Ta ƙanƙame shi tana girgiza kai alamun ba zata iya ba. Ya sake kiran sunanta cikin sanyi,

"Yi haƙuri ki buɗe idanunki."

A hankali ta buɗe idanun, sai dai tana kallonsa ta yi saurin rufe su tana sake jin hawaye suna kwaranya.

Yasa ɗan yatsarsa ya dinga ɗauke hawayen, kafin ya ci gaba da cewa,

"Ina sonki Suhaila. Na fara sonki a tun ranar da na fara cin girkinki a cikin gidanmu. Ranar da na fara ɗora idanuna akanki, sai na tabbatar da abin da ke cikin zuciyata. Sai dai a lokacin kin fi ƙarfina saboda. . .