Fitowa na yi muka wuce, a hanya zuciyata ke ta wasi-wasi tare da zulumin Allah dai ya sa mu wanye lafiya, ko da yake ai rasuwa ce ba lallai ne ta min abin da ta saba yi ba.

Nan da nan muka isa Nassarawa, a Sokoto Road suke da zama, muka isa bakin wangamemen gate din su da yake kullum a kulle, saboda yawan tafiye-tafiye da suke yi, yau kam an buɗe shi saboda rasuwar mutumin kirki, "Allah ya jikan ya Usman ya sa ya huta." Na faɗa daidai lokacin da Anty Lami ta yi parking. . .