Tuƙi kawai Abba yake yi, babu wanda ke cewa kowa uffan. Zuciyar Abba kawai azalzalarsa take yi. Suhaila kuwa kuka take yi babu ƙaƙƙautawa. Tana jin tabbas da ta kasance mayya kamar yadda ake faɗa da babu ko shakka Anti Laila da Momi za ta fara cinyewa. Kwantar da kanta kawai ta yi, tana jin tarin damuwa.

A can cikin gidan kuwa, Farouk ya lallaɓa ya kama hanya zai fice daga gidan, ya ji ansake riƙo ƙafafunsa ya waiwayo yana dubanta,

"Don Allah Yaya ka taimakeni ka aureni, kai kaɗai nake so, kai ne. . .