“Ga uwa ta ga uba na oyoyo da iyaye na” cewar Daddy.
Yayin da Alabo kuma ya zube a gaban mama yana gaishe ta ta rike hannuwan shi tana fadin
“Uba na kuna lafiya ko? Yaya kuke? ya amsa mata da komai lafiya ta ce to Alhamdulillahi haka nake son ji uba na Allah yayi muku albarka yasa kuyi zumuncin da ya zarce na iyayen ku.
Fati ta rungume Daddy tana fadin
“Daddy nayi kewar ku Kai da mama gobe ma misau zanje na gano Baffa da Inna ta .
“Kai masha Allah Allah ya kaimu da rai da lafiya haka ake so ai na san Baffan na can yana kewa shima bare Yaya Hajara.
Sun juma a nan suna fira kafin fati ta mike tana fadin
“Daddy wai yaya Kaisar Bai sanarwa yaya Nadiya auren mu bane ban ganta ba?.
“Ban sani ba uwa ta ko an sanar ma ta ma ai ba zuwa zatayi ba amma dai ban san musu ba.
“To bari na shiga Daddy ni twins ma nake son gani da su zan tafi can.
Mama tace
“Suna nan su duba su a faki na San suna can suna game min kishi.
Da sauri fati ta wuce dakin mama ta futo rike da su Ramadan Wanda take mamakin girman su ta fito da sweet tana basu tuni kuwa suka dafe mata don suna da surin sabo musamman ga wanda yake jan su jiki
Fati taja yan biyu suka nufi sashin Nadiya inda suka bar daddy da Alabo suna magana akan kamfanin misau da wanda aka dora madadin Alabo inda alabo ke baww Daddy tabbaccin babandi jajirtacce ne kuma ba za a samu matsala da shi ba don yayi aiki tare da shi .
Nadiya tana faman bincike kanta taji shigowar fati ta fito tana kallon fatin da wani irin sheki da take yi ga glowing irin na amarci tana Yi.
“Wai da kina garin nan ?
Ta fada tana kallon fatin.
“Haba yaya Nadiya Ace ayi bikin mu ko ki leko kiga daki na ?.
“Bikin ku ke da wa? kuma ni ai kin san ba son shiga cikin tallakawan Yan uwan ku nake ba don wannan kauyen naku ance mayu sunyi yawa su Kuma da sunga mutum da dan haske hasken sa shikenan sai mutum ya dawo a juye shiyasa ni na yafe zuwa wannan kauyen naku Allah ya sa alheri waye kika Aura?.
“Uhum yaya Nadiya yaya Alabo ne .
“Alabo kuma,? ke kuma a naku garin haka akeyi? aure yan gida daya ciki daya? To Allah ya kyauta muku wannan jahilcin har Ina? kuma shi daddy ya kasa fadawa uban naku in shi jahilci ya hana shi sanin halal da haram?.
Fati tayi saurin daga mata hannu.
“Kar ki ce zaki zagi Baffa don nazo gidan ki har kike fada mishi kalmar jahilci wallahi yafi karfin ki kice mishi jahili da tambaya kikayi ma da kin samu amsar ki cikakkiya .
Nadiya ta gwabe baki tana fadin
“Matsalar tallakawa kenan girman kai da k’i fadi ba damar a fada muku gaskiya.
Fati ta mike tana fadin
“Zan iya tafiya da yan biyu? don in na zauna anty Nadiya zamu iya samun matsala gara nayi fira da yaran nan zanfi samun farin ciki fiye da na zauna mu sami sab’ani dake.
“Ga hanya nan kiyi ta kaya bani da matsala in ma kin dauka har datissara bani da matsala.
Fati ta mike tana fitowa daga sashin ko sallama basuyi da Nadiya ba.
Sun jima a gidan har yamma inda Kaisar ya dawo ya samu su alabo inda fati ta roke shi alfarmar zata tafi da yan biyu yace mata to suyi mata kwana uku don Kar su gajiyar da ita da hidima tace babu komai gobe ma misau zasu je. da haka sukayiwa su daddy da mama sallama suka taho yan biyu suna ta hidima a motar yayin da alabo ma suka burge shi matuka gaya har yana imagin din ina ma ace nashi ne?
Washe gari kuwa Nadiya ta fice daga gidan ta nufi studion show wanda ya karbe ta suna rungume juna yana dauko mata kwalbar wine tasting din da ya tanadar bata wacce take mai zafin da ta na sha cikin zai zube ko bai shirya fita ba.
Bata juma a wurin show ba ta juyo gida tana murnar yadda zata shanye kwalbar wine din duka yadda zatayi nasarar fidda cikin nan don a yanzu hankalin ta kaf ya koma kan yadda zata shiga show din sarauniyar kyau din nan don tana jin dole ne tayi nasara a show din wanda za a haskawa duniya a kuma buga a jaridu da mujjallu ga dalolin da ake bayarwa sai dukkan burin ta ya koma can babu tunanin komai sai na wannan.
