Shiru suka yi aka rasa wanda zai ce ƙala, tamkar an yi ruwa an ɗauke. Daga wannan ya kalli wannan sai wancan ya kalli wancan. Bayan an ɗauki tsawon lokaci a haka sai Shamadara ta dube ni cike da damuwa ta ce,

"Waɗannan abubuwa da ka buƙata abubuwa ne masu tsadar gaske Haidar."

"Na sani Mama, sai dai duk tsadar su ba su kai rayuwata ba. Idan har za ku iya tambaya ta da in sadaukar da rayuwata domin samun maslahar matsalolinku, to kuwa ba zai zamo matsala ba don na buƙace ku da ku miƙa. . .