Kurman baƙi....

Murmushi ne ya suɓuce a kumatunta,

"Wai Ladi da gaske kike yi mini Aufanata ce ta tsaya tsayin daka domin kwatar 'yancin Sadiya?"

"Ƙwarai kuwa ba ma Sadiya kaɗai ba, a yadda na fahimta hadda ɗiyar Indo 'yar maula, domin bincike ya tabbatar da Muddasir ne ya buge ta wanda sanadin hakan ya yi ajalinta."

Wata ƙwallar farinciki ce ta bayyana akan kuncinta, a yau tana jin zuciyarta wasai ko yanzu ta rasu ta san ta bar irin alkhairi. Kewar ɗiyarta tare da tsohon mijinta suka taru suka cunkushe zuciyarta har ƙirjinta ya soma nauyi. . .