Tafiya mai tsananin nisa a gare ta, dazuzzuka da garuruwa kawai ake cimma ana wucewa, har yanzu kuma ba a zo Kano ba, wasu tuni sun yi barci abinsu a cikin motar, amma ita damuwar Zuciyarta ba za ta taɓa barinta ta runtsa ba...kai a tsammaninta ma barci tuni ya ƙare a cikin rayuwarta tunda an raba ta da Inna, hawaye suka biyo kuncinta, a hankali ta sa hannunta ta share.

Lallai Kano na da nisa da ƙauyensu, har sai da zaman motar ya gundire ta. Tuntuni amai ke yunƙurin taso mata sakamakon wani turare marar da. . .