Baki hangame Mama ta maimaita abin da Jamil ya fada "Ciki! Ciki fa ka ce?"

Shiru Jamil ya yi bai ce komai ba, illa wayarsa Nokia C130 da yake latsawa.

"To Allah Ya raba lafiya?"

A hankali ya ce "Amin."

"Haba! Ni ina mamakin ciwo irin na Fatima, ta wuni ci ta kwana ci, sosai kiwo take kamar saniya. Amma wai ba ta lafiya" ta karasa maganar hannunta a kan haba alamun mamaki.

Jamil dai ba ce komai ba, wayarsa kawai yake tabawa.

A hankali maganar cikin Fatima ta zagaye dangi har zuwa kunnen Mustapha wanda ya yi farin ciki. . .