Tsohuwa Da Barawo 

A daddafe tsohuwar ta samu ta miƙe tare da taimakon bangon ɗakin nata wanda a ƙalla ya kai shekaru arba'in da biyar da ginawa. Gidan kawai za ka kalla ka tabbatar da tsufan ba na wasa ba ne. Ita kanta tsohuwar, wadda ake kira Kande mai ƙuli, shekarunta za su kai kimanin tamanin da bakwai a duniya. Don har ta kai ga ma a ta wani gani sosai. Ba don lalura ta jiki ba ma, me zai kai ta yawan zaune tashi haka nan kawai da tsakar dare. . .