Ta iso gida kwalbar na cikin jakarta amma abun mamaki Kaisar yana zaune a falo yana kallon kwallo a TV amma bai dago ya dube ta ba don ya ga fitar ta shima bai ce mata ko uffan ba haka ma yanzu da ta dawo sai dai tamkar wacce aka cilla ita da jakar sai ga kwalbar ta yi tsalla daga jakar ta fito k’asa ta baje yayin da ruwan ciki ya soma kumfa tsamin ta kuma ya gauraye falon abinda ya sa Kaisar dagowa saboda tsamin giyar da ya game falon yayin da wani irin bakin ciki ya cika zuciyar Nadiya na irin asarar da ta same ta na rasa wannan damar.
K’amshin turaren da yake jikin Alabo da wanda yake jikin ta ne ya hade ya sake bada wani kalar K’amshin wanda ya soma sauka akan hancin ta amma bata kawo komai ba bacci ne kawai a idon ta shiyasa bata iya gane komai ba amma hakikatan taji kamshin turaren nan a hancin ta.
Alabo da ya rungume ta yaji tudun kirjin ta a fatar jikin shi wani irin shauki da feeling yasa shi sauke ajiyar zuciya yana kara rukon da yayi mata wanda baya fatan ya wuce rungumar har akai ga abinda ba zai so faruwar sa ba.
Ya rantse Ido yana jin zuciyar shi tana karanto mishi wani al amarin amma bai yarda ya biye wa zuciyar ba ya sami bacci ya dauke shi mai cike da wata irin rahama baccin da Bai so abinda zai katse shi ba.
Juyin da zatayi ne taji ta a jikin abu wanda ya takura mata juyawa yadda take so ta Kara juyawa yayin da alabo ya Kara kankame ta a kirjin shi yayin da gashin kirjin sa ya soma sukar ta ta bude ido tagan su very tight yayin da shima ya bude idon shi Yana kallon ta suka zubawa juna ido yayi mata murmushi wanda ya sata jin wani irin nauyi ganin Yayan ta ya ganta a nacked din ta har yana hada jikin su wuri daya.
Ya kai mata wata sumba a Baki yana kara rukon da yayi mata Al amarin da ya saka jikin ta y fara karbar Sak’on sa Wanda Bata zaci samun sa a yanzu ba.
Jiki da jini al amarin zuciya da abinda take so musamman ga mutum irin Alabo da ya samu kasancewa da abinda Ruhi yake marari tuni ya manta da cewar tare yake da kanwar sa Fati .
Duk da taga abun a matsayin bak’o a wurin ta ta kuma so janyewa amma sai wata zuciyar ta tuna mata miji fa Ubangiji ne ya saka biyayyar sa da komai ya nema sai anyi masa komai kuma yana nufin komai don Haka ta tuna alkawarin da tayiwa Daddy na yiwa Yaya Alabo biyayya har muddin numfashi.
Don haka ta sallama wa Yaya Alabo wanda yake jin tamkar ya hadiye ta ya huta.
Yana rungume da ita Yana nuna mata yadda take da tasiri a zuciyar sa da yadda yake son ta har yayi mata rumfa yana dora mata nauyin kirjin shi wanda ya soma fidda ta a saiti don daukar nauyin kirjin miji wani irin Al Amari ne mai nauyi ga mace wanda daga Ranar ne kuma Yake dasa soyayya a zuciyar mace idan ya iya dasa soyayyar.
Wannan safiya kam ta zamo farar safiya ga Alabo da fati wacce zazzafan zazzabi ke neman rufewa saboda sabon Al amarin da ta riski kanta a ciki wanda Yake na girma da barin tarihi musamman ga macen da ta kawo darajar ta ga mijin ta.
Alabo kam ya shiga tarairaya yana lallaba ta bayan ya kaita toilet tayi wanka da ruwan zafi ya kuma hada mata dettol ta shiga.
Buga gidan da akayi ne ya sa shi saka jallabiya ya fita ya bude inda yayi arba da malam Ango ya kawo musu kulolin abinci tamkar zasu bar garin inda ya tabbatar da aikin mama ne tayi ta faman dorawa da saukewa.
Ya karbi malam Ango Yana mishi godiya sukayi sallama
Ya shigo da kayan yana budewa naman kaji ne aka dafa da naman kan saniya da Ruwan zafi Wanda ya sha kayan kamshi ga zuma ga madara kai lallai mama tana ji da mu .
Fati da ta kawar da kanta tana jin kunyar shi don ita kam a yanzu so kawai take taji ta inda aka haihu a ragaya tsakanin ita da alabo.
Ya soma zuba mata naman yana tara mata madarar da zumar yana fadin
“Wai dear har yanzu kunyar nan bata fita ba ? Ni kam ban san yadda zanyi na cire kunyar nan ba ko kuma sai min Samu mai sunan daddy da mai sunan Baffa?.
Ya fada yana bakin shi a nata ya kuma rike ta Yana sumbata kafin ya soma mika mata xumar ta lasa sosai shima ya lasa don ya fada Mata ita zuma musulunci ya tsara yadda za a sha ta ta hanyar lasa ba kamar madara ba da za a kafa kai a sha
Ta lasa sosai kafin ya bata madarar itama ta Sha don hakikatan yayan nata ya soma dasa Mata wata irin soyayya mai zafi a zuciyar ta daga jiya zuwa kadai da kulawa.
Tana jikin shi yana bata naman wanda ya dahu romo mai dadi suna ci yana kallon ta da wani irin bege Akan yadda ya Kara jin ta a rai da zuciya.
Kafin yamma suka soma karbar bak’i bayan fati tayi wanka ta sauya kaya wanda suka fuddo ta amaryar ta sak Al amarin da ya kara gigita Alabo Wanda Yake Kara ganin duniyar da bai zaci akwai ta ga rabin ruhin nashi wanda kallon ta bai faku a idanun bakin da suke ziyartar su ba don duk inda tayi Yana biye da ita da ido.
Da dare bayan bak’in sun tafi tayi wanka yana zaune a gefen gadon yana kallon yadda take sassaukar kwalliyar ta wacce babu tarkace har ta Kare ta dauko abincin da ta hada tana ajewa gaban shi tana fadin
“Wane irin lemu zan dauko maka Yaya?.
“Dauko min kowane iri ma don kin nace da yin girkin nan dear da fruit ma ya Isa ko?.
“To Yaya bak’in kuma mu basu me?.
“Ba kin basu kayan snacks ba? Ai ba mu zamu cida su ba kayan Amarya dai ai gasu nan snacks ne Kuma an Basu.
“Har abincin ma sunci rabon su ne gobe sai a sauya .
“Ai Ni gobe ma Babu wanda zan yarda na karbi bakuncin sa zan Rufe gida na daga ni sai matata mu huta da wannan zaryar ta yan son ganin gulma don na gama gane gulma ce fal cikin masu ziyarar nan su leka can su leka can don suje gaba su bayar da labarin.
“Gobe fa yan misau zasu zo yaya in ka rufe gida ai zaka ja min abin magana ne ace na rufe gida bana son mutane suna zuwa min.
“In suka zo suka ga gidan a rufe ba sai su koma ba? Ai kinga ko wasu sukaji zasu zo sa fada musu yadda muke kin karbar bak’in ba mun huta ba?.
“A a fa don Allah ka bari su zo su tafi ka sani ko har da Inna za a zo ?.
“Ba zata zo ba ke kin sani.
“Me yasa kace ba zata zo?
“To kin ganta ne a cikin hidimar? ai kunya ba zata barta tazo ba.
Ta aje cokalin da take cin abincin jikin ta a sanyaye ya dube ta yana fadin.
“Lafiya kika aje?
Ta soma share hawayen ta tana fadin
“Yaya don Allah ka fidda ni shakku da fargabar da take son hana min jin dadi wallahi ina cike da mamakin al amarin mu kwana nayi tambayar kaina wacece ni? wanene kai a gareni?.
ya debo abincin ya nufi bakin ta yana fadin
“Mu gama da Abincin zan sanar da ke ko ni waye da ke ma wacece?.
Ta karbi abincin suka bawa juna a baki har suka kare yana fadin
“To sai fa kinyi siki kafin mu soma don haka shirya tukuna.
Ya some cire boturan rigar shi ya rage daga shi sai best da shotniker yana fadin
“Danna min baya na da kafafu na .
Ta kalle shi tana jinjina aikin da ya bata wmma yayi murmushi Yana fadin
“In kuma baki shirya ba na daga miki kafa tunda ai kin san Aljannar mace tana tafin kafar mijin ta ni Kuma nayi nufin daga miki kafa ta in kuma yafe miki dukkan abubuwan da zasu faru yayin zaman mu .
Ta matsa tana dora hannun ta a bayan shi tana dannawa kamar yadda yace mata.
Yaji wani sanyi saukar hannun ta a bayan shi ya soma rufe Ido yana Jin bacci yana shirin daukar shi .
“Bacci fa kake yaya? to ina alkawarin?.
Ya juyo daga ruf da cikin da yayi yana kamo hannun ta ya jawo ta jikin shi ya rutsa ta yana zagaye ta da runguma.
“Ai ke mai bayar da shaidar ni din lah fahara ba cika baki ba bana daukar alkawarin da ba zai cika ba haka ne?
Ta kada kanta .
“Yauwa to yanzu muje zuwa in kin shirya.
