Mugun Miji 

Adamu na tsaka da barci ƙarar wayarsa ta tashe shi. Wani irin bacci yake yi ne mai daɗin gaske. A cikin wannan barci nasa kuwa, wani irin mafarki ne ya ziyarce shi mai ban sha'awa. Cikin tsananin takaici ya kai hannunsa ya datse kiran ba tare da ko dubawa ya ga wanene ke kiran ba. Sabon ruri wayar ta ɗauka tana mai neman agaji. Dogon tsaki ya ja sannan ya ɗauko wayar ya duba. Ƙanwar matarsa ce Lubabatu, takaici ne ya rufe shi a karo na ba adadi tun bayan lalacewar wayar matar. . .