Haka gidan ya rika karbar ƴan gaisuwa har dare, zuwa lokacin Aunty ta kara gajiya tibis ga wani irin ciwo da bayanta yake yi, haka nan take yin komai cikin karfin hali

Misalin karfe 8:30pm Azeez ya hauro zuwa dakinta, tun da ta iso sai yanzu ta gan shi, ba ta san ma yana gidan ba.

Kallo daya ta yi mishi ta fahimci akwai yunwa a tare da shi

Ya zauna gefen gadon, Sai ma ya kwanta gabadaya ta baya, duk kafafunsa a kasa.

"Me ya faru? Kai da ba ka iya gaisuwa ba." ta fada cikin tabe baki. . .