Littafi Na Uku

Kartawa nayi da gudu cikin duhun daren nan na  rinka bi cikin kwararo da lunguna ba tare da ina jin tsoro ko duhun daren ya dameni ba, ji nake tamkar gudun da nake yi din gudu ne na ceton rai, ban tsaya a ko ina ba har sai da na isa kofar gidan su yaya Khadija duk da nisan dake tsakanin unguwannin namu.

Sau daya kawai na taba kofar gidan nasu na jiwo muryar Yaya Ibrahim yana tambayar wanene? Alama dai na su ma ba su yi bacci ba.

Ni. . .