Da tsiwa ta buɗe ƙofar da zummar ko wane ya dame ta da matsa bell ɗin sai ta zuba masa rashin mutunci kafin ta saurare shi. Sai dai turus ta yi ganin mutumin da zuciyarta ba ta taɓa kuskuren tuna mata ba zai bibiyeta ba.

Ɗaure fuskar ta ƙara yi tana kallonsa a yatsine kafin ta buɗe baki.

"Mutum dai ko iya karatun Firamare gare shi ai ya kyautu a ce ya koyi latsa kararrawa sau ɗaya ya saurara Idan ba a buɗe ba ya ƙara. Amma kai garjejen ƙato da kai ka zo kana zuba. . .