Bayan ta fita tsakar gidan kai tsaye wurin dazu ta kuma nufa, ta shiga bankada ko wace fulawa, tana tona ko ina.

Hankalinta kaf yana a kan kokarin ganin ta samu kwalbar, shi ya sa ba ta sauraron komai.

Ta yi saurin ja da baya hade da wani tsalle, cikin rudaddar murya ta ce "Na shiga uku maciji. Hammawa!!" ta shiga kwalawa Hammawa kira da karfi.

Ya amsa daga can cikin dakin ta dora da "Ka taho da sanda wlh maciji na gani"

Bai ɓata lokaci ba ya dakko wata katuwa gora ya nufo wurin a guje.

Sai iya duban. . .