Ramatu ta share hawaye, "Shi kenan na gode Asma'u, Allah Ya tabbatar da naki auren, Ya sa masa albarka Ya ba ku zaman lafiya da mijinki, Ya jiƙan mahaifanki."

Har ƙofar gida ta rako su tana mata godiya.Da za su wuce ƙofar gidan Sarkin noma Muntari ya nuna mata Liti cikin bola yana tsince-tsincensa bai ma san a hayyacin da yake ba. Tausayinsa ya kama ta. A fili ta yi masa addu'a kan Allah Ya sassauta masa Ya bashi lafiya. Muntari ya jinjina kai.

"Haƙiƙa samun mai tawakkali da imaninki a wannan zamanin. . .