Fitowar Asma'u daga banɗaki kenan za ta gifta ƙofar ɗakin Zubaidah ta ji an ce."Waye a nan?" Muryar Zubaidah ce ta kuma san da ita take ta ce a sanyaye, "Ni ce Anti."

"Asma'u ce? Zo mana."

Ta ɗaga labulen ƙofar ɗakin tare da jefa ƙafarta da sallama duk a lokaci guda. Zubaidah na zaune a gefen katifa ta ci uwar kwalliya da alama fita za ta yi. "Ina kwana Anti." Ba ta damu ta amsa ba ta ce, "Me kika yanke kan maganar jiya?"

Sunkuyar da kai ta yi ƙasa, ta fara jin haushin yadda. . .