske ya fusata.
“Allah ya huci zuciyar ka Daddy wallahi ni bani da damuwa akan komai in ma Ina da wata damuwa bata wuce ta yaran nan ba.
“Ai fa na gama magana Kaisar wallahi saura taki kad’an na kawo karshen komai.
Kaisar ya mike yayin da haj Aliya take zaune bata motsa ba tana rike da su Sha aban da Ramadan kaiser ya fice yayin da shuru ya bakunci mama da daddy. Ita dai mama mamaki take da bakar zuciya irin ta Nadiya take yayin da Daddy kuma yake cike da yarinyar nan.
Fati da Alabo suka shigo gidan bayan a yau din take watanni biyu da aure shine fa ta matsawa Yaya Alabo da ya kawo ta ta fara gaishe da su daddy kafin gobe kuma ya kaita misau ta gano innar ta don haka aka girkowa daddy farfesu aka kawowa mama semon da take so.
