MACE
Mace ba saƙago ce ba
Mace ba baiwa ce ba
Mace ba karya ce ba
Mace ba ‘yar tsana ce ba
Mace ba halittar rainawa ba.
Mace na buƙatar ƙauna
Mace na buƙatar kulawa
Mace na son tarairaya
Mace na buƙatar tausayawa
Mace na son kyautatawa.
Mace uwar al’umma ce
Mace sirrin tarbiyya ce
Mace ruhin ahali ce
Mace majinginar duniya ce
Mace kimarta mai girma ce.
Bai kamata a ke dukanta ba
Bai kamata a ke sa ta kuka ba
Bai kamata a zalunce ta ba
Bai dace a barta a damuwa ba
Kuma ba ta cancanci uƙuba ba.
Mace in tana haila ta ji zafi
Mace wurin kwanciya ta ji zafi
In ta samu rabo na ma zafi
Wurin haihuwa ma akwai zafi
Shi ma rainon dai zafi ne.
Wannan ma kaɗai ya ishe ta
Ya isa jarabawar rayuwarta
Daga haihuwa har mutuwarta
Al’umma take yi wa bauta
‘Yan’uwa mu zam girmama mata.